عيب النيسان فراملها

**amrehab** · 22-04-2009 08:59 PM

hasan باشا انتا متاكد من الكلام دا ب 4000 جنيه انتا سالت فى انى فرع الزهراء ولا الهايكستب ولا انى واحد عشان انا سالت برضو فى التوكيل وقالى انو هيتكلف جامد جدا لانهم بيغيروا الطنابير والضفيرة ومش عارف ايه وحاجات كتيير اوى.
فيرات تقولى فى انى توكيل اللى قاللك ب 4 دا؟

**khalidsdk** · 22-04-2009 11:01 PM

أنا زائر لكم هنا في قسم النيسان ، بس شدني الموضوع

نصيحة ، طالما إن العربية مافيهاش ABS يبقى أوعى تركب لها ولو كان مش في التوكيل لأ لو كان في المصنع اللي طلعت منه في اليابان ؟!!

ليه ؟

ABS من الأنظمة الحساسة والمعقدة نوعا ما ، ولا أعتقد إن فيه حد ممكن يركبها ويضبطها وتشتغل معاك كويس لأن فيها حساسات Magnetic بتركب على الطنابير ووصله بأسلاك كهرباء ،لها Control Unit خارج منه ماسورتين زيت لكل عجلة واحدة للضغط والثاني للراجع يعنى إجمالي 8 مواسير (في حالة حتركبه على 4 عجلات مش اللي اتنين اللي قدام بس زي معظم العربيات ) + أسلاك كهرباء الحساسات ، بيكون ليها أيضا فيوز خاص بها يعني فيه تعديل في الضفيرة .

فنصيحة ما تدخلش نفسك في المتاهة دي ، لأن حتلاقي بعد التركيب مره مش شغالة ومره بتفصل ومره بتحدف يمين يعني جزء شغال وجزء مش شغال ومرة لمبة ABS منورة، ومره دواسة الفرامل محجره وما بتمسكش . . . الخ ، وفي النهاية حتتمنى العربية ترجع تاني زي الأول.

الموضوع ده حصل معايا في عربية شيفورليه -كابريس في السعودية ولم يضبط وما حدش عرف يضبطه وبعتها في الآخر.

**amrehab** · 23-04-2009 01:34 AM

متشكر جدا على ردك والافادة الكبيرة ومنورنا هنا فى منتدى النيسان وفعلا انا اقتنعت بكلامك لان الموضوع فعلا مش سهل

**ahmad--ezzat** · 23-04-2009 03:48 AM

الصراحة النيسان فراملها جمدة جدا والعربية تقيلة وعمرها ما عومت منى

**amrehab** · 23-04-2009 11:28 AM

يا احمد انا مقولتش ان فراملها كلها وحشة انا بتكلم لما تيجى تضرب فرملة مرة واحدة تلاقى العجل بزحف معاك والعربية طبعا مش بتقف انما انا مجرب فراملها وعارف انها قوية وتهمد العربية فعلا حتى لو ماشى على كام انما زى ما بقوللك جرب كدا وانتا ماشى على 50 حتى واضرب فلرملة مرة واحدة هتلاقى العجل زحف بيك جامد ودا طبعا عشان مفيش abs وشكرا لردك

**amrehab** · 23-04-2009 11:33 AM

اه معلش نسييت اقوللك على حاجة انا اول ما اشتركت فى المنتدى كان دا اول موضوع ليا وكأن مصنع نيسان فى اليابان دخل قراه لان شوف اول ما نزلت الصنى 2009 حاطين كل التكنولوجى الخاصة بالفرامل اللى نزلتabs ebd ba ومش مغيرن فيها اى حاجة تانية ودا ياكد المشكلة اللى انا بتكلم عليها....وشكرا

**hasan777** · 23-04-2009 04:24 PM

انا سالت في توكيل الهايكستب من حوالي 10 ايام و قاللي هتتكلف 4 الاف

**ALshahba** · 05-05-2009 03:08 AM

السلام عليكم ورحمةالله
يا استاذى العزيز سيادتك ما قرأتش الموضوع كويس الكلام اللي حضرتك ناقلة بيقول علي الطرق الجليديه او السائلة او اي طريق اخر بخلاف الطرق الجافه
وانا بتكلم علي الطرق الجافه لاني مازلت عايش فى مصر مش بلاد فيها جليد وكمان تجربتي كانت علي طرق جافه ودي تجربتي بعد ما قرلأت عنها وشفتها فى برنامج تعليمي عن ظهةر نوع فرامل جديد
وكمان تفتكر كده لو كانت السيارات بتقف بعد مسافه اكبر كانو صنعوها ليها اصلا ؟
ده كده حيضر بسمعة السيارات ويضر السائقين!!!! كلام منطقي
اما لو عايز تتكلم علي نظم الفرامل المضاده للزحلقه فدي انواع فرامل غالية الثمن جدا وتركب فى انواع السيارات الفارهة مثل الفئة السابعه وامثالها
اتمنا اكون وضحت وجة نظري والمعلومة وصلت لينا كلنا

المشاركة الأصلية كتبت بواسطة amir

انا متأكد من كلامي كويس و ان كانت النقطه التانيه بتاعتك
هي بس اللي صح لكن النقطه الاولي اعتقاد خاطيء فقط عن الabs
An anti-lock braking system, or ABS (from the German, Antiblockiersystem) is a safety system which prevents the wheels on a motor vehicle from locking while braking.

A rotating road wheel allows the driver to maintain steering control under heavy braking by preventing a skid and allowing the wheel to continue interacting tractively with the road surface as directed by driver steering inputs. While ABS offers improved vehicle control in some circumstances, it can also present disadvantages including increased braking distance on slippery surfaces such as ice, packed snow, gravel, steel plates and bridges, or anything other than dry pavement. ABS has also been demonstrated to create a false sense of security in drivers, who may drive more aggressively as a result
و ده لينك ويكيبيديا في الموضوع ده
http://en.wikipedia.org/wiki/Anti-lock_braking_system
و ممكن تعمل سيرش في جوجل و تشوف بنفسك بطريقه علميه, و عموما مينفعش تعمم تجربتك الشخصيه في استخدام الفرامل و تستنتج منها نتايج لأنك علشان تعمل كده لازم تعمل التجربه بطريقه علميه بحته
تحياتي