صباح الخير م. طارق
بداية أشكر حضرتك علي تجاوبك الاكثر من ممتاز معي بخصوص استفساراتي عن الكولت
لي استفسار بخصوص سيارتي الحالية وهي Mitsubishi Galant Sport 1600 cc
موديل 1977 (علي فكرة العربية دي كانت نادرة ايامها وكان تقريبا شركة دودج متعاونة مع ميتسوبيشي في تصنيع هذه السيارة بمواصفات معينة لان العربية كمان مكتوب عليها من الخلف Dodge Celeste، مش عارفة حضرتك عندك فكرة افضل مني عن الموضوع ده ولا لأ.) بس دايما كان والدي الله يرحمه بيعمل الصيانة بتاعتها في ميتسوبيشي بس طبعا زمان اوي ايام الفروع القديمة وعمل الصيانة مرتين او 3 في قليوب قبل ما يتنقل للميكانيكية ايام ما كان لسة الوكيل ناقل هناك جديد.
يا تري هينفع آجي بالعربية للفحص الشامل ويطلعولي المهندسين تقرير كامل عنها وايه اللي هي محتاجاله بالضبط؟ أنا عارفة ان المشكلة هتكون في توافر قطع الغيار لانها قديمة اوي لكن هل ممكن يعملوا الحاجات اللي يقدروا عليها والباقي مثلا اعمله بره؟ ولا الموديلات القديمة خلاص مبيتمش التعامل معاها؟ ويا تري لو هينفع ممكن تكون تكلفة الكشف الشامل دي كام تقريبا؟ علشان فعلا انا تعبت جدا من التعامل مع الميكانيكية اللي بره تماما.
مع خالص شكري مقدما
المفضلات