الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة mohfakhry

i have befor lancer nubira its aircondion was better dispite it was koerean car dou know why pleas answer me shorty

حضرتك محددتش العربية موديل سنة كام
انما بشكل عام طالما فلتر التكييف تم تنظيفه والتكييف برضه ما اشتغلش كويس يبقى لازم يتم الكشف عليه والموضوع مش مجرد فلتر - ربما فيه تسريب في الفريون
ممكن تشرفنا في اي يوم بدري في مركز الخدمة الرئيسي في قليوب للكشف عليه وتحديد المشكلة وحلها

المشاركة الأصلية كتبت بواسطة Dr_MohSalah

بشمهندس طارق بعد اذنك انا سالت واحد صاحبى ليه فى العربيات عن عملية الكشف فى التوكيل على حالة العربيات المستعملة قبل شراءها وقالى التوكيل بيقدر يعرف حالتها كويس بس المشكلة انهم ما بيقدروش يقولوا اذا كان عداد العربية ملعوب فيه ولا لاء!! هل الكلام ده صحيح؟ لان عملية اللعب فى العداد بقت تحصل كتير اوى اليومين دول! وهل ياترى ههتاج احجز معاد فى التوكيل للكشف على العربية المستعملة زى ما بنعمل فى الصيانات ولا اخدها واروح فى اى وقت؟

شكرا يا بشمهندس.

بخصوص اللعب في العداد بيتعرف من حالة العربية يعني اللي بيلعب في العداد بينزلها مثلا من 100 ألف الى 50 ألف فاذا مكانش فيه آلات تعرف ان العداد ملعوب فيه انما حالة الأجزاء المختلفة في العربية بتدل بخبرة الناس في التوكيل على زمن استهلاكها الحقيقي

الكشف في فرع جسر السويس لازم حجز وفي فرع قليوب مش لازم انما لازم يكون الصبح بدري ويفضل بلاش السبت لأن الكشف بياخد على الاقل ساعتين

المشاركة الأصلية كتبت بواسطة miciohab

السلام عليكم مهندس طارق
اولا احىى حضرتك على المجهود الرائع وانك لا تدخر جهدا لاجابه كل الاسئله حتى البسيطه منها
عندى استفسار صغير جدا وارجو من سيادتك معاونتى عليه
انا معايا لانسر 2005 اتوماتيك
اللى حصل انى بركن العربيه دايما فى جراج واكتشفت ان دايما فيه عرسه اى والله عرسه اكتشفت مكان من شنطه العربيه تدخل منه و تعيش وتاكل وانا خايف تنده عيلتها
السؤال انى مش لاقى مكان الدخول
هاتجنن يافندم
عند حضرتك نصيحه العرسه بتدخل منين
ومتقوليش هات لزقه لانى مش عايزها تموت جوه
انا مش عارف بس هيا بتدخل منين من الشنطه!!!!!!!
وشكرا لسعه صدر حضرتك

انا سألت الناس عندي في الورشة وخاصة السمكرية اللي عارفين مداخل ومخارج العربية كويس قالوا ممكن تكون العربية اتخبطت من ورا لأن فيه طبات بلاستك في الشنطة ورا يمين وشمال ممكن طبة منهم تكون اتشالت و كمان المدخل التاني هو طبة تحت الاستبن
فممكن حضرتك تراجع على الأماكن دي مفتوحة للأرض ولا مقفولة بالطبب دي