الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة Limo

الف شكر ليك يا بشمهندس طارق
طيب انا عايز اعمل صيانه ال 40 الف كلها بس انا بغير لزبت شل 10000 هل ينفع اعمل الصيانه عندكو واجيب معايا عبوه زيت وانتوا تحطوهالى مع الصيانه
كمان عايز رقم فرع ايوب علشان احجز ؟ وازاى اروح فرع قليوب من مدينه نضر
شاكل جدا ليك يا بشمهندس

ممكن تجيب زيت شل معاك بدلا من الموبيل وان الموجود
رقم التليفون 42157629 لكن مفيش حجز انما حضرتك ممكن تيجي في اي يوم بدري قبل الساعة 10
شرح الطريق في الموضوع ده
http://www.nilemotors.net/Nile/9838-a.html

المشاركة الأصلية كتبت بواسطة moataz59

=================
[overline]ألف شكر باشمهندس / طارق
قرأت فى مشاركة لأحد الأعضاء بالمنتدى عن:
""مركز الخدمه السريع المعتمد من الوكيل , ودا في بنزينة موبيل شيراتون طريق المطار
الخدمه هناك ممتازه و هما اصلا الوكيل """

فهل يمكن هناك الكشف على سيارة شارك 2008 مستعملة قبل شراءها لمعرفة ما تحتاجة وهل قطع الغيار متوفرة حاليا هناك؟؟؟ خاصة وإنها (هاى لاين خليجى) وعملت 60000كم دون عمل أى صيانة ليها بالتوكيل
( تم فقط تغيير زيت الموتور - وتيل الفرامل وبيقول كمان الطنابير و سير وبيقول إنها مخنوقة)
على فكرة أنا لسه لم أعاين العربية على الطبيعة نظرا لإقامتى فى محافظة أخرى خارج القاهرة
فياريت تساعدنى بحكم خبرتك...........
وألف شكر [/overline]

ممكن الكشف على العربية في فرع شيراتون المطار وان كان الفنيين هناك ميكانيكا وكهربا ومفيش سمكرة ودهان فلذلك الأفضل احضار العربية للمركز الرئيسي في قليوب
سعر الكشف العام للعربية 200 جنيه
المفروض فيه صيانة كل 10 آلاف كيلو عبارة عن تغيير زيت محرك وفلتر زيت محرك ومراجعة عامة على العربية والكشف على تيل الفرامل ، لكن عند ال 40 ألف بيكون فيه تغيير حاجات كتير منها زيت فتيس وبوجيهات وفلتر هواء وفلتر بنزين
انما ممكن الحاجات دي تتعمل عند ال 60 الف
وكون العربية مخنوقة ده طبيعي لأنها معملتش صيانة الأربعين

المشاركة الأصلية كتبت بواسطة HANYCAR

ازاى حضرتك يا بشمهندس طارق كنت عاوز اعرف سعر مساعدين امامى وسعر الخلفى ايضا كلا على حده لانسر 2002 منيوال فى حدود كام وهل بتاع التوكيل هو kyb وكمان علبة الدريكسيون عملة كام بدون تركيب و ومصنعية تركيب المساعدين والعلبة فى حدود كام

سعر المساعد الأمامي 1105 ج + 10% ض.م
سعر المساعد الخلفي 515 ج + 10% ض.م
الموجود هو الميتسوبيشي الأصلي

علبة الدركسيون لازم نعرف رقم الشاسيه بالكامل لتحديدها

المشاركة الأصلية كتبت بواسطة kokyjoon

سلام عليكم يابشمهندس
بعد ماحضرتك جيبتلى أرقام السيور مشكورا وجدت المكتوب على السيور اللى فى العربية غير اللى حضرتك كتبتهولى

فمثلا سير الدينامو لاقيت اللى مكتوب على السير اللى فى العربية 5pk865

ده رقم الصنف الأصلي انما السير بيكون مكتوب عليه كلام كتير

المشاركة الأصلية كتبت بواسطة mido353235

وزيت فتيس الشارك الاصلى مش موبيل موجود ولا لا؟

فتيس الشارك فتيس اوتوماتيك عادي وليس CVT ولذلك ليس له زيت فتيس اصلي وانما موبيل

[QUOTE=basemsaeed;3873557911]

المشاركة الأصلية كتبت بواسطة مصراوي جدا

ممكن الكشف على العربية في فرع شيراتون المطار وان كان الفنيين هناك ميكانيكا وكهربا ومفيش سمكرة ودهان فلذلك الأفضل احضار العربية للمركز الرئيسي في قليوب
سعر الكشف العام للعربية 200 جنيه
المفروض فيه صيانة كل 10 آلاف كيلو عبارة عن تغيير زيت محرك وفلتر زيت محرك ومراجعة عامة على العربية والكشف على تيل الفرامل ، لكن عند ال 40 ألف بيكون فيه تغيير حاجات كتير منها زيت فتيس وبوجيهات وفلتر هواء وفلتر بنزين
انما ممكن الحاجات دي تتعمل عند ال 60 الف
وكون العربية مخنوقة ده طبيعي لأنها معملتش صيانة الأربعين


بشمهندس طارق ليا تعقيب بس على حضرتك في حاجة
او ممكن اكون انا غلطان فيها
الشارك بوجيهاتها بلاتينيوم و بتتغير كل 100 الف كيلو
و فلتر البنزين اللي اعرفه انو بيتغير على ال80 الف كيلو او قبل كده لو فيه مشكلة

اعتقد انك حضرتك كنت بتتكلم عن اللانسر البومة او ممكن اكون انا غلطان

و بعد اذنك يا بشمهندس حضرتك تأكدلي كلامي سواء بالسلب او الموجب

و شكرا

بخصوص البوجيهات فعلا يا استاذ باسم البوجيهات في الشارك والباجيرو (المحركات المايفك) بلاتينيوم بتتغير كل 100 ألف كيلو متر

اما فلتر البنزين فهو مثل البومة بيتغير عند الأربعين ألف (أصلا ميتسوبيشي بتقول عند ال60 انما نتيجة الشوائب والعوالق والأتربة في البنزين المصري ونتيجة خبرة سنين تم تقليل الفترة الى 50 ثم الى 40 ألف حتى لا يمتد التأثير الى ما هو ابعد من الفلتر)

كذلك من الفروقات بين الشارك والبومة في الصيانة ان صيانة التمانين في البومة بيتم تغيير سير الكاتينة اما في الشارك فهو سير معدني لا يتغير

شكر لملاحظتك