الموضوع: انت تسأل وإستشاري منتدى متسوبيشي يجيب (2)

السلام عليكم ورحمة الله وبركاته

مشكلة عوامة لانسر 2001 حيث انه عندما ياتي عداد البنزين عند النصف مرة واحدة تكون القراءة على الصفر وتضئ لمبة البنزين واعتقد انها مشكلة عامة لهذا الموديل
سؤالي للخبير المهندس طارق هل فعلاهي مشكلة عامة في هذا الموديل وكيفية اصلاح العطل ومكان العوامة بالضبط وكيفية فكها @
شكرا لحسن تعونكم .

بشمهندس طارق انا جي ان شاء الله اعمل صيانة الـ100 الف يوم الاحد
كنت عايز اعرف بس التكلفه هتكون في حدود كام عشان اعمل حسابي وايه اللي هيتم تغييره ؟؟

المشاركة الأصلية كتبت بواسطة مصراوي جدا

اهلا وسهلا بيك
ده يعتمد على اللي تم في صيانة التمانين حيث ان صيانة التمانين هي اتقل صيانة المفروض بيتم فيها تغيير الزيت والفلتر وفلتر الهواء وفلتر البنزين وزيت الفتيس والبوجيهات ثم سير الباور وسير التكييف ومجموعة الكاتينة وهي سير الكاتينة ورولمان بللي الشداد واويل سيل كامة واويل سيل كرنك

لو كل ده اتغير في ميعاده في صيانة التمانين يبقى صيانة التسعين والمائة ما هي الا صيانة عادية زيت وفلتر ومراجعة عامة

اما لو فيه حاجات من المذكورة في التمانين ما اتعملتش يبقى هتتعمل في التسعين او المائة الف

شكراً على سرعة ردك وربنا يجزيك خير
انا مغير كل الحاجات دي بس شكل المساعدين هيتغيرو لاني حاسس ان العفشه بقت ناشفه وانا مغيرتهمش قبل كده ،هما بيكشفو على العفشه من غير ما اقول ولا لأ؟؟؟؟

السلام عليكم
كنت عايز اعرف شوية حاجات كده يا بشمهندس طارق
اولا من حوالي اسبوعين وانا ماشي بدات اسمع صوت زي صفاره في العجلة الشمال اللي وراه الحقيقة طنشت وقولت عادي بعدها بكام يوم الصوت بداء يزيد ولما اجي ادوس علي الفرامل اسمع صوت جر الحقيقة انا قلقت ووقفت اشوف في ايه بس للاسف ملقتش حاجه روحت مكمل وكان بقيت الطريق عادي وكنت بدوس علي الفرامل مكنش في حاجه جيت تاني يوم وانا ماشي اطريت اني ادوس فرمله مفجاءة بس بعدها لقيت صوت الصفارة رجع تاني وبقه في العجلتين اللي وراه
كده يبقي تيل الفرامل باظ ولا ايه ولو هغير التيل كلوا هيعمل كام وكنت عايز اعرف بردوا التشيك علي العفشة بكام و لسه طبعا هعمل صيانة العشر الاف ممكن اعرف كده كلوا هيتكلف كام
واسف جدا علي الاطالة
وانا في انتظار رد حضرتك