فعلا يا جماعة انا شوفت كذا عربية قدام المركز التجارى اللى على الكورنيش كانوا اربع عربيات واقفين ورا بعض من غير نمر , بس تحفة فنية واقفة على الارض من الوان ومن تقفيل من داخل العربية اللى واضح ,, اظاهر ان الموديلات الجديدة عالجوا فيها بعض القصور اللى فى الموديلات القديمة منها,, بس انا حابب اقول كلمة حق فى المودلات القديمة قبل ما اتكلم على الجديد : انا مش بحب اتكلم عن عربية الا لما اكون جربت اسوقها بنفسى وامشى بيها المشى العادى واحمل عليها تكيف وتقل وناس تقعد فيها وبعدين اتكلم لان مش بحب اسمع وخلاص او اسمع من حد عمل تجربة بالعربية وهو بيجرى بيها سرعات عالية بعد 140 لان ده جنون اولا بيسحب بنزين لان تسارع العربية بيزيد وغير كدا محدش يقولى ان الثبات مش مظبوط لان بردوا قبل ما تحكم شوف الطريق اللى بتكون ماشى عليها لان مش معقول طريق فى مطبات وعالى وواطى ومش كويس ونحكم فيها على العربية والاهم بقا وغير كدا معرض انه يعمل حادثة بالعربية وفى الاخر لو عمل لقدر الله حادثة يقول ان صاجها ضعيف طيب ما كل العربيات لو عملت حادثة على سرعة لقدر الله نادر ما يكون العربية تطلع سليمة وبيفرق بردوا نوع سواقة كل واحد وتفرق موقف كل واحد اللى كان فيه وقت الحادثة لقدرالله فعشان كدا حظى انى جربتها وسوقتها مع واحد صحبى ماجرها يعنى مصر ركبتها كلها قبل مننا ,, المهم ركبت العربية القديمة ومشيت بيها 120 ومشغل التكيف وحاطط شنط سفر وراكب فيها 4 اشخاص وسحبها ممتاز وكانت 1300 سى سى عربية جميلة من وجهة نظرى وبختلف مع كل واحد قال عليها وحشة انها سيارة رائعة بمقارنة مع كل السيارات اللى فى فئة ال1300 سى سى
اما الهوندا سيتى الجديدة 2009 عل الامكانيات والتكنولوجيا الجديدة انا برفع القبعة للسيارة دى انا عجبانى وعالية من الارض جدا ومتور كويس والهورس بور بتعها كويس بس هو سعرها عالى شوية يعنى يعملوها ب115 لغاية 120 يبقا ممتاز لكن اكتر من كدا حرام كتمن
المهم عايزين منكم حد يقول تقيماته على الجديدة لو كان ركبها لو شافها فى معرض بس يحكى بضمير
ومش عشان انا مثلا منحاز مثلا الى المازدا او التويوتا او الاسكودا يبقا ازم فى الهوندا سيتى او لو كنت بحب الهوندا سيتى يبقا اتغاضى عن عيب وافضل اشكر فيها
مستنين تقيماتكم الهامة اللى من خلالها نثبت موضوع عن تقييم الهوندا سيتى 2009 الجديدة عشان الناس تستفاد
واسف على الاطالة
المفضلات