السلام عليكم
ياريت اللي عندوا اي معلومه يقدر يقولها عن اتوس الجديده من حيث الشكل والامكانيات والسعر و...........الخ يتفضل يذكرها
وشكرا
عرض للطباعة
السلام عليكم
ياريت اللي عندوا اي معلومه يقدر يقولها عن اتوس الجديده من حيث الشكل والامكانيات والسعر و...........الخ يتفضل يذكرها
وشكرا
سعرها 52,000 جنية
فيها تكييف + باور +كاسيت Cd
ومفيش منها كامله هوه ده الموديل إلى نزل بس Gl
100% تقفيل وتصنيع كورى (على مسئولية خدمة العملاء بتاعة غبور)
طيب لو اتكلمنا عن قطع غيارها وياريت لو صور ليها في حد كان بيقول انه لما اتكسر منه الفانوس الخلفي كلفه 555 جنيه :eee: ده حقيقي ولا ايه
أنا قصدى إن أتوس 2009 كورى 100%
والكلام ده على لسان خدمة المبيعات بتاعة غبور
أما i10 فهى هندى
طب ايه اخبار قطع الغيار ما حدش عارف اسعارها؟
يا جماعة الأتوس طوول عمرها هندى من أ ول موديل نزل لغاية دلوقتى..وأنا معايا موديل 2008 وبصراحة العربية والحمد لله هايلة
هومافيش حد اشتراها ولا ايه؟
عاوزيين نعرف اسعار قطع الغيار ولو صور ليها من الداخل ايه وراي الناس اللي اشتروها ايه وانطباعهم عنها
صور اتوس الجديده برايم 2009 واللي نزلت مصر من فتره
http://www.postimage.org/Pq2bE8j0.jpg
http://www.postimage.org/aV27LRr0.jpg
http://www.postimage.org/Pq2bEMdi.jpg
http://www.postimage.org/Pq2bETHJ.jpg
http://www.postimage.org/Pq2bF0b9.jpg
http://www.postimage.org/Pq2bFcES.jpg
http://www.postimage.org/Pq2bFmDr.jpg
http://www.postimage.org/Pq2bFwC0.jpg
http://www.postimage.org/Pq2bFJ4J.jpg
وهو لغاية دلوقتي محدش رد على السؤال المتعلق بقطع الغيار ليه .....؟؟؟؟:T_thum1[1]:
عربيه رائعه بمعنى الكلمة
لو عايز عربيه صغير اتوكل على الله واشتريها فورا
Welcome to Hyundai Motor :: Hyundai Santro
هو دة السايت بتاعها فيه كل الصور واسمها فى الهند santro xing
واى خدمة انا تحت امرك
محدش رد على قطع الغيار لأن العربية ممتازة ومش هاتحتاج تغير اى حاجة الا الزيت والفلاتر والسيور ودول اسعارهم عادية وربنا يكفيك شر الطريق ويبعد عنك وعننا الحوادث
الفانوس اللي ورا : 550 جم
كفة المراية = 90 جم
تيل أمامي = 300 جم - غيرته على 60.000 كم وماكانشي لسة بيصفر
صيانة ال 60.000 كم = حوالي 2000 جم وبيغيروا فيها حاجات كتير منها سير وبلية الكاتينة والتيل، و كان المفروض في 50.000كم بس لما عملت الصيانة دي كان لسة كويس وغيرته بعدها في الستين
كل دي اسعار التوكيل
والعربية معايا بقالها سنتين مافيش شكاوي الحمد لله وممغيرتش غير الحاجات اللي فوق - لحد دلوقتي ربنا يستر
طبعا هي عربية خفيفة ومش بتاعة جري وحركات - هي تعمل اللي انت عايزه بس بالمسايسة
لو توكيل الكيا مستقر ومحترم يبقى قشطة بس انا لما جيت اشتري ماكانشي في كيا في السوق ولا التوكيل بتاعها موجودمن سنتين بالظبط في 7/2007
انا ماركبتش البيكانتو بس اعتقد انها ماسكة نفسها عن الآتوس
بالنسبة لأسعار قطع الغيار الآتوس مش أرخص حاجة في السوق وفي أرخص منها وساعات كمان بحس انها غالية شوية والمفروض تكون أرخص من كدة زي مثلا النيو أكسنت تيلها بنفس السعر تقر يبا وفي فرق كبير جدا بين أداء فرامل الآتوس عن النيو أكسنت وكمان الفورد فوكس سعر التيل جوة التوكيل اقل من 300جم بالأمانة مش فاكر كام بس فاكر كان أرخص من الآتوس !!!!!!!!!!!!!!
نسيت اقول على سعر البرابريز القداماني = 1700 + 100 كاوتش = 1800 جم غير المصنعية ---- نااااااااااااااااااااااار
بس في الاجمالي العربية حنينة والعشرة لتر بيقعدوا تلات أيام من غير تكييف ويومين بالتكييف وباروح العجمي وارجع موبيل العروبة بحوالي 17 لتر على سرعة من 90 - 110 كم/ساعة
إتفضل هنا:
http://www.nilemotors.net/Nile/22503-a.html
و ده فيه كل حاجة عن البيكانتو:
http://www.nilemotors.net/Nile/34971-a.html
thnxx
على فكره فى هيونداى اتوس2008 عامله حوالى 19000كم بتتباع وعلى فكره العربيه ممتازه وبسمع انها فى السحب احسن من البيكانتو بس انا سوقت اتوس بس انا زى ما قلت انا مجربتش البيكانتو بس على حد سمعى ولو عايز اى معلومات عن الاتوس انا معاك وعلى العموم هيه فيها جميع الكماليات:باور/تكييف/سنتر بالريموت كونترول/كاسيت وسماعات بايونيير اصلى/زجاج كهرباء
المشكلة فى العربية دة انها بعد ال 100 مش بتبقا حلوة خالص لازم طقم جنط وكوتش أعرض شوية وتتهبط شويتين
دة غير ان الكنبة الخلفية عالية عن الكراسى تحس انك قاعد فى الأستاد :d
شوية تصحيح يا جماعة بما اني من اوائل الناس الي اشتروها في المنتدي و يمكن في إسكندرية كلها (إشترتها من مارس 2006) ايام ما كان توكيل كيا محتاس وحيران و مش باينله صحاب و عايز اقول الأتي :
1-السيارة تصنيع هيوناداي موتورز الهند ولم يتم إنتاجها قط خارج هذا المصنع و يسري هذاعلي الـ i10
2-موتور الأتوس نفسه موتور البيكانتو و i10
3-السيارة تأتي بدون كاسيت...فقط باور و تكييف ..ولو فيها كاسيت يبقي مش اصلي
4-السيارة تمت تجربتها من ساعت شرائها وحتي الأن علي سرعات عالية ولازالت تستطيع الوصول الي 145 بسهولة (اقصي سرعة لها طبقا للكاتالوج) وتستطيع ان تتجاوز هذه السرعة ايضا يكون استقرارها معقول بعد تغيير الكاوتش الرفيع بكاوتش 175
5-قطع الغيار لم الجأ اليها ليومنا هذا ولكن سبب ارتفاع سعرها هو احتكار غبور لها
6-البيكانتو تتفوق عليها في جمال الصالون وفقط اما من حيث حجم الصالون و الشنطه فالأتوس افضل
7-عشان محدش يقول اني متحيز لها فأنا بعتها اصلا من يومين
مع احترامى لكل كلامك العربيه دى كويسه جدا انا متفق معاك انها فى الثبات على السرعات العاليه مش حلوه خالص بس كسحب ممتازه والا بقى فى الزحمه الله العظيم جامده جدا جدا جدا جدا جدا والكنبه الى ورا عاليه بس مش حاجه وحشه فى عربيات كتير كده زى الفيتارا بالضبط وغيرها
الكنبة العالية بتدي راحة لو الراكب اللي ورا طويل شوية بيبقى قاعد رجليه نازة لتحت وركبته مستقيمة قدامه والثبات بالنسبة لعربية بالسعر دا أعتقد معقول اوي وفي الزحمة بامشي بيها ورا الموتوسيكلات والركنة في الفراغات بين العربيات ( طبعا ببالغ شوية ) :E_braces[1]:
ألف شكر على معلومة الكاوتش - انا لسة ماشي بكاوتش الفابريكة وهغيره قريب اكيد قبل مايحلف علي
شكرا يا خالد باشا علي المعلومات بس كنت عايز اعرف كفائه التكييف و كمان اقصي سرعه ممكن توصلها العربيه
العربية يا جماعة كويسة جداا وحلوة فى سحبها وبتجرى حلو وملهاش حل فى المراوغات وكمان انا جبت بيها 170 و 160 فى صلاح سالم وخيطت كذا عربية على الطريق هى بقالها معايا سنة ونصف عامل 45000 كيلو بس احيانا يسمع صوت طقطقة خفيف وانا بدوس فرامل انا عملت صيانة الف و 20000 بس ماعملتش تانى لو حد فاهم اية الصوت دة يقولى
وكنت عاوز اسال لو عاوز اجنط 14 اية النظام انا عندى 13 عرض 175/60 الاورجينال بتاع العربية
بس فى المجمل عربية حلوة
يا جماعة ليه استفسار
هل حقيقى قطع الغيار مش موجودة فى التوكيل ؟ ولا عادى بتتلاع فى المحلات؟؟