الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة emadosman63

أستاذ طارق بعد التحية هل يمكن تركيب ايمو بليزر بالتوكيل وماتكلفته وهل يساعد فعلا فى حماية السيارة من السرقة مع خالص تحياتى

لأ للأسف .. العربية اللي مفيهاش ايموبيليزر لا يتم اضافته لها وكذلك ABS مثلا والعديد من الكماليات الأخرى (على الأقل في التوكيل ربما بره ممكن حد يركبه) وذلك لارتباطه بعدة انظمة في العربية مرتبطة مع بعض ومع الكمبيوتر

بخصوص سؤال هل يساعد فعلا في حماية العربية من السرقة ، هو النظام ده بيخلي الموتور لا يدور الا بالمفتاح الأصلي لأن به كود معين او شفره يتم قراءتها من على المفتاح الأصلي

المشاركة الأصلية كتبت بواسطة elhamidya

السلام عليكم

احب أشكر المهندس طارق زويل على المعلومات القيمه والتى استفدت منها كثيراولى أستفسر حيث انى اشتريت لانسر موديل 2005 أتوماتيك 1600ccولكن معها مفتاح واحد فقط واريد عمل نسخه اخرى فى التوكيل فما هى التكلفه . وايضا اريد معرفة كيفية الوصول لحضرتك عند القيم بالصيانه فى التوكيل .
شكرا

أهلا وسهلا بيك وشكرا لكلامك
لو العربية بدون ايموبيليزر فالموضوع بسيط المفتاح الخام بـ 40 جنيه وعمله بـ 22 جنيه

اما اذا كانت بايموبيليزر فعمل النسخة الأخرى يتطلب ان تكون الرخصة باسمك وليس عليها حظر بيع ووقتها بتجيب العربية وتتعمل نسخة جديدة وبيتم عمل شفرة جديدة للعربية مع المفتاح القديم مع المفتاح الجديد والتكلفة الاجمالية حوالي 700 جنيه

لو مش عارف هي ايموبيليزر ولا لأ ممكن ترسل لي رقم الشاسيه وانا اشوف هي فيها ايموبيليزر ولا لأ والمفتاح بتاعها موجود ولا لأ وسعره كام بالظبط

المشاركة الأصلية كتبت بواسطة rady

اهلا يا استاذ راضي
بسيطة باذن الله لكن واضح من كلام حضرتك ان العربية مش متأمن عليها ، بخصوص السمكرة لا يمكن تحديدها الا بالمعاينة انما هتكون في حدود معقولة اما الدهان فهو 375ج+10% ويتم دهان الباب فقط وسعر الدهان بشكل عام يحدد بالقطعة فالباب قطعة والرفرف قطعة والسقف يعامل بسعر قطعتان وهكذا
عموما حضرتك شرفنا في مركز الخدمة الرئيسي في قليوب ومهندس السمكرة والدهان هيعاين العربية وانت واقف ويقول تتكلف كذا سمكرة (معاينة مجانية) وحضرتك تحدد عاوز تعملها او لأ ولو عاوز فالمهندس هيحدد فترة العمل حسب ظروف الشغل عنده

جزاك الله كل خير يا باشمهندس طارق ... بالنسبة لموضوع التأمين أنا شاري العربية بالتقسيط (خليجي بضمان الرواس) على 3 سنوات ومعاها تأمين اجباري من الشركة المصرية الأهلية للتأمين ... بس معرفش اذا كان هذا التأمين يغطي التلفبات دي ولا لأ ؟ فياريت لو حضرتك تقدر تفيدنا في هذا الموضوع ...

بالتأكيد طبعا التأمين اتعمل للحوادث او حتى الحكات والخبطات البسيطة وبيتحملها
حضرتك بتروح التأمين وتقول لهم العربية فيها كذا (او تتصل بيهم في التليفون) وهيقول لك روح التوكيل وهات مقايسة (في الحالة دي تروح الرواس للمحافظة على الضمان) وبتعمل مقايسة اصلاح وتاخدها للتأمين فيوافق عليها ويحدد يوم يرسل فيه مهندس التأمين للمعاينة في التوكيل وفي اليوم ده بتودي العربية للتوكيل وبيقوم مهندس التأمين بمعاينتها والموافقة على المقايسة ثم التوكيل يتصل بيك ويقول لك تعال ادفع 50% من قيمة الاصلاح لبدء العمل وبعد الانتهاء هتدفع باقي القيمة ثم تاخد العربية والفاتورة وتروح بيها للتأمين يدفعوا لك قيمة الفاتورة

المشاركة الأصلية كتبت بواسطة basha_2005

السلام عليكم
ازيك ياباشمهندس طارق
انا عندى استفسار بعد اذنك
انا شارى شارك وعملت صيانة الالف زى ما حضرتك عارف
دلوقتى الصيانة التالية هل هي عند 10000 كيلو ولا بعد 6 شهور من صيانة الالف؟
لانى العربية عدى عليها 6 شهور لكن لسه موصلتش لل 10000 كيلو

وشكرا لاهتمامك مقدما

المؤشر الأساسي للصيانة هو الكيلو متر يعني تنتظر للعشرة آلاف انما لو عديت سنة كاملة ومعلمتش العشرة آلاف يبقى برضه تعمل الصيانة علشان كفاية سنة كاملة على الزيت ولازم يتغير