بعد 4 سنين سواقة لانوس 2 من 48 الى 49
عرض للطباعة
بعد 4 سنين سواقة لانوس 2 من 48 الى 49
عامل البنزينة اكيد راجل خبرة سالتة قالى تقريبا 48
الكتالوج مكتوب فيه 48... بس انا مرة مونت 49 لتر
MMamdouh
يا جماعة مش هنقطع بعض على كام لتر فرق
واللينك ده http://www.carfolio.com/specificatio...car/?car=78298
في معلومات عن العربية ومكتوب انها بتاخد 48 لتر
المهم دلوقتي ان الاخ astsaae بسأل عن مؤشر البنزين تقريبا اللي احنا اتكلمنا عنه قبل كده ان المؤشر مش بيقرا الكمية المظبوطة في التنك يعني انا عندي مثلا يبقى لسا باقي ربع في المؤشر بس التنك يكون فاضي وبتعامل على الاساس ده خلاص
يا جماعة انتم ناسيين الماسورة الواصلة من تنك البنزين للمكان اللي بنملى منه لو اتملت هتكون مونت 52 لتر بالتمام والكمال
لكن اللي بيحصل إن أغلب محطات البنزين بتملى البنزين بسرعة عالية فبتخلي اليد تفصل بسرعة لكن لوصبرت عليها شوية واملى سنة سنة هتاخد 52 لتر وياريت تعملها بنفسك علشان عامل البنزينة مش هيصبر عليها .
أنا باروح البنزينة بعد 10 بالليل أو 7 الصبح علشان ميكنش في أي حد موجود يدوشني وبأمون للآخر وبتاخد 51 لتر عادي
التانك في الكتالوج 48 لتر ولما يكون البنزين علي وشك الانتهاء تماما ممكن تأخد 50لتر