الموضوع: انت تسأل وإستشاري منتدى متسوبيشي يجيب (2)

بكره الصبح باذن الله اجيب على كل الأسئلة الأخيرة علشان اسعار قطع الغيار

المشاركة الأصلية كتبت بواسطة wellsh

من فضلك يا بشمهندس طارق عايز اعرف سعر قطع الغيار الاتية في التوكيل :
1- فانوس امامي
2- اكصدام امامي
3- اكصدام خلفي
4- فانوس خلفي
5-ايرباج في الدركسيون
6-زجاج امامي

ولو امكن سعر المقص اللمامي والطنابير الامامية
ولكم جزيل الشكر

هي العربية لانسر موديل كام ومحرك كام

المشاركة الأصلية كتبت بواسطة mamdohsayd07

السلام عليكم
الحمد لله ربنا كرمنى واشتريت عربية لانسر 2007 (1600 ) استعمال المفروض انه جيد بس
عندي مشكلتين
الاولي انى الراجل كان مركب زينون في فانوس الشبورة ولكن لمبة الشبورة في التابلوة منورة باستمرار حتى اثناء عدم وجود المتاح اصلا في العربية (الكونتاك مغلق).
ثانيا في طقطقة في المطبات الهواء واحيانا مع الفرملة قالوا لي في الكشف انه البيض
المطلوب من خبرتكم هل هو كده فعلا؟ وهو كام سعر البيض ده علما بان العربية اردنى و اجدوه فين واغيره عند من ولو في التوكيل هيكلف كام تقريبا

انا عرضت المشكلة على المهندس احمد عناني مدير الورشة في مركز الخدمة الرئيسي وقال الأفضل الحضور للتوكيل وتوقيع الكشف وتجربة السيارة وتحديد القطع اللازم تغييرها فعلا

المشاركة الأصلية كتبت بواسطة mohamed_abboud

لو سمحت يا باشمهندس لو استهلاك البنزين لعربية لانسر 1300 موديل 2006 هو 175 كم فى الصفيحة
هل ده طبيعى ؟؟
و لو مش طبيعى أعمل ايه وهى أصلا استهلاكها كام و ايه ممكن يكون العيب و الحل
شكرا جدا لحضرتك :)

هو كده الاستهلاك عالي شوية الا لو كان الكلام على استهلاك داخل المدينة لأن ده ممكن يختلف حسب وقت التشغيل والزحام وحاجات كتير
انما الاستهلاك الفعلي اللي يحدد ان المحرك مظبوط هو السير على سرعة منتظمة 90 كيلو متر بدون تكييف لمسافة 40 كيلو على الأقل

المشاركة الأصلية كتبت بواسطة hamada132

لو سمحت يا بشمهندس لو بفاضل بين 1300 اوتوماتيك و 1600 مانويل اختار ايه يعنى عاوز اعرف سحب 1300 اوتماتيك سحب العربيه ع الطريق عامل ازاى لانى مستصغير 1300 على ماتور باور اوتماتيك

ولك كل الشكر والتقدير

فيه كتير من اعضاء المنتدى اشتكوا من ان 1300 اوتوماتيك سحبها ضعيف خاصة مع التكييف ووجود ركاب فبالتأكيد 1600 ماتوال سحبها افضل كتير
انما ممكن تجيب 1300 اوتوماتيك في حالة الاهتمام باستهلاك البنزين الأقل والسواقة الهادية اللي مش محتاج فيها الجري والسحب السريع

المشاركة الأصلية كتبت بواسطة onsi

سؤال للمهندس طارق...بعد مساء الخير
ما هى اسعار وش سلندر وريداتير لانسر بومة 2008 1600
عشان للاسف العربية جابت وش سلندر والريداتير بقى عامل زى المصفاة والسبب انى استعملة عدد6 كانز كولر امريكى الواحدة ثمنها 55 جنية وعرفت بعد كدة ان الحموضة الزيادة مع الغليان عمل تأكل للريداتير ثم لعدم وجود مياة للتبريد العربية جابت وش سلندر.... فهل هذا حقيقى وهو السبب لما حدث لان التكلفة هتكون كبيرة وشكرا

للأسف المشكلة دي حصلت كذا مرة وانا عملت موضوع في المنتدى العام هنا حذرت اعضاء المنتدى من الموضوع ده

سعر وش السلندر 4000 جنيه والردياتير 2420 جنيه وجوان وش السلندر 210 ج
+ 10% ض.م

المشاركة الأصلية كتبت بواسطة molok

المهندس / طارق المحترم

هل يمكن التلاعب فى عداد الكيلو مترات الخاص بالسيارة الانسر موديل 2008 سبورت وهل لهذا ممكن كيف اعرف انه قد تم التلاعب فيه وكذلك اريد معرفه سعر الانسر 2008 سبورت عاملة 62000 الف كيلو و رشة حزام نظافة

فيه ناس متخصصة في تغيير العداد الالكتروني ومفيش طريقة الواحد يعرف بيها التلاعب في العداد سوى ان الكشف الدقيق على العربية بيقول انها عاملة كيلو متر اكتر من العداد المذكور
2008 سبورت بومة ولا شارك
لو بومة اعتقد تعمل حدود 85 ألف

المشاركة الأصلية كتبت بواسطة alaakalid

عاوز اعرف سعر قواعد الفتيس الاتوماتيك بكام وسعر فلتر الهواء لللانسر كرستالة 97 اتوماتيك خليجي وهل عند شراء قطع غيار من التوكيل يتم اخذ الخصم عند وضع الاستيكر 5%
ارجو الافادة شكرا

سعر قاعدة الفتيس 530 جنيه وسعر فلتر الهواء 90 جنيه بالاضافة الى ض.م
هو خصم الاستيكر بيكون على العربية اللي بتعمل صيانة 10% مصنعيات و5% قطع غيار انما حضرتك شرفنا في قليوب وتاخد الخصم الـ5% على البيع المباشر كمان

المشاركة الأصلية كتبت بواسطة wellsh

من فضلك يا بشمهندس طارق عايز اعرف سعر قطع الغيار الاتية في التوكيل :
1- فانوس امامي
2- اكصدام امامي
3- اكصدام خلفي
4- فانوس خلفي
5-ايرباج في الدركسيون
6-زجاج امامي

ولو امكن سعر المقص اللمامي والطنابير الامامية
ولكم جزيل الشكر

لو العربية بومة 1600 موديل 2007
فانوس امامي 1070 ج
اكصدام امامي 1620 ج
اكصدام خلفي 1670 ج
فانوس خلفي 820 ج
ايرباج دركسيون 4000 ج
زجاج امامي 1450 ج
مقص امامي 735 ج
طنبورة 440 ج
جميع الأسعار يضاف لها 10% ض.م