ممكن تساعدوا مرضي الاورام بمستشفي المنصوره الجامعي؟

**nazaryia** · 20-02-2009 07:55 PM

فيه انواع علاج كيمائي مش موجوده في القسم عندنا و هي
- فلورويوراسيل
- اي نوع من انواع مضادات القئ زي ( نافوبان - كايتريل - دانست - اي مكس ) اي واحد منهم
ياريت اللي يقدر يشتري اي كميه من النوعين دول يبعتهم لقسم علاج الاورام والطب النووي جامعه المنصوره باسمي او باسم رئيس القسم
الانواع دي مش غاليه بس معدل استهلاك المرضي ليها عالي
مش عاوزين فلوس عاوزين حد يشتري العلاج ويبعته جعله الله في ميزان حسناتكم ان شاء الله

تم تثبيت الموضوع
مشرف فرعي 1

**SHNORY** · 20-02-2009 08:19 PM

جزاك الله كل خير يا دكتور
بس كده الموضوع حيكون قاصر علي اهل المنصوره والبلاد القريبه منها
يا ريت لو فيه حساب معين للناس تتبرع عليه يكون احسن
حتي لو الحساب ده يكون لصالح شركه ادويه معتمده خاص بالمستشفي والشركه
تبعتلكم الادويه
علشان يتحقق اكبر قدر من الاستفاده
وممكن فكره بسيطه جدا رقم موبايل لشخص مؤتمن يتحول عليه رصيد والرصيد مثلا يتحول لفلوس تاني عن طريق مركز اتصالات او اي جهه من اللي بتتعامل مع تحويل الرصيد والموبيلات
وحضراتكم تتصرفوا في الادويه
اصل جزئيه شراء العلاج وتوصيله مش حتكون بنسبه 100%
من الناس اللي ناويه تساعد المستشفي
دا مجرد اقتراح مني
ولسيادتك القرار النهائي

**nazaryia** · 20-02-2009 08:53 PM

علي فكره فيه انواع تانيه كتير ناقصه بس غاليه جدا تمن الجرعه الواحده يتعدي ال 4000 جنيه شهريا بس بنضطر نستني قرار العلاج علي نفقه الدوله
اما الانواع اللي بقول عليها فهي مستخدمه يوميا لمرضي الاورام
سعر امبول الفلورويوراسيل يتراوح من 6.5 الي 9 جنيه و المريض الواحد بيحتاج من 15 الي 30 امبول علي حسب الحاله
اما سعر مضادات القئ يتراوح من 30 جنيه الي 90 جنيه حسب النوع و قوه المفعول و المريض بيحتاج امبول او اتنين مع كل جرعه

**data_call** · 07-03-2009 03:51 PM

ربنا معاك يا دكتور وان شاء الله ستتلقى الكثير من المساعدات جزاك الله خيرا عن كل مريض

**ahmed_esmail** · 26-03-2009 06:09 PM

د / احمد جزيت خيرا
وان شاء الله الاعضاء يتفعلوا مع الموضوع
انا من دمنهور بس باجى المنصورة تقريبا كل شهرين للعلاج بمركز غنيم ان شاء الله ربنا يقدرنى واعمل حاجة لمرضى الاورام
اللهم انت الشافى اشفى كل مريض

**nazaryia** · 03-04-2009 01:07 AM

شكر خاص جدا للاستاذ احمد نواره
اللهم حرم المرض عليه و علي من يحب و جميع المسلمين

**nazaryia** · 12-05-2009 11:30 PM

فيه احد الاعضاء بعت
Emex و Navoban و kytril بالبريد السريع ......
جعل الله هذا في ميزان حسناته

القسم بصراحه محتاج نوعين دوا مش موجودين
holoxan 2 gm و bleomycin 15 mg
و الصراحه كل يوم بيتأكدلي ان مصر بخير دائما
الخير في امتي الي يوم الدين

**nazaryia** · 27-05-2009 04:01 PM

فيه مريضه عندها 35 سنه و مصابه بورم في المخ مرتجع بعد الجراحه مرتين و العلاج الاشعاعي
و تقرر لها بوتوكول علاج كيمائي به نوع غير موجود اسمه (ناتيولان) هو عباره عن كبسولات و نوع اخر اسمه (سي سي ان يو )
لو استطاع احد اهل الخير شراؤه و ارساله للقسم اكون شاكرا و له كل الثواب باذن الله

**Samah AbdAllah** · 30-05-2009 03:43 PM

بارك الله فيك يا دكتور بجد اكثر الله من امثالك

-

الموضوع: ممكن تساعدوا مرضي الاورام بمستشفي المنصوره الجامعي؟

LinkBack

أدوات الموضوع

عرض

ممكن تساعدوا مرضي الاورام بمستشفي المنصوره الجامعي؟ - انشر الموضوع فى :

-

-

-

-

-

-

-

المواضيع المتشابهه

ممكن تساعدوا صديقي : حادثة للكروز و التكلفة في التوكيل خيالية

الاورام لا تستحق إلا البتر

عااااااااااااااااااجل000000يارجالة الصنى ممكن تساعدوا أخوكم

كيف تحدد تخصصك الجامعي ..؟

الكلمات الدلالية لهذا الموضوع

المفضلات

المفضلات

ضوابط المشاركة