انت تسأل وإستشاري منتدى متسوبيشي يجيب (2)

**sherif1976** · 13-06-2011 05:29 PM

بشمهندس طارق انا معايا لانسر مانيوال 98 اشتريتها من حوالى 5 سنوات كانت عاملة 121000 كم ومن ساعة ما اشتريتها ماغيرتش زيت الفتيش ودلوقتى العربية عاملة 206000 كم المفروض اغير زيت الفتيس المانيوال
كل كام كيلومتر؟

**مصراوي جدا** · 14-06-2011 11:46 AM

المشاركة الأصلية كتبت بواسطة sherif1976

بشمهندس طارق انا معايا لانسر مانيوال 98 اشتريتها من حوالى 5 سنوات كانت عاملة 121000 كم ومن ساعة ما اشتريتها ماغيرتش زيت الفتيش ودلوقتى العربية عاملة 206000 كم المفروض اغير زيت الفتيس المانيوال
كل كام كيلومتر؟

زيت الفتيس بيتم تغييره كل 40 ألف كيلو متر أو احيانا 50 ألف سواء مانيوال أو اوتوماتيك - لذلك لازم حضرتك تغير الزيت في اقرب فرصة

**moha4tec** · 14-06-2011 02:09 PM

السلام عليكم
لانسر 1600 بومه اوتوماتيك
العربيه كانت بتنتش على 40 و بعد كده عادى
و بعد كده بقت بتنتش على اى سرعه
و بعد كده مبقتش بتجيب الغيار اصلا معلقه على الn منوره على طول بالرغم من ان ممكن تجيب دراع الفتيس على ال d ,r ds
لكن العربيه مبتتحركش لا قدام و لا للخلف
يا ترى كده الفتاس باظ و محتاج يتغير و الا ممكن يتصلح و الا تنصحونى باه بالظبط و اصلحه عند مين
و اشكركم مقدما على مجهودكم معايا

**Ahmedhussein007** · 15-06-2011 03:38 PM

مهندس طارق يارب تكون بخير بالنسبه لزيت الاتوماتيك العادى ممكن نغير مثلا بزيت تويوتا الاصلى بدلا من موبيل لانى بصراحه مش متطمن لموبيل خالص العربيه لانسر شارك

**مصراوي جدا** · 16-06-2011 11:47 AM

المشاركة الأصلية كتبت بواسطة moha4tec

السلام عليكم
لانسر 1600 بومه اوتوماتيك
العربيه كانت بتنتش على 40 و بعد كده عادى
و بعد كده بقت بتنتش على اى سرعه
و بعد كده مبقتش بتجيب الغيار اصلا معلقه على الn منوره على طول بالرغم من ان ممكن تجيب دراع الفتيس على ال d ,r ds
لكن العربيه مبتتحركش لا قدام و لا للخلف
يا ترى كده الفتاس باظ و محتاج يتغير و الا ممكن يتصلح و الا تنصحونى باه بالظبط و اصلحه عند مين
و اشكركم مقدما على مجهودكم معايا

كلام حضرتك كده يقلق جدا ولازم يتم الكشف على العربية سريعا لتحديد موقف الفتيس
فتيس البومة لا يتم اصلاحه وانما يتم تغييره بالكامل وسعره استيراد في حدود 5000-7000 جنيه

المشاركة الأصلية كتبت بواسطة hanycar

مساء الخير يا بشمهندس طارق كنت عاوز اسال عن سرة العجل الامامى لانسر 2002 مانيوال 1300 السرة بتعمل فى حدود كام علشان بتاع العفشة لما غير البلية دق على السرة لوحها وخرطناها وبرده الرفة بقت بسيطة بس قلقان منها فهل ليها مخاطر لو مشيت بيها كده والسرة الجديدة الاصلى عاملة فى حدود كام

سعر السرة الأصلي 550 جنيه + 10%
أما بخصوص الرفة الحالية فلازم يتم الكشف عليها لتحديد مدى خطورتها

المشاركة الأصلية كتبت بواسطة kokyrawan

المهندس طارق مساء الخير بعد اذن حضرتك انا معاى سيارة لانسر 2005 سبورت عاملة 35000 كيلو فهل هى فى الضمان و اذا كانت فى الضمان فما هو الاشياء التى يشملها الضمان علما بان رقم الشاسية 3759 و رقم الموتور 7331 و لك جزيل الشكر

ضمان العربية قبل 2008 بيكون 60 ألف كيلو او 3 سنوات من تاريخ الشراء ايهما اقرب وبالتالي الضمان انتهى لمرو اكتر من 3 سنوات من عمر السيارة

المشاركة الأصلية كتبت بواسطة mido353235

مهندس طارق يارب تكون بخير بالنسبه لزيت الاتوماتيك العادى ممكن نغير مثلا بزيت تويوتا الاصلى بدلا من موبيل لانى بصراحه مش متطمن لموبيل خالص العربيه لانسر شارك

لا نشترط زيت معين ولو العميل يريد احضار زيت معه يفضله بيتم استخدامه طالما مناسب للسيارة

**Ahmedhussein007** · 17-06-2011 08:24 PM

معنى كده ان زيت التويوتا مناسب

**ledaforever** · 20-06-2011 04:35 AM

السلام عليكم ياباشمهندس طارق
بالنسبة للبومة 2007 خليجى ليها لمبة لحزام الامان ولا مش ليها لان مفيش حاجة عندى بتنور ف التابلوة لحزام الامان وانا شارى السيارة مستعملة