انت تسأل وإستشاري منتدى متسوبيشي يجيب (2)

**mragh** · 13-04-2009 05:54 PM

هو فعلاً خاص بالموبايل ذي ما حضرتك قلت

أنا كان سؤالي هل يمشي مع الطارة الشكل القديم، يعني نفس الأبعاد

معلش سؤال تاني، هل يمكن تركيب طارة Lancer EX multi-function على لانسر شكل قديم و سعرها كام

شكراً جزيلاً

**emadosman63** · 13-04-2009 09:48 PM

أستاذ طارق شكرا على ردك الكريم ولكن ماهى الوسائل الموجودة فى 1300 لحمايتها من السرقة وهل فيه تخفيضات جديدة لأعضاء المنتدى عند شراء الميتسوبيشى مع خالص تحياتى

**salahlanser** · 14-04-2009 12:29 AM

مهندس طارق ارجو الافادة انا املك لانسر 98 جامبو عندى فيها مشكلة مع العلم انها احسن لانسر موجودة فى مصر وهى ترموستات التبريداللى فى الرديراتير بتتلف بسرعة
مع انى اشتريتها من اشهر واحد فى مصر الجديدة وكانت بايظة المهم الكهربائى نصحنى
بترموستات الهيونداى وركبتها الكلام دة كان الصيف اللى فات ودلوقتى اليومين دول رجعت تانى تعطل بس هى بتشتغل بسرعة يعنى مش بتفصل وبتخلى العربية باردة والمؤشر بتاع التبريد نازل عن معدلة الطبيعى وبالتالى بتاثر فى السحب خاصة ان العربية اوتوماتيك عاوز مكان كويس بيبيع الترموستات لانها غالية مش رخيصة

**GALAL85** · 14-04-2009 05:31 PM

مهندس طارق معايا عربيه لانسر كريستاله 98 عايز أركب لها جنوط 13 ممكن أعرف سعرهم كام فى التوكيل وأكون شاكر فضلك

**GALAL85** · 14-04-2009 05:38 PM

معلشى أنا أسف هل ممكن أركبلها جنوط 14 علشان أعليها شويه

**arabsniper** · 14-04-2009 06:05 PM

من فضلك عايز اعرف كيفية تغيير لمبة زرار الأنتظار الموجوده فى منتصف التابلوه للبومه 2007 مع العلم انى فكيت مكان مفاتيح المكيف المثلثه ومع ذلك لم استطيع الوصول للمفتاح لوجود دعامه بلاستيك من اسفله فما الحل لتغير اللمبه لأنها اتحرقت والمفتاح معتم مساء

**omaroof** · 14-04-2009 09:05 PM

اخى العزيز الاستاذ طارق

حقيقى موش عارف اشكرك ازاى على مجهودك الرائع والكبير فى هذا القسم ربنا يبارك فيك

ليا سؤال على اللانسر بوجه عام حضرتك موش شايف ان اسعار قطع الغيار غاليه رغم وجود لانسر كتير جدا فى مصر

وهل معظم اصحاب اللانسر بيشترو قطع اصليه ام بيمشو حالهم بالتقليد

وهل قطع غيار اللانسر 98 نفس اسعار 2001 ام هناك اختلافات فى الاسعار واى موديل فى الاتنين من واقع خبرتك فى اللانسر هو الاقوى والممتاز من حيث الاداء فى الموتور ال1300 سى سى
ارجو الا اكون اطلت عليك وشكرا لك

**مصراوي جدا** · 15-04-2009 02:39 PM

المشاركة الأصلية كتبت بواسطة mragh

هو فعلاً خاص بالموبايل ذي ما حضرتك قلت

أنا كان سؤالي هل يمشي مع الطارة الشكل القديم، يعني نفس الأبعاد

معلش سؤال تاني، هل يمكن تركيب طارة Lancer EX multi-function على لانسر شكل قديم و سعرها كام

شكراً جزيلاً

الحقيقة موضوع نفس الأبعاد دي من الصعب تحديدها الا عملي والافضل البحث عن شركة تركيب كماليات بتعمل الموضوع ده

في التوكيل لا يتم تركيب اي حاجه مش على اصلها وسعر الطارة حسب رقم الشاسيه انما اكيد الأصلي مش رخيص يعني الافضل حضرتك تدور في منتدى الكماليات والاضافات على الموضوع ده

المشاركة الأصلية كتبت بواسطة emadosman63

أستاذ طارق شكرا على ردك الكريم ولكن ماهى الوسائل الموجودة فى 1300 لحمايتها من السرقة وهل فيه تخفيضات جديدة لأعضاء المنتدى عند شراء الميتسوبيشى مع خالص تحياتى

في اللانسر 1300 مفيش ايموبيليزر انما ممكن تركب جهاز انذار
فيه خصومات خاصة لأعضاء المنتدى مذكورة في الموضوع ده انما بشرط وجود استيكر المنتدى :

تخفيضات في أسعار سيارات ميتسوبيشي لأعضاء نايل موتورز

المشاركة الأصلية كتبت بواسطة salahlanser

مهندس طارق ارجو الافادة انا املك لانسر 98 جامبو عندى فيها مشكلة مع العلم انها احسن لانسر موجودة فى مصر وهى ترموستات التبريداللى فى الرديراتير بتتلف بسرعة
مع انى اشتريتها من اشهر واحد فى مصر الجديدة وكانت بايظة المهم الكهربائى نصحنى
بترموستات الهيونداى وركبتها الكلام دة كان الصيف اللى فات ودلوقتى اليومين دول رجعت تانى تعطل بس هى بتشتغل بسرعة يعنى مش بتفصل وبتخلى العربية باردة والمؤشر بتاع التبريد نازل عن معدلة الطبيعى وبالتالى بتاثر فى السحب خاصة ان العربية اوتوماتيك عاوز مكان كويس بيبيع الترموستات لانها غالية مش رخيصة

لو حضرتك تقصد انك محتاج تشتري الثرموستات الأصلية من التوكيل فقطع الغيار الأصلية بتتباع في مراكز الخدمة كلها وفي منافذ بيع قطع الغيار المذكورة في الموضوع المثبت الخاص بمراكز الخدمة والصيانة

المشاركة الأصلية كتبت بواسطة GALAL85

مهندس طارق معايا عربيه لانسر كريستاله 98 عايز أركب لها جنوط 13 ممكن أعرف سعرهم كام فى التوكيل وأكون شاكر فضلك
معلشى أنا أسف هل ممكن أركبلها جنوط 14 علشان أعليها شويه

الجنوط الأصلية دايما غالية يمكن الواحد يتعدى 2000 جنيه لكن ما انصحش بشراء مقاس اكبر لأن ده بيأثر على العفشة ويتعبها

المشاركة الأصلية كتبت بواسطة arabsniper

من فضلك عايز اعرف كيفية تغيير لمبة زرار الأنتظار الموجوده فى منتصف التابلوه للبومه 2007 مع العلم انى فكيت مكان مفاتيح المكيف المثلثه ومع ذلك لم استطيع الوصول للمفتاح لوجود دعامه بلاستيك من اسفله فما الحل لتغير اللمبه لأنها اتحرقت والمفتاح معتم مساء

سألت في الورشة طلع الموضوع مش سهل يعني مش زي تنظيف فلتر التكييف هتفك مسمارين انما ده هتفك حاجات كتير للوصول للمبة وصعب شرحها نظري

المشاركة الأصلية كتبت بواسطة omaroof

اخى العزيز الاستاذ طارق

حقيقى موش عارف اشكرك ازاى على مجهودك الرائع والكبير فى هذا القسم ربنا يبارك فيك

ليا سؤال على اللانسر بوجه عام حضرتك موش شايف ان اسعار قطع الغيار غاليه رغم وجود لانسر كتير جدا فى مصر

وهل معظم اصحاب اللانسر بيشترو قطع اصليه ام بيمشو حالهم بالتقليد

وهل قطع غيار اللانسر 98 نفس اسعار 2001 ام هناك اختلافات فى الاسعار واى موديل فى الاتنين من واقع خبرتك فى اللانسر هو الاقوى والممتاز من حيث الاداء فى الموتور ال1300 سى سى
ارجو الا اكون اطلت عليك وشكرا لك

اسعار قطع الغيار اللانسر مش غالية لوحدها انما في مستوى العربيات الياباني الأخرى

اكيد صاحب العربية الموديل الحديث بيشتري الأصلي للمحافظة على العربية وكل ما الموديل قدم بيبدأ يتجه للبدائل زي التايواني والكوري وخلافه

اسعار قطع الغيار الأصلية لجميع موديلات اللانسر متقاربة
اما موضوع مين احسن 98 ولا 2001 فطبعا الكريستالة منتشرة اكتر انما المكواة 2001 عربية احدث وبالتالي اكيد الحالة افضل وتكنولوجيا اعلى

**مصراوي جدا** · 15-04-2009 02:44 PM

المشاركة الأصلية كتبت بواسطة ihab

السلام عليكم و رحمة الله و بركاته
ازاى صحتك يا باشمهندس طارق
انا ليا سؤال بالنسبة لتكييف 99 :
انا عندى البكر اللى بيحول الهواء الخارج من التكييف سواء للوجه او للقدمين او للهواايات اللى عند الزجاج مش شغال و فهمت انه من حاجة اسمها وايرات التكييف
الموضوع ده ممكن يتعمل عندكوا فى التوكيل و ياخذ وقت قد ايه و يكلف كام

اهلا يا استاذ ايهاب

سعر الواير 35 جنيه
سعر الاسبراي 25 جنيه
المصنعيات 50 جنيه