-
مملكة البنات
لاحظت ان هناك نسبة كبيرة ومتصاعدة للغاية من إنجاب الفتيات بين الناس بطريقة غير مفهومة ، كمان أثبت التعداد الأخير أن نسبة الفتيات أكثر من الأولاد ..
أنا كل زمايلي في الجامعة تقريباً عندهم بنات ، والغالبية منهم عندهم بنات بس ، وهنا في المنتدى هناك آباء لبنات كتير أنا واحد منهم عندي أميرة ودارين . ياريت حد يأكد لنا المعلومة دي ، وخاصة آباء البنات ، أما آباء الأولاد فلازم يعرفونا برضه علشان نعرف نحجز عرسان من دلوقتي هههههه .
تقبلوا خالص مودتي
-
كلام حضرتك مضبوط
أنا عندي 3 بنات وثلاثة أرباع اصحابي فعلا جايبين بنات بس .
اللي سمعته إن الهرمونات اللي بناكلها وبنشريها هيه السبب والله أعلم .
-
عندنا العكس صحيح، أنا الوحيد اللى عنده بنت و باتمنى 10 كمان بس يكونوا عسل زيها :D :D :D :D :D
-
السلام عليكم
البنات او الاولاد دول رزق من عند ربنا . تذكرو الايات الكريمه والاحاديث الشريفه
انا عندى ولد واحد بس لانى لسه متجوز من 3 سنوات . وبتمنى من ربنا مزيد من الابناء والبنات
وهو فعلا نسبة البنات اكثر من الاولاد ويقال انها هتوصل الى 1-6 والله اعلى واعلم
-
حلو الموضوع ان البنات اكتر من الصبيان دا علشان الاهالي تبقي متساهله في اللي بيطلبوه من العريس :D :D :D :D .
-
احنا عندنا العكس ، انا واخويا وأختى كل واحد فينا عنده ولد وأخويا خلف تانى جاب بنت يعنى نسبة 3 أولاد لبنت واحدة
انا اللى ملاحظه انها بتكون مواسم ، يعنى فى أوقات بتكون معظم المواليد بنات وأوقات تانية بيكون معظم المواليد أولاد :D
-
أعتقد ان نسبة المواليد الذكور الى الاناث من المعجزات الربانية التى تمر علينا كل يوم من غير ان نشعر بها لأننا ألفناها فصارت أمراً عاديا لا يثير التأمل ... و لكن لو فكرنا شوية حنلاقى ان مثلاُ حاجة زى الحرب العالمية التانية قضت على نسبة كبيرة جداً من الرجال فى الكثير من دول أوروبا فصارت نسبة الاناث للذكور فى هذه الدول أعلى بكثير من 50% ... و لكن بعد مرور عدد من السنوات يعود التوازن الربانى لهذه الدول فتجد النسبة عادت للتوازن مرة أخرى لتتأرجح بين 49 الى 50 الى 51% ... و هذه النسبة هى الموجودة فى أغلب دول العالم مع استثناءات قليلة قد تظهر لظروف مؤقتة ثم لا يلبث الاتزان الطبيعى أن يعود مرة أخرى فسبحان من بيده ملكوت كل شئ و سبحان من قال "إنا كل شئ خلقناه بقدر"
-
انا عندي ولد يا دكتور سمير واسمه ساجد وجاهز من مجاميعه ..انا بقا اللي نفسي في بنت
-
لاحظت الموضوع دة قبل كدة وحاولت اتكلم فيه مع من هم اكبر منى سنا وعلما وفوجئت بتعليقات خرافية مثل :-
إسرائيل حطالنا حاجة فى المياه علشان منخلفش صبيان
الحكومة حاطلنا حاجة فى الهواء علشان مجيبش ولاد
مش عارف مين حاططلنا ايه فين ونظرية المؤامرة شغالة على ودنه ههههههههههههههه.
-
و الله
انا نفسي الاقي بنت الحلال و بعد كده بقى
جه بنت يبقى حلو جدا
جه ولد يبقى رزق ربنا
بس انا ربيت بنات و ولاد كتير و عارف الفرق
hehe
بس ربنا يرزقني بأمهم الأول
و بعدين ولاد او بنات كله رزق
Content Relevant URLs by
vBSEO 3.6.0 PL2