انت تسأل وإستشاري منتدى متسوبيشي يجيب (2)

**حلواني** · 26-04-2009 04:02 AM

باشمهندس طارق عايز استفسر بخصوص التالي جزاك الله كل خير:
1- هل فيه فرق جوهري بين السبورت و السوبر اكشن (في الاداء او العفشة او العزل)؟
مثلا كنت في معرض امبارح و قال لي ان العفشة بتاعة السوبر اكشن عفشة غاز .. طبعا انا ما فهمتش يعني ايه قلت اجي اسألك.
2- هل عزل الهوا واحد في كل الدرجات؟ يعني حتى السوبر اكشن صوت الهوا عالي ومش معزول قوي واللا فيه اختلاف؟
خالص الشكر .

**mohamedway** · 27-04-2009 10:04 AM

المشاركة الأصلية كتبت بواسطة حلواني

باشمهندس طارق عايز استفسر بخصوص التالي جزاك الله كل خير:
1- هل فيه فرق جوهري بين السبورت و السوبر اكشن (في الاداء او العفشة او العزل)؟
مثلا كنت في معرض امبارح و قال لي ان العفشة بتاعة السوبر اكشن عفشة غاز .. طبعا انا ما فهمتش يعني ايه قلت اجي اسألك.
2- هل عزل الهوا واحد في كل الدرجات؟ يعني حتى السوبر اكشن صوت الهوا عالي ومش معزول قوي واللا فيه اختلاف؟
خالص الشكر .

إسمحلى أرد على حضرتك و البشمهندس طارق يعقب على كلامى..............

الانسر ال1600 كلها زى بعضها من أول ال1600 مانوال لغاية ال1600 سوبر أكشن من حيث الموتور و العفشه و الثبات و العزل و الأداء بشكل عام و الفروق الوحيده بينهم فى الإكسسوارات فقط لاغير زى الأسبويلر و العتب الفبر و الإريال الرياضى و ألوان الفوانيس و فوانيس الشبوره و الأسبويلر و فتحه السقف و الفرش الجلد فى السوبر أكشن و وجود الكاسيت و السى دى من عدمه وغير كده مفيش أى فرق بين الموديلات ده كلها و الأجزاء الميكانيكيه و العفشه هى هى بالضبط

**مهندس_حسام حسين** · 27-04-2009 08:12 PM

المهندس/طارق
السلام عليكم
معلش انا تاعب حضرتك معايا بالاسئلة وعندي سؤال صغير هل بينزل مع اللانسر(1600 مصري)او اي موديل فرش حراري لغطاء الكبوت من الداخل ؟لاني وجدت عربات كثير فيها كدة (ماركات ثانية)ولو موجود بييجي من اين وبكام 0
انا ركبت العازل الموجود عند السروجية اللي فية طبقة فويل ووجدتة مش كويس لو قربت لة حرارة من قريب (ولاعة) بيسيح والمكان اللي بيتركب فية كلة حرارة ووجدت الفويل بيسخن من تاثير حرارة الموتور وبالتأكيد بيعكس الحرارة علي الموتور ووجدت الموجود في العربات الثانية مطفي وعامل زي اللباد وشكرا0

**am_dove118** · 28-04-2009 11:22 AM

السلام عليكم ورحمة الله وبركاته
برجاء الرد على استفسارى وجزاكم الله خير
انا عاوز اركب جهاز انذار للعربية بتاعتى - لانسر بومة 2008 وعاوز اسم مكان كويس وعنوانه وتليفونه وتقريبا بيتكلف كام الجهاز + تكلفة التركيب؟ (عشان فى التوكيل مش بيركبوا اجهزة انذار)
برجاء الافادة

اخوكم احمد

**مصراوي جدا** · 28-04-2009 11:58 AM

المشاركة الأصلية كتبت بواسطة مهندس_حسام حسين

المهندس/طارق
السلام عليكم
معلش انا تاعب حضرتك معايا بالاسئلة وعندي سؤال صغير هل بينزل مع اللانسر(1600 مصري)او اي موديل فرش حراري لغطاء الكبوت من الداخل ؟لاني وجدت عربات كثير فيها كدة (ماركات ثانية)ولو موجود بييجي من اين وبكام 0
انا ركبت العازل الموجود عند السروجية اللي فية طبقة فويل ووجدتة مش كويس لو قربت لة حرارة من قريب (ولاعة) بيسيح والمكان اللي بيتركب فية كلة حرارة ووجدت الفويل بيسخن من تاثير حرارة الموتور وبالتأكيد بيعكس الحرارة علي الموتور ووجدت الموجود في العربات الثانية مطفي وعامل زي اللباد وشكرا0

لأ للأسف مفيش حاجه زي كده في التوكيل لأن الأصلي مفهوش كده والموجود في التوكيل قطع الغيار الأصلية فقط

المشاركة الأصلية كتبت بواسطة am_dove118

السلام عليكم ورحمة الله وبركاته
برجاء الرد على استفسارى وجزاكم الله خير
انا عاوز اركب جهاز انذار للعربية بتاعتى - لانسر بومة 2008 وعاوز اسم مكان كويس وعنوانه وتليفونه وتقريبا بيتكلف كام الجهاز + تكلفة التركيب؟ (عشان فى التوكيل مش بيركبوا اجهزة انذار)
برجاء الافادة

اخوكم احمد

في التوكيل دايما بننصح عمل التركيبات الكهربائية زي الكاسيت وجهاز الانذار في مركز متخصص وبننصح بمراكز أدريان وهم لهم كذا فرع في القاهرة فيه في الهرم ومدينة نصر وكذا مكان تاني انما لأسف مش عندي دلوقتي ارقام تليفوناتهم انما لو بحثت في المنتدى هتلاقي بياناتهم باذن الله

**kantalub** · 01-05-2009 07:22 PM

أستاذ طارق زويل .. ساعة ترموستات لانسر 2006 خليجي عادية مش سبورت بكم في التوكيل وبره التوكيل .. بدور عليها في سوهاج مش لاقيها خالص ؟؟؟؟ وبالمرة كم سعر البوجيهات للعربية .. وهل لازم يبقوا اصلي ولا ممكن ياباني بس مش اوريجينال .. ولو ركبت اللي مش اصلي هل هيأثر علي أي جزء في العربية بعدين ؟؟؟

ولو فيها تعب ممكن بس تقرا لينك الموضوع ده وتقولي ايه رأيك في الحوار اللي حصل معايا ده ؟! ..

http://www.nilemotors.net/Nile/showthread.php?t=72109

**Daash** · 02-05-2009 02:22 AM

بشمهندس طارق تحية طيبة

كان عندى استفسار انا معايا لانسر شارك واخدت بيها مطبين من قبل وكشفت عليها عشان خوفت يكون جرالها حاجه فى بنزينة عشان يكشف على الزوايا فقالى ان فى عجلة مأخرة 5 سم والله اعلم اذا كان صادق ام لا وثبت الدريكسيون بحديدة كده وربط حاجه من تحت
المهم لقيت الدريكسيون بعد ما مشيت لقيتة مايل سنه شمال يعنى لو عدلته العربية تميل لليمين المهم انا عاوز اروح مركز تبع معتمد يظبطلى الزوايا ويربط العفشة ويعدل الدريكسيون ... فهل فى مركز قريب من حلوان او المعادي يقدر يظبط المشكلة دى ؟

**medo_cool** · 02-05-2009 03:00 AM

aهل يوجد فرق فى الواصفات بين لانسر مصرى ضمان الوكيل و الخليجى
و هل فعلا ان لانسر كلاسيك المصرى عفشه اسبورت و abs والخليجى لا .
وان الخليجى به 3 رشاش فى الوتور لهذا استهلاك البنزين اكثر .
و هل لو العربيه ضمان الوكيل و الكتالوج مفقود ممكن تكمل فى الضمان .
ارجو الافاده و اسف على الاطاله

**mohamedway** · 02-05-2009 10:09 AM

المشاركة الأصلية كتبت بواسطة Daash

بشمهندس طارق تحية طيبة

كان عندى استفسار انا معايا لانسر شارك واخدت بيها مطبين من قبل وكشفت عليها عشان خوفت يكون جرالها حاجه فى بنزينة عشان يكشف على الزوايا فقالى ان فى عجلة مأخرة 5 سم والله اعلم اذا كان صادق ام لا وثبت الدريكسيون بحديدة كده وربط حاجه من تحت
المهم لقيت الدريكسيون بعد ما مشيت لقيتة مايل سنه شمال يعنى لو عدلته العربية تميل لليمين المهم انا عاوز اروح مركز تبع معتمد يظبطلى الزوايا ويربط العفشة ويعدل الدريكسيون ... فهل فى مركز قريب من حلوان او المعادي يقدر يظبط المشكلة دى ؟

مكانش المفروض تخليه يلعب فى العربيه لأنى شبه متأكد ان المطب معملكش حاجه لأن الانسر ما شاء الله عفشتها قويه جدا و ده من أهم مميزاتها و أنا ساما كلت بيها مطبات منهم واحد تنالى حرف الجنط و الكاوتش اتقطع و مطب طلته على 160 كم/س خلى العربيه ترننننننن و كشفت عليها عند أكتر من واحد للإطمئنان و قالولى العربيه زى الفل و ما فيهاش الهوا و لا كأن حاجه حصلت و أنا فعلا حاسس ان العربيه ما إختلفتش معايا فى حاجه ........... المهم واحد منهم قالى العجله اللى قدام يمين مأخره سنتيمتر لأ و مش بس كده ده جاب عده و لاقيته هيشتغل فى العفشه الخلفيه قلتله هتعمل ايه ورا؟؟؟؟!!!!! قالى هضبطلك زوايا ورا (أنا عمرى ما شفت رجلاشات فى غفشه الانسر الخلفيه و كلها دراعات ثابته و مقصات) المهم قلتله سيب العربيه ما تعملش فيها حاجه خالص و روحت التوكيل فى قليوب و كشفوا عليها على جهاز الزوايا و طلع ما فيهاش الهوا و كمان المهندس طلع جربها بنفسه و قالى العربيه زى الفل.................... ربنا يرحمنا من الصنايعيه اللى عاوزه تعمل شغل و خلاص و مش مهم تعك حاجه فابريقه و مضبوطه و سليمه.