استشارة

**sshalaby** · 20-02-2009 03:00 PM

اولا احب اهنيكم على المنتدى الرائع
انا دخلت اقرى موضوع ولقيت نفسي بشترك ومستمتع بالمواضيع الجميلة

ثانيا استشارة:
انا مقيم بالسعودية
وعايز اشتري عربية زيرو انزلها مصر
طبعا القانين المصرية بتحاول انها تخسرك بقدر الامكان
ماينفعش تشتري 2008 في سنة 2009 عشان ما تستفيدش بالعروض
ثانيا مش حتاخد خصم على السنة الاولى لو اشتريت بعد 1 اكتوبر
عشان برضو ما تستفيدش بالعروض
المهم ما اطولش عليكم
ايه احسن عربية اجيبها مع العلم ان لازم تكون 1600 cc او اقل
بس امكاناتي في حدود الياريس او الالنترا او فئاتهم
الياريس هنا ب 42000 ريال
والالنترا ب 49000
كان في عرض على الشيري A5 ب 25000 بس طلعت 2008
افيدوني افادكم الله

**sshalaby** · 20-02-2009 09:01 PM

ايه يا جماعة ما حدش عنده معلومة؟

**blazer** · 20-02-2009 09:59 PM

حضرتك فى فى الفئه دى عربيات كتير بجانب اليارس و الالنترا
زى السيراتو - الاوبترا - التيدا -الصنى -هوندا سيتى - مازدا3
اعتقد التيدا عربيه محترمه جدا و قيمتها فيها هى و المازدا 3
انا مش عارف اسعار العربيات دى بلضبط عشان كدا مش قادر افيدك قوى ةلكن كل العربيات دى بتشترك فى جوده تقفيلها وقوه ماتورها

**sshalaby** · 20-02-2009 11:09 PM

انا شاكر ليك جدا على ردك
يعني لو بقارن بين الياريس والتيدا والماتريكس والالنترا والمازدا 3 من ناحية قوة الاحتمال وسهولة البيع والقوة والمتانة تختار ايه؟

**blazer** · 21-02-2009 01:36 AM

التيدا و المازدا افضل
بس فى مصر التيدا تكسب عشان مازدا يعتبر ملهاش توكيل فى مصر +سعر اعاده بيع واقعه شويه +واطيه +الكنبه ضيقه بعض الشىء بس من مميزاتها شكلها الرياضى والتابلوه الشيك و التسارع بتاعها كويس
انما التيدا عائليه وواسعه مووت و تقفيل اكثر من ممتاز و عاليه عن الارض
يعيبها شكلها من برده ناس كتير مش متقبلاه خاصه السيدان

**magyver** · 21-02-2009 02:59 AM

المشاركة الأصلية كتبت بواسطة blazer

التيدا و المازدا افضل
بس فى مصر التيدا تكسب عشان مازدا يعتبر ملهاش توكيل فى مصر +سعر اعاده بيع واقعه شويه +واطيه +الكنبه ضيقه بعض الشىء بس من مميزاتها شكلها الرياضى والتابلوه الشيك و التسارع بتاعها كويس
انما التيدا عائليه وواسعه مووت و تقفيل اكثر من ممتاز و عاليه عن الارض
يعيبها شكلها من برده ناس كتير مش متقبلاه خاصه السيدان

فعلا التيدا شكلها مش مقبوول خاالص

**meromar** · 21-02-2009 09:01 AM

نصيحة لحضرتك بلاش تشترى من السعودية لان العربية حتقف عليك اغلى من تمنها فمصر ودة عن تجربة دة غير القرف اللى حتشوفة فالجمارك والفلوس اللى لازم ترشها عشان تخلص الورق وفالاخر حتلاقى نفسك دافع اكتر من تمنها فمصر ..لو عاوز تشترى هات يابانى من مصر وخصوصا لانسر الشكل الجديد جميلة جدا وعربية تحفة ويابانى ماية فالماية ..على فكرة انا كمان عايش فالسعودية وعارف كل اسعار العربيات لو محتاج اى استفسار او خدمة انا تحت امرك وربنا يوفقك

**medo_msmsa** · 21-02-2009 10:15 AM

انا واقع في نفس مشكلة حضرتك
حضرتك تعرف ان توكيل رينو بيصفي يعني ناقص يشحتوا العربيات المانيوال بتاع الميجات ب38.500 والاوتو ب44.000 بس المشكلة انهم موديل 2008 ولما سألت في الملحق التجاري بجدة رد عليه (كائن حي) ملوش دعوة بالبني أدمين وقالي مش هينفع حتى لو الفتورة بتارخ 2008 ومختومة من العفاريت هنصادر منك العربية (يعني لا هتدخل مصر والسعودية هترضي ترجعها تاني)
وبالنسبة للأرخص ليك عشان تبقى الامور مجدية هي الكيا سيراتو ب40.000 ريال وبالنسبة للالنترا ب46.000 أول اوبشن في الأوتو.
ابعد عن التيدا والمازدا بيستهبلوا في تمنهم اول اوبشن في الاوتو بتاع التيدا بقي 52.000 ومتسألنيش ليه غليت عن موديل 2008 5 ألف بحالهم من غير اضافات والمازدا اقل حاجة فيها ب55.000.
وآسف على الاطالة