ازاى اتعامل مع اللى راكب عربيته وبيعاكس

**michohat** · 20-02-2009 06:27 PM

السلام عليكم ورحمه الله وبركاته
كنت فى مشوار و حصل الموقف التالى
اذن المغرب وانا فى الشارع لاحظت ان فى عربية ماشية جنب بنت ماشية فى الشارع و الللى راكب فيها نازل معاكسه فى البنت ( البنت لبسها محترم مش مدندشه يعنى)
كانوا جايين فى اتجاهى
والللى فى الشارع كانوا عمالين يتفرجوا اكنهم بيتابعوا مسرحيه ( عمار يا مصر)
معرفش ايه خلانى اقف قدام العربية و اوقفها و حاولت اكلم اللى سايق وقولت له انه مش ليك اخت اعتبر دى زى اختك قال لى هيا اشتكت لك قولت له يعنى المفروض فى اخلاق وان الواحد يراعى ربنا قال لى ايوه ربنا هيحاسبنى و هيحاسبك وانت مش اللى هتحاسبنى قولت له ايوه صح وكويس انك عارف كده
ده كله واللى فى الشارع بيتفرج ومفيش حد ادخل
انهيت معاه الكلام وهوا بيقول محدش هيحاسبنى ربنا بس اللى هيحاسبنى وفى الوقت ده كانت البنت وصلت لاول الطريق ومشيت عكس اتجاه العربيات
وهوا شد بالعربية عاوز يكمل بس لما لقاها مشيت عكس الاتجاه راح جارى بسرعه علشان يلف و يكمل

المفروض بقى الواحد يعمل ايه فى المواقف دى
يبقى متفرج ويتفرج زى الباقيين
ولا يتدخل
وايه طبيعه ونوع التدخل ده
ممكن الواحد يضربه بس كده مش حل وخصوصا لو كان مسنود
ولا ممكن الواحد ياخد معاه اجراء زى يوقفة و يبلغ الشرطه
وده برضه فى شك لان مع ان الناس اللى كانت موجوده كتير مفيش حد هيشهد
هل فى حل متجرب للحالات اللى زى دى؟؟

**نور القمر** · 20-02-2009 06:36 PM

الناس اللي عندهم نخوة زي حضرتك كدة اصبحوا نادرين
واكيد ربنا هايوقفلك اولاد الحلال مع اهلك
اما تتصرف ازاي فدي صعبة شوية خصوصا لما تكون قصاد شخص وقح زي ده
الشرطة طبعا ايدك منها والارض مش بيتحركوا الا لما كارثه تحصل فعلا
ولو ضربته هتبهدل نفسك ومش هاتلاحق على كل واحد بيعاكس
المفروض الناس في الشارع تتدخل في موقف زي ده ولما يلاقي هجوم من كذا شخص هيخاف ويمشي لكن طول ماهو في لا مبالاة عند الناس مفيش فايدة
والبنت كمان ليها دور مش المفروض تكون سلبية كدة
هي بس لو زعفت له وعلت صوتها شوية هو يخاف احسن الناس تتلم عليه وممكن جدا يضربوه

**Mido80** · 20-02-2009 07:33 PM

المشاركة الأصلية كتبت بواسطة نور القمر

الناس اللي عندهم نخوة زي حضرتك كدة اصبحوا نادرين
واكيد ربنا هايوقفلك اولاد الحلال مع اهلك
اما تتصرف ازاي فدي صعبة شوية خصوصا لما تكون قصاد شخص وقح زي ده
الشرطة طبعا ايدك منها والارض مش بيتحركوا الا لما كارثه تحصل فعلا
ولو ضربته هتبهدل نفسك ومش هاتلاحق على كل واحد بيعاكس
المفروض الناس في الشارع تتدخل في موقف زي ده ولما يلاقي هجوم من كذا شخص هيخاف ويمشي لكن طول ماهو في لا مبالاة عند الناس مفيش فايدة
والبنت كمان ليها دور مش المفروض تكون سلبية كدة
هي بس لو زعفت له وعلت صوتها شوية هو يخاف احسن الناس تتلم عليه وممكن جدا يضربوه

كلامك مظبوط يا نور. كمان هي ممكن لو معاها موبايل تطلعة وتقول للي بيعاكسها انا هاجيبلك الشرطة ساعتها هايخاف ويمشي. وبصراحة انا برجح لو هو زودها اوي، تعمل زي ولاد البلد عندنا (تخلع الشبشب وتديلة علي راسة) وساعتها الناس هاتتلم ويكملوا الليلة

**eng.octooo** · 20-02-2009 07:41 PM

انا باعمل اية : باروح للبنت واقولها فية مشاكل معاكى بتقولى اة او اى حاجة تدل على الشباب اروح مزعق بصوت عالى والم الناس حواليا وبيتكسفوا وبيخافو من لمة الناس وبيمشوا

**elassar2010** · 20-02-2009 07:44 PM

احسن حل واسهل حل انك تزنق علية بعربيتك لحد ما البنت تمشى وخلاص رخامة برخامة

**MoOoD** · 20-02-2009 07:46 PM

لو البنت محترمه أكيد الواحد هيدخل. لكنى لو وجدت البنت عاجبها الوضع أو لبسها مش محترم أكيد هى السبب وتستاهل .
بس مش هيوصل الموضوع للضرب هو مجرد توبيخ لإعطاء فرصه للفتاه انها تبعد بعيد.وأكيدهوه هيتكسف على دمه ويمشى.
لو كنا فى شارع لوحدينا خالص ..بالليل "حصلت فعلا" كلمت البنت فعلا ووصلتها حتى أول تجمع من الناس"بس مشيت معاها بدون ولا كلمه"يعنى هيبقى انا والواد .....
وربنا يهدى الجميع

**Dr_Mido** · 21-02-2009 01:38 AM

بتحصل كتير للاسف بس انا ليا طريقه تانيه
باجى وراة وانور النور العالى والزق ايدى فى الكلاكس لحد ميمشى

لسه امبارح عاملها فى جامعه الدول بتاع 4 مرات

**SeiffoZ** · 21-02-2009 02:02 AM

دول حلهم الموت ... و الإعدام فى وسط الشارع

**MoToRiZeR** · 21-02-2009 04:09 AM

انا كنت برخم عالأشكال دي و أجي أدامه و أقف أو أعمل أي حاجة بس من فترة كدة كبرت دماغي لأن في مرة شايف إتنين عمالين يعاكسوا واحدة و نازلين فيها معاكسة و ماشيين جنبها بالعربية .. علي بال ما وصلت كانت ركبت العربية .

**Dr_Mido** · 21-02-2009 04:23 AM

المشاركة الأصلية كتبت بواسطة MoToRiZeR

انا كنت برخم عالأشكال دي و أجي أدامه و أقف أو أعمل أي حاجة بس من فترة كدة كبرت دماغي لأن في مرة شايف إتنين عمالين يعاكسوا واحدة و نازلين فيها معاكسة و ماشيين جنبها بالعربية .. علي بال ما وصلت كانت ركبت العربية .

بس دى مينطبقش عليها لقب بتتعاكس

الموضوع: ازاى اتعامل مع اللى راكب عربيته وبيعاكس

LinkBack

أدوات الموضوع

عرض

-

-

-

-

-

-

المواضيع المتشابهه

بشرى لكل اللى عربيته هتتخبط على الطريق

ازاى اعرف نوع الانذار اللى راكب وايه افضل الانواع

اللى عربيته اتسرقت يمكن يلاقيها هنا

اتعامل ازاى مع الدراجات النارية فى الطريق

مش عارفة ازاى اتعامل مع الناس دى...

الكلمات الدلالية لهذا الموضوع

المفضلات

المفضلات

ضوابط المشاركة