الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة skybird

جريدة الاسكاترا (علبة لدريكسيون) هل بتتباع لوحدها في التوكيل؟ واذا كان نعم يكون سعرها كام ؟ وايضا ما سعر طلمبة الباور؟ شكرا مقدما

سعر جريدة الدركسيون 830 ج + 10%
سعر طلمبة الباور 3630 ج + 10%

المشاركة الأصلية كتبت بواسطة mersaal

السلام عليكم ورحمة الله وبركاته

مشكلة عوامة لانسر 2001 حيث انه عندما ياتي عداد البنزين عند النصف مرة واحدة تكون القراءة على الصفر وتضئ لمبة البنزين واعتقد انها مشكلة عامة لهذا الموديل

سؤالي للخبير المهندس طارق هل فعلاهي مشكلة عامة في هذا الموديل وكيفية اصلاح العطل ومكان العوامة بالضبط وكيفية فكها @


شكرا لحسن تعونكم .

ليست مشكلة عامة في الموديل انما بتحصل احيانا

العوامة موجودة في تنك البنزين اسفل الكنبة الخلفية ويمكن اصلاحها انما الافضل تغييرها

المشاركة الأصلية كتبت بواسطة hero_lancer

السلام عليكم

كنت عايز اعرف شوية حاجات كده يا بشمهندس طارق
اولا من حوالي اسبوعين وانا ماشي بدات اسمع صوت زي صفاره في العجلة الشمال اللي وراه الحقيقة طنشت وقولت عادي بعدها بكام يوم الصوت بداء يزيد ولما اجي ادوس علي الفرامل اسمع صوت جر الحقيقة انا قلقت ووقفت اشوف في ايه بس للاسف ملقتش حاجه روحت مكمل وكان بقيت الطريق عادي وكنت بدوس علي الفرامل مكنش في حاجه جيت تاني يوم وانا ماشي اطريت اني ادوس فرمله مفجاءة بس بعدها لقيت صوت الصفارة رجع تاني وبقه في العجلتين اللي وراه
كده يبقي تيل الفرامل باظ ولا ايه ولو هغير التيل كلوا هيعمل كام وكنت عايز اعرف بردوا التشيك علي العفشة بكام و لسه طبعا هعمل صيانة العشر الاف ممكن اعرف كده كلوا هيتكلف كام
واسف جدا علي الاطالة
وانا في انتظار رد حضرتك

غريب طبعا ان الكلام يكون على التيل الخلفي لأن عمره اطول بكتير جدا من التيل الأمامي ولا يتم تغييره الا من 70 - 100 ألف كيلو متر

الافضل حضرتك تشرفنا في التوكيل للكشف والفحص علما بأن صيانة العشرة آلاف كعملية صيانة تشمل الكشف على العفشة وسعرها 132 جنيه بالاضافة الى تغيير الزيت 210ج وفلتر الزيت 50 ج

المشاركة الأصلية كتبت بواسطة defo

معي عربيتي 1600 لانسر 2008 خليجي لاحظت انها تستهلك 10 لتر بنزين لكل 100-120 كم علي السريع و60-75 كم داخل المدينة هل الاستهلاك ده طبيعي ام كتير حبتين وشكرا لمجهودك

المهندس احمد عناني مدير الورشة في مركز الخدمة الرئيسي اجاب : طبعا هو زيادة شوية لكن شرفنا في التوكيل لعمل الصيانة ومراجعة موقف فلتر البنزين والبوجيهات وفلتر الهواء لأنك لم تذكر الكيلومتر
علما بأن قياس استهلاك البنزين بيتم على سرعة 90 كيلو متر وعلى طريق مفتوح ويكون التنك مليان وتمشي مسافة 50 كيلو او اكثر وتملا التنك تاني وتشوف عملت كام كيلو في اللتر

المشاركة الأصلية كتبت بواسطة mamdohsayd07

السلام عليكم
انا عربيتي عدت الاربعيين الف ولم اقم بصيانة الاربعيين
انا عارف ان في فلتر الهواء والبنزين المفروض انهم يتغيروي
هو في مشكلة في الانتظار ولو حعملهم برة التوكيل ما هى الضرار و هيكلفوا كام خاصة اني تغيير فلتر الهواء مفهوش فن وشكرا

ممكن الانتظار على فلتر البنزين والهواء لصيانة الخمسين انما الأفضل تغييرهم مش اكتر من كده علشان كمان البنزين في مصر مش نقي ولازم بيكون فيه رواسب بتتطلب تغيير الفلتر وطبعا الهواء عندنا مترب جدا ولازم يتغير فلتر الهواء كمان
سعر فلتر البنزين حوالي 460 جنيه وسعر فلتر الهواء 185 ج + 10%

أهلا يا استاذ احمد وانت كمان واحشني والله وتنورنا باذن الله في اي وقت

الوضع في الشركة كما هو لغاية ما تتضح الأمور في الفترة الجاية

بخصوص الأسعار والتخفيضات مفيش جديد في الصيانة انما في العربيات فيه تخفيض حوالي 3000 جنيه في الاسبوعين الاخيرين على معظم العربيات :

- لانسر 1300 موديل 2010 مانوال 97000 ج واوتوماتيك 103 ألف

- لانسر 1600 موديل 2010 مانوال 107000 ج واوتوماتيك 116 ألف
1600 هاف سبورت 122000 ج - سبورت 127000 ج وسام 129000 ج

- لانسر شارك 2009 هاف سبورت 134000 ج
- لانسر شارك 2009 سبورت 137000 ج

في التوكيل (مصرية) موجود 1300 مانوال موديل 2010 بسعر 97000 جنيه ومفيش موديلات 2009 لديها


اما المصرية للسيارات نزلت في اعلانها ان 1300 مانوال سعرها 89900 جنيه وهي موديل 2009