الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة mamdohsayd07

سؤال مهم
ما هو الفرق بين الانسر 2007 ال(1600) الاردني والمصري والخليجي
وهل الفرق فقط في الاوبشن ولا ايضا في العفشة والموتور

من حيث المحرك الأردني والمصري زي بعض 107 حصان صافي (حوالي 115 حصان اجمالي) والخليجي 122 حصان اجمالي يعني ازيد شوية انما الخليجي تحتاج بنزين 95 حسب تعليمات شركة ميتسوبيشي (لكن عن تجربة اعضاء المنتدى من ملاك الخليجي قالوا انهم بيستخدموا بنزين 92 عادي جدا بدون اي مشاكل انما علشان تشعر بفرق المحرك وقوته بالكامل لازم تستخدم بنزين 95)

العفشة في المصري رياضية يعني heavy duty suspension انما الأردني لأ واعتقد الخليجي عفشته من عدة سنوات رياضية كذلك علشان تكون زي المصري

بعد كده الفروقات كماليات بين الكلاسيك اما السبورت واحدة في الجميع لأن فيها كل الكماليات

المشاركة الأصلية كتبت بواسطة alaakalid

يا اخواني
انا عاوز اضبط العربية بتاعتي واغير سير الكاتينة واتصلت بالتوكيل في قليوب والرواس وقالي لازم اغير سيور الكاتينة كلها بحوالي 1200 غير المصنعية 200 جنيه مع اني عاوز اغير سير الكاتينة فقط واضبط العربية علي الكمبيوتر
والعربية كريستالة اتوماتيك 97 خليجي
هل ممكن حد يفيدني في الموضوع ده من اصحاب الخبرة

تغيير سير الكاتينة في التوكيل بيكون له قواعد محددة من قبل الشركة الأم ميتسوبيشي وهي تغيير بلية الشداد مع السير وكذلك اويل سيل الكامة واويل سيل الكرنك والمجموعة الكاملة دي في حدود المبلغ المذكور
ولذلك لو حضرتك عاوز تغير السير فقط يبقى تشتريه اصلي من التوكيل وتركبه خارج التوكيل وضبط العربية الكريستالة 97 مش لازم كمبيوتر لأنها كربراتير

المشاركة الأصلية كتبت بواسطة molok

المهندس / طارق زويل المحترم
اشكرك على ردك على سؤال كيفية معرفة الانسر السبورت من السوبر اكشن و لكن لى استفسار اخر
هل الفرش الجلد اللى فى السيارة الانسر سوبر اكشن بيبقى تحته فرش السيارة العادى مش جلد يعنى
ثانيا عاوز اعرف منين اجيب غطاء قربه المياة الخاص بالانسر سوبر اكشن 2008 وهو اللى عامل زاى المقياس بيوضح المياة الموجوده فى العربية و سعره كام بالضبط و منين اجيبه و ياريت عنوان و رقم تليفون المكان بالضبط و هل عدم وجوده بالسيارة له اضرار عليها.
و اشكرك مرة اخرى على اهتمامك فى الاجابة على كل الاسئلة المرسلة اليك

الفرش الجلد الطبيعي في السام (السوبر اكشن موديل) هو فرش اصلي مفيش تحته فرش تاني

قربة المياه متوفرة كقطعة غيار تباع في كل مراكز الخدمة بالتوكيل والمراكز المعتمدة ومحل قطع غيار الكيت كات التابع للتوكيل والعناوين وارقام التليفون مذكورة في الموضوع المثبت عن مراكز الخدمة
http://www.nilemotors.net/Nile/98-a.html

غطاء القربة اذكر كان حد سأل عنه قبل كده وكان سعره حدود 20 جنيه
ممكن تتصل بفرع محل قطع غيار الكيت كات

المشاركة الأصلية كتبت بواسطة alaakalid

ممكن اعرف سعر سير الكاتينة في التوكيل بكام وممكن اجيبه من توكيل جسر السويس

سعر سير الكاتينة لانسر 98 هو 180 جنيه + 10% ض.م
ايوة موجود في جسر السويس ممكن حضرتك تشتريه من هناك

المشاركة الأصلية كتبت بواسطة justthink

السلام عليكم يا أستاذ طارق

أشكر مجهودك في المنتدي

وكان عندي سؤال ...... هو في مركز خدمه معتمد جديد في مدينه العبور؟؟؟

فيه مركز جديد لشركة الرواس (المركز الخامس لهم) في العبور لم يفتتح بعد وهو مركز معتمد من الوكيل مصرية مثل باقي المراكز