استشاره هندسيه لأهل الخبره

**bondokk** · 20-02-2009 08:28 PM

هو تعشيق العربيه عند الركن صح ولا غلط ....كنت بعمل كده زمان بس دلوقتي لا ...بس الخوف من ضعف فرامل اليد ف ممكن تتحرك العربيه وهي راكنه..

**sasatony** · 20-02-2009 08:34 PM

انا عن نفسي بعشقها
ويارب حد يفدنا

**Badrowi** · 27-02-2009 05:19 PM

انا بسوجر الطارة بس ومبعشقهاش

**Samir Elshahawy** · 27-02-2009 05:55 PM

هندسيا لايوجد أي ضرر من وقوف السيارة علي وضع التعشيق لكن...
عند بدء دوران المحرك و هو معشق مع الفتيس فهذا هو الخطر لأنه يمثل حمل علي الموتور و علي التروس و الأسطوانة و مع تكرار ذلك فأنت تعجل بنهاية هذه الأجزاء

و السؤال هو .. لماذا التعشيق أثناء توقف السيارة ؟؟
ماهي فرامل اليد موجودة و ألا ماكانوش تعبوا نفسهم و عملوها

**samirayad** · 27-02-2009 06:22 PM

طبعا أنا مع أخى الفاضل المهندس /سمير .....وأويده بشده ...فى أنه من الناحيه الهندسيه .....فى أنه خطأ كبير ترك السياره معشقه والقيام بأدارتها لما يشكلها هذا من حمل على الأجزاء .............

- فمثلا المحرك يتعرض لحمل نقل حركه فجائى (وبنلاحظ ذلك فى حدوث قفزه للأمام عند تدوير السياره مع تركها معشقه على الأول)

- ولكنى أحب أن أضيف بأن هذا أيضا مع تكراره قد يؤدى الى تلف المارش أيضا(لأن المارش فى هذه الحاله برضه بيعمل على أعطاء حمل أبتدائى للمحرك ممثلا فى عمود الكرنك مضافا اليه مجموعة نقل الحركه (الدبرياش والفتيس) بالأضافه الى وزن السياره كلها فى هذة اللحظه (ساعة القفزه) ونقدر نقول عليه حمل فجائى على المارش ولو المارش على قده يبقى كل سنه وأنت طيب فى المارش...........

-وبرضه عاوز أوضح أن ده ممكن يقلل العمر الأفتراضى لبلى الفتيس وبالذات لو السياره مش واقفه على أرض مستويه تماما...........

-************دا اللى قدرت أفكر فيه دلوقتى ولو فيه أضافه سأوافيكم مع الأعضاء

ولو حللنا الأمور كده وبالطريقه اللى وضحتها يبقى المحصله أن طريقة ركن السياره مع التعشيق مش صح هندسيا (والا زى مأخويا المهندس/سمير قال ....مكنوش عملوا فرامل اليد.....بس أحنا اللى بنحب نخترع بدون أى دراسه للأعراض الجانبيه اللى ممكن تظهر على المدى البعيد )

**dr_timo** · 28-02-2009 12:00 AM

المشاركة الأصلية كتبت بواسطة samirayad

طبعا أنا مع أخى الفاضل المهندس /سمير .....وأويده بشده ...فى أنه من الناحيه الهندسيه .....فى أنه خطأ كبير ترك السياره معشقه والقيام بأدارتها لما يشكلها هذا من حمل على الأجزاء .............

- فمثلا المحرك يتعرض لحمل نقل حركه فجائى (وبنلاحظ ذلك فى حدوث قفزه للأمام عند تدوير السياره مع تركها معشقه على الأول)

- ولكنى أحب أن أضيف بأن هذا أيضا مع تكراره قد يؤدى الى تلف المارش أيضا(لأن المارش فى هذه الحاله برضه بيعمل على أعطاء حمل أبتدائى للمحرك ممثلا فى عمود الكرنك مضافا اليه مجموعة نقل الحركه (الدبرياش والفتيس) بالأضافه الى وزن السياره كلها فى هذة اللحظه (ساعة القفزه) ونقدر نقول عليه حمل فجائى على المارش ولو المارش على قده يبقى كل سنه وأنت طيب فى المارش...........

-وبرضه عاوز أوضح أن ده ممكن يقلل العمر الأفتراضى لبلى الفتيس وبالذات لو السياره مش واقفه على أرض مستويه تماما...........

-************دا اللى قدرت أفكر فيه دلوقتى ولو فيه أضافه سأوافيكم مع الأعضاء

ولو حللنا الأمور كده وبالطريقه اللى وضحتها يبقى المحصله أن طريقة ركن السياره مع التعشيق مش صح هندسيا (والا زى مأخويا المهندس/سمير قال ....مكنوش عملوا فرامل اليد.....بس أحنا اللى بنحب نخترع بدون أى دراسه للأعراض الجانبيه اللى ممكن تظهر على المدى البعيد )

تمام ياباشمهندس

**samirayad** · 28-02-2009 12:10 AM

المشاركة الأصلية كتبت بواسطة dr_timo

تمام ياباشمهندس

الله يخليك وأشكر حضرتك لزوقك.............

**Maged_Samy** · 28-02-2009 08:48 PM

استخدام فرامل اليد وركن السيارة فى الشتاء و فرامل اليد مشدودة يؤثر بالسلب على تيل الفرامل الخلفى ويخليه يعلق خصوصا فى السيارات القديمة لذلك انصح بأستخدام التعشيق فى حالة ان السيارة تقف على ارض مستوية ، اما فى حالة الارض الغير مستويه يتم تحميل احدى العجلات الامامية اولاً على الرصيف او وضع طوبه اسفل العجل ثم بعد ذلك نقوم بالتعشيق وذلك حتى لايكون التحميل على التروس ، والله اعلم