انت تسأل وإستشاري منتدى متسوبيشي يجيب (2)

**مصراوي جدا** · 26-06-2009 12:11 PM

حضرتك مفهمتش قصدي

انا قصدي ان سعر شراها المرتفع من اوروبا واللي هيؤدي بدوره لسعر بيع مرتفع غير منافس هل مجرد تخفيض 10% في جماركها هيعالج ارتفاع سعر شراها .. انا لا اعتقد وبالتالي هتظل تكلفتها مرتفعه ودي يخللي سعر بيعها لازم يرتفع وبالتالي لن تنافس وهيقف بيعها زي ما وقف بيع موديلات 2007 اللى خلصت في 2009

يعني الخلاصة احتمال نزول الكولت 2010 السوق المصري ضعيف

**مصراوي جدا** · 26-06-2009 12:20 PM

المشاركة الأصلية كتبت بواسطة tote_ide

الف شكر يا بشمهندس على الرد
أنا رحت امبارح غيرت التيل الامامى وعملت صيامى العشر تلاف من غير الزيت ولا الفلتر عشان انا غيرتهم

مش كده يبقى التشيك بتاع ال10000 تمام ولو كان فى اى حاجة كانوا قالوى بمعنى أصح امشى وانا مطمن؟؟
وصيانو ال 10000 دى مش بشيك على المكنة برده؟؟
مع العلم انا معملتش الكشف بالكمبيوتر

تمام باذن الله

المشاركة الأصلية كتبت بواسطة m_hanafy

الأستاذ / طارق
تحية طيبة وبعد...
معلش انا دوشتك معايا بخصوص عربيتى اللانسر قرش فى كثرة أسألتى.
على العموم العربية عندى مش مظبوطة الموتور واطى وبتنتش فى السلانسيه وبتستهلك بنزين كتير وحاسس انها مخنوقه فى المشى وفى المطالع بالذات وفى صوت طالع من بلف الهواء وكنت عايز أحضر إلى التوكيل ليتم ظبط السيارة بالكامل فهل يوجد حجز ميعاد ولا ممكن أجى على طول من غير حجز واقابل سيادتكم فى انهى مركز صيانة مع العلم ان السيارة خليجى فهل ينفع أعمل لها صيانة فى المركز والسيارة موديل 2008 عاملة 42000 كيلو ولم يتم عمل لها صيانة قبل ذلك غير تغيير الزيت والفلتر وكانت مركونة ما يقرب على 10 شهور.
وشكراً على خدماتك لأعضاء المنتدى

اهلا وسهلا بيك
فعلا العربية هتحتاج صيانة الأربعين كاملة وممكن تشرفنا في مركز خدمة قليوب (المركز الرئيسي للتوكيل) من غير حجز لكن بدري الساعة 8
طريق اسكندرية الزراعي الكيلو 16 تليفون 42157629
وباذن الله بعدها هتلاقي فرق كبير في اداء العربية

**مصراوي جدا** · 27-06-2009 09:44 AM

اللانسر الخليجي 1600 سي سي فقط هي ما تحدد شركة ميتسوبيشي لها ضرورة استخدام بنزين 95 ووضعت استيكر بكده على غطاء تنك البنزين (لكن معظم مستوردي العربية بيشيلوا الاستيكر)

لكن في نفس الوقت معظم مشتري ومستخدمي العربية في المنتدى بيستخدموا بنزين 92 بلا مشاكل

التابلوه الأبانوس من الكماليات ومش مرتبط بموديل معين انما مرتبط بلون الفرش فمعظم الأبانوس بيكون رمادي وفيه ابانوس البني المشهور وبينزل مع الفرش البيج

**anan552003** · 01-07-2009 01:08 AM

أنا بجد متشكر جدا لاهتمام حضرتك يا باشمهندس و ربنا يكرمك و تفضل منور منتدانا كده على طووووووووول

**tote_ide** · 01-07-2009 11:33 AM

السلام عليكم يا استاذ طارق ازر حضرتك
أنا قبل ما اروح التوكيل بكام يوم كنت سمعت صوت كده زى صوت حكة وكنت فاكر الفرامل والفرامل الحمد لله انظبطت
لكن امبارح اتكرر تانى مع ان فى التوكيل قالولى ان مفيش حاجة وصوت الحكة دا تقريبا مبيطلع الا فى الحر وانا بكون مشغل التكييف واكون ماشى 100 مثلا واشيل رجلى من على البنزين صوت الحكة دا يكلع والار بى ام نازل للن بليل محصلش ودى كان تانى مرة اسمع نفس الصوت

ممكن تطمنى؟؟؟

**مصراوي جدا** · 04-07-2009 10:55 AM

هو كده مش واضح الصوت ده منين وسببه ايه

انما طالما بيظهر في ظروف معينه (الحر مثلا) فأول لما يظهر معاك وكانت ظروفك تسمح تيجي التوكيل تعال علطول (المركز الرئيسي في قليوب) ومهندس الاستقبال يجرب العربية مع حضرتك ويشوف الصوت ده ايه وسببه حتى لو مكانش الاصلاح هيتعمل في نفس اليوم (لتأخر الوقت مثلا) فيبقى على الأقل حددنا المشكلة فين ويتم الاصلاح بعدها في اقرب فرصة