الموضوع: انت تسأل وإستشاري منتدى متسوبيشي يجيب (2)

آسف للتأخير واليكم الردود على المواضيع الأخيرة

المشاركة الأصلية كتبت بواسطة bahaaothman

انا عربيتى لانسر 2001 ولسه جايبها من اسبوع وكنت عايز اعرف اسعار بعض الحاجات فى التوكيل
طقم اولسيه اسكاترا 400 ج + 10%
وش الكاتينة 150 ج + 10%
الفانوس الامامى 1065 ج + 10 %
الفانوس الخلفى 825 ج + 10%
الاكصدام الامامى 1320 ج + 10%

ولو عايز اكشف على العربية واعرف هى محتاجة ايه هيتكلف كام 140 ج + 10%


وياريت لو حضرتك تقولى المواعيد اللى اقدر اروح فيها اي يوم بدري الساعة 8 صباحا ما عدا الجمعة

شكرا جزيلا

المشاركة الأصلية كتبت بواسطة mimieg

الأخ الفاضل المهندس / طارق
أريد ان أعرف مراكز الخدمه المعتمده فى منطقة الدلتا ( القريبه من مدينة المنصوره )
*كذلك اريد ان اعرف أسعار قطع الغيار و المصنعيات لما يلى:
1-مجموعة السيور
2-فلتر البنزين بدون الطلمبه
3-زيت الفتيس
4-البوجيهات و هل الأفضل بوجيه واحد شمعه أو ثلاث شمعات

و جزاك الله خير الجزاء

مراكز الخدمة المعتمدة في الدلتا (المنصورة)
1- مركز العدوي - ميت عساس 0402883341 / 0103442700
2- مركز الدلتا 0509107572 / 0109332257

1- سير دينامو + سير تكييف + شداد كاتينة + أويل سيل كامة + أويل سيل كرنك (800 ج + 10%)
المصنعيات 175 ج + 10%
2- فلتر بنزين 460 ج + 10% والتركيب 50 ج + 10%
3- زيت فتيس 9 كيلو × 27 جنيه = 234 ج + 10 % و التركيب 50 ج + 10%
4- البوجيهات 90 ج + 10% والتركيب 40 ج + 10%
الأفضل الموصي به من الشركة شمعة واحدة

المشاركة الأصلية كتبت بواسطة mshlovemsh

انا كنت سالت ناس كتيرة عن العربيه المكواة 2001
بس للاسف مش منتشرة اوى و مش عارف احدد رايى بناء على خبرات الناس

فقلت ان اكيد حضرتك هتبقى احسن واحد يقولى راية

خصوصا انى بحب اللانسر جدا
انا كان معايا كريستاله و لسة بايعها لانها واطيه على الارض وانا فى منطقة مطبات و دايما بحمل العربيه

بس بسال عن عيوبها ومميزاتها بالنسبة ل الكريستاله اللى قبلها و البومه اللى بعدها

من حيث السحب الاعتمادية الثبات الفرامل العفشة الموتور قطع الغيار استهلاك بنزين

هل فى عيوب فى التصميم (زى طنبورة الكرنك اللى فى الكريستاله اللى بترف عن ناس كتيرة و انا شفتها بنفسى لان حجم الطنبورة كبير اوى و محمله على مسمار صغير)

وهل فى منها موديلات gl-glx ?
واية الاختلافات بينهم

انا بصراحة منحاز ليها و حابب شكلها اوى

شكرا مقدما يا بشمهندس

اهلا وسهلا بيك
المكواة أفضل من الكريستالة لأنها احدث منها وخاصة ان منها موديلات انجكشن
المصري كله GLX وممكن تلاقي خليجي GL والفرق كماليات

المواضيع دي بتتكلم عن المكواة ممكن تستفيد منها :

http://www.nilemotors.net/Nile/showthread.php?t=8275

http://www.nilemotors.net/Nile/showthread.php?t=80418

http://www.nilemotors.net/Nile/showthread.php?t=15327

http://www.nilemotors.net/Nile/showthread.php?t=8542

المشاركة الأصلية كتبت بواسطة mimimomojojo

السلام عليكم
1600 2005 sport لمبة الabs مضيئة ممكن اعرف السبب ومعرفة التكلفة القصوى ( اغلى عطل فيه)

شوف حضرتك الموضوع ده

http://www.nilemotors.net/Nile/showthread.php?t=48030

المشاركة الأصلية كتبت بواسطة hus_hti

السلام عليكم يا بشمهندس طارق
انا كان عندى استفسار انا عندى البومة 1600 موديل 2008 وعملتلها صيانة 10000 من حوالى يومين
بس بعد كدة لاحظت لما اجى اشغل التكيف على السرعة الثالثة واعمل مشاويرى واجى اركنها واسيبها
شوية انها بينزل منها مية(مياه) هل الموضوع ده عادى ولا فى حاجة انا الاول شكيت انها بنزين بس لما شمتها لاقتها
مية عادية


اسف على الاطالة
وارجو الرد

حضرتك موضحتش الماية بتنزل بره العربية ولا جواه .. لو بره فده طبيعي نتيجة تكثيف بخار الماء حيث ان الجو دلوقتي الرطوبة فيه عالية جدا اما اذا كان الماية جوة العربية فده تسريب في الخراطيم محتاج الكشف عليها واصلاحها

المشاركة الأصلية كتبت بواسطة ahmed4

سؤال للمهندس طارق
انا عربيتى لانسر 2008 بومة سبورت وعملت حادثة والعربية اتخبطت فى الاكصدام الامامى
لو عايز اصلحها فى التوكيل مع العلم ان السيارة متأمن عليها اعمل ايه؟
والمقايسة بكام؟
شكرا جزيلا

اولا حمد لله عالسلامة
طالما العربية متأمن عليها مفيش مشاكل باذن الله
حضرتك هتجيب العربية في اي يوم وبيتم عمل مقايسة لها وانت واقف ولو التلفيات في الاكصدام فقط هتكون تلكفة الاكصدام والتركيب والدهان يقترب اجمالي من 2000 جنيه
وتاخد المقايسة لشركة التأمين ويوافقوا عليها ويحددوا يوم للمعاينة في التوكيل وتجيب العربية في اليوم ده وتتم المعاينة ويتم الموافقة على المقايسة
في نفس اليوم تقوم بسداد 50% من الاصلاح وترك العربية وتستلم العربية خلال يومين تلاته وتسدد الباقي وتاخد الفاتورة وتقدمها لشركة التأمين لصرف القيمة

المشاركة الأصلية كتبت بواسطة madoo_600

عندي مشكله جامده ومش عارف حلها عارفين القنطرة اللي من تحت الموتور ليها اربع مسامير المسمارين اللي ورة عندي فوتوا والصواميل دخلت لجوة المهم ركبت صامولتين لحام 19 وربط فيهم المسامير بس جبت مسامير اقصر شويه عشان فرق الصاموله ومن ساعه ماركبتهم وفي زنه غريبه في العربيه وبتزيد اكتر لما اجيب ال d وبتتزايد لما اشغل التكييف وادوس فرامل مش عارف ايه الحل واحد قالي هتفضل كده علطول والتاني قال لازم تفك القنطرة وتستعدلها والموضوع ده هياخد شغل 3 ساعات مش عارف اصدق مين ارجوكم دلوني واسف على الاطاله نوع السياره لانسر 97 اوتوماتيك

لو تحب تشرفنا في التوكيل ليتم الكشف عليها وتحديد المطلوب عمله للعربية لحل المشكلة اهلا وسهلا بيك في اي وقت

المشاركة الأصلية كتبت بواسطة ahmedehab

السلام عليكم يا باشمهندس لو سمحت عايز اعرف الفرق بين البومه gl والبومهglx ولو الفرق كماليات ايه هى؟؟؟؟؟؟؟؟؟؟؟؟؟؟؟؟؟؟ وشكرا

كل العربيات المصري 1300 أو 1600 بتكون GLX اما الخليجي 1300 فيه منه GL

من واقع كتالوج العربية صفحة 11 فان فئة GL بتيجي مع البومة 1300 فقط

http://www.mitsubishi-motors.com.eg/products/lancer/1600GLX/lancer1600.pdf

هتلاقي المربع الأسود مواصفة قياسية والمربع الفارغ مواصفة اختيارية يعني ممكن الوكيل يجيبها وممكن لأ

الفروق بين الاتنين حسب الكتالوج هي :

- المرايا في GLX بلون العربية وال GL اسود
- وجود عداد RPM في GLX
- المقعد الخلفي قابل الانطواء 40-60
- تابلوه ابانوس
- كونسول أرضي
- مسند ذراع وسطي وحامل للأكواب
- زجاج كهرباء
- سنتر لوك


لكن معظم الكماليات دي اختيارية لل GL يعني ممكن يكون بعض منها الوكيل الخليجي طلبها في العربية وبعضها لأ

سوري فعلا ما اخدتش بالي انها لمبة الفرامل مش الايرباج

بخصوص لمبة الفرامل اول سؤال هل تم عمل اي اصلاحات في الفرامل قريب ؟ - عموما الموضوع هيحتاج الكشف على العربية بالكمبيوتر وكذلك الكشف الميكانيكي على الفرامل

ممكن تشرفنا في مركز الخدمة الرئيسي ولحجز موعد ارجو الاتصال على 42157629