انت تسأل وإستشاري منتدى متسوبيشي يجيب (2)

**mask** · 20-06-2010 11:54 AM

الى المهندس المحترم / طارق زويل

انا صاحب الشكوى الخاصة بالسيارة بوما 2005 1600 اتوماتيك خليجى وهى خفية الدركسيون عند السرعات العالية , بدون تعويم السيارة
العيب هو هناك جلبة تقريبا تحت طارة الدركسيون قبل الصليبة مباشرة هذه الجلبة بها بوش والعيب الثانى هناك عدد 2 مسمار مقاس 12 مهويين ( فوق صليبة الدركسيون )

وجربت العربية واصبحت زى الفل . والحمد الله

سؤالى : عاوز اعرف سعر الجلبة جديدة , علشان الجلبة القديمة العفشجى قرط عليها بالشاكوش لانها جوة علبة فهو دق شوية على العلبة علشان تقفل على الجلبة ؟

**mask** · 20-06-2010 11:59 AM

وسؤال ثانى يا باشمهندس طارق :

هل الجنوط بتاعة العربية مكن تخلى السيارة تسرح يمين او شمال على الرغم من انها سليمة من على جهاز الترصيص ,

**limo** · 20-06-2010 03:11 PM

السلام وعليكم ورحمه الله وبركاته
عندى مشكله فى الabs وبعد ما غسلت العربيه فى البنزينه من جوه ومن بره بدون غسل الماتور
والمشكله باختصار انى لما ادوس فرامل جامد والعربيه واقفه بسمع صوت عامل زى متور شغال بسمعه وبحس بيه فى الدواسه
والمشكله ده مبتظهرش فى المشى وانا واقف بس ودايس على الفرامل جامد
كمان الصوت ده مش بيجى باستمرار يعنى سعات وسعات بس مازال موجود
كمان امبارح لمبه الabs نورت وانا ماشى ولما طفيت العربيه وشغلتها تانى منورتش تانى
العربيه لانسر بومه 1600 خليجى مو 2008

**Egy_fan** · 22-06-2010 02:59 AM

السلام عليكم. كنت عايز اعرف هل استهلاك البنزين فى اللانسر 1600 ااخليجى اكتر من اللانسر 1600 مصرى .

شكرا للردود

**مصراوي جدا** · 22-06-2010 02:14 PM

المشاركة الأصلية كتبت بواسطة mask

الى المهندس المحترم / طارق زويل

انا صاحب الشكوى الخاصة بالسيارة بوما 2005 1600 اتوماتيك خليجى وهى خفية الدركسيون عند السرعات العالية , بدون تعويم السيارة
العيب هو هناك جلبة تقريبا تحت طارة الدركسيون قبل الصليبة مباشرة هذه الجلبة بها بوش والعيب الثانى هناك عدد 2 مسمار مقاس 12 مهويين ( فوق صليبة الدركسيون )

وجربت العربية واصبحت زى الفل . والحمد الله

سؤالى : عاوز اعرف سعر الجلبة جديدة , علشان الجلبة القديمة العفشجى قرط عليها بالشاكوش لانها جوة علبة فهو دق شوية على العلبة علشان تقفل على الجلبة ؟

رد المهندس أحمد عناني :
مفيش جلبة بيتم تغييرها في التوكيل ولكن نقوم بتغيير المدفع بالكامل من اول طارة الدركسيون الى علبة الدركسيون وتقريبا سعره 1330 جنيه + 10% ض.م

المشاركة الأصلية كتبت بواسطة mask

وسؤال ثانى يا باشمهندس طارق :

هل الجنوط بتاعة العربية مكن تخلى السيارة تسرح يمين او شمال على الرغم من انها سليمة من على جهاز الترصيص ,

رد المهندس أحمد عناني :
الجنوط والكاوتش ممكن تخلي السيارة تحدف يمين أو شمال وده طبعا بعد التأكد من الزوايا وانها سليمة وممكن بسهولة تعرف ده بتغيير العجلة الشمال مكان اليمين ولو الكاوتش السبب سوف يتغير اتجاه الحدفة الى العكس

المشاركة الأصلية كتبت بواسطة limo

السلام وعليكم ورحمه الله وبركاته
عندى مشكله فى الabs وبعد ما غسلت العربيه فى البنزينه من جوه ومن بره بدون غسل الماتور
والمشكله باختصار انى لما ادوس فرامل جامد والعربيه واقفه بسمع صوت عامل زى متور شغال بسمعه وبحس بيه فى الدواسه
والمشكله ده مبتظهرش فى المشى وانا واقف بس ودايس على الفرامل جامد
كمان الصوت ده مش بيجى باستمرار يعنى سعات وسعات بس مازال موجود
كمان امبارح لمبه الabs نورت وانا ماشى ولما طفيت العربيه وشغلتها تانى منورتش تانى
العربيه لانسر بومه 1600 خليجى مو 2008

رد المهندس أحمد عناني :
لازم حضرتك تشرفنا في التوكيل لتعليق جهاز تحليل الأعطال mut على السيارة ومعرفة سبب المشكلة لأن ممكن يكون حساسات abs على العجل يكون هو السبب ويتم تحديد ذلك بالجهاز

المشاركة الأصلية كتبت بواسطة egy_fan

السلام عليكم. كنت عايز اعرف هل استهلاك البنزين فى اللانسر 1600 ااخليجى اكتر من اللانسر 1600 مصرى .

شكرا للردود

لأ ما اعتقدش لأن فرق قوة المحرك بينهم بسيطة جدا وحتى كتالوج الميتسوبيشي 2010 عامل المصري 106 حصان صافي والخليجي 107 حصان صافي (رغم ان الكتالوجات السنين السابقة كانت المصري 106 حصان صافي والخليجي 122 حصان اجمالي)

**مصراوي جدا** · 24-06-2010 10:05 AM

الأحد هو افضل يوم

والسبت هو ازحم يوم

وباقي الأيام متغيرة في الزحام انما الأفضل حضرتك تيجي بدري (من 8 : 10 ص)

**star2002** · 24-06-2010 09:58 PM

سوئالى للمهندس طارق عن زيت موتور لانسر 98 عامله 160 الف كيلوا - انا باستعملها موبيل 1 اللى بيتغير كل 10 الاف حتى الان - بس الميكانيكى و ناس كتير نصحتنى اغير لزيت اخر مثل شيل سوبر لان زيت موبيل 1 لا يفضل للسيارة بعد ما تعدى ال 100 الف
ما مدى صحه هذا الكلام , و انا لم اغير زيت موبيل 1 حتى الان , هل تنصحنى اغير و لا ايه رأى سيادتك
و شكرا

**rebel** · 24-06-2010 11:31 PM

السلام عليكم,

من فضلك أنا لسة شاري لانسر سبورت بوما 2008 وعاملة حوالي 38000 كيلو بس بس المالك الأول عمل صيانة ال30000 برة التوكيل دي الوقت لما اتكمل 40000 كيلو وعاوز اعمل سيرفس ال40 الف في التوكيل كده يبقى خلاص الضمان راح؟ وكنت عاوز أعرف بعد إذنك سعر السيرفس ال40 ألف كام.

مع جزيل الشكر