انت تسأل وإستشاري منتدى متسوبيشي يجيب (2)

**mohamedanis** · 24-10-2009 04:47 PM

ازيك يا باشا
عربيتى 1600 موديل 2007
1- عند الضغط على الفرامل اسمع صوت صفارة عالية جدا واوقات كتيرة العربية بتتجهة الى الناحية اليمنى
2- السيارة بتغيب اوي في التشغيل طوال الوقت (صباحا او طوال النهار)
3- الدبرياج منخفض شوية لدرجة انها اوقات كتيرة بتبطل مني في بداية الحركة

اتصلت بالتوكيل واخذت ميعاد بتاريخ 09/11/2009 ممكن بعد اذن حضرتك اية اللي ممكن اعمله حتى ميعاد التوكيل مع العلم اني مشتري العربية من شهر وعاملة 47000 كم ولم يتم صيانتها في التوكيل من قبل

وشكرا لك كثيرا

**مصراوي جدا** · 25-10-2009 11:43 AM

المشاركة الأصلية كتبت بواسطة ahmedrakha

ازي حضرتك يابشمهندس ربنا يكرمك يارب على الافادات الدائمة اللي بتقدمهلنا ويجزاك عنا خير ...
انا بس عندي استفسار يابشمهندس انا عندي لانسر مكواة 2003 وكان حصل عندي مشكلة في المراوح كانت بتخلي العربية تمسك حرارة طبعا الاخ الكهربائي المتمكن قالي العيب في ساعة الترموستات اللي الحمد لله كانت سليمة ميه ميه وطبعا على طول لانه واثق من نفسه رماها بطول ايده في النيل جنبه ربنا يكرمه يارب المهم قالي شوف يا استاذنا انت تجيبلي ساعة جديدة جبت واحده جديدة قالي عادي حظك كده هات غيرها جبت غيرها مشتغلتش بعدين اكتشفنا ان فيشة الكهربا بتاعة المراوح هي اللي كانت بايظة علشان مطولش على حضرتك صلحناها والامور تمام بس دلوقتي مفييش ساعة ترموستات انا موصل المراوح مباااااشر على طول وجربت اشتري كام ساعة مفييش حاجة نافعه ارجو من حضرتك لو تتكرم وتقولي نوع ساعه او الاقيها فين او اجيبها منين واكون مشكور ليك جدا
واسف للاطالة

اعتقد ساعة الترموستات لعربية مكواة 2003 هتكون متوفرة في كل الفروع
ممكن تشتريها من مركز الخدمة الرئيسي في قليوب او من مركز خدمة فرع جسر السويس او من محل قطع الغيار في الكيت كات أو محطة موبيل المعادي او محطة موبيل الأوتوستراد حسب الأقرب منك

حضرتك الأول اتصل بالمركز الرئيسي في قليوب تليفون 42157629 واطلب معرفة سعرها وهيطلب منك رقم الشاسيه بالكامل (17 حرف ورقم) وبعدين اسأله هي موجودة ولا لأ في فرع كذا (حسب الفرع اللي هيكون اقرب لك) وهو هيشوف على الكمبيوتر ويبلغك بمكان وجودها

المشاركة الأصلية كتبت بواسطة mohamedanis

ازيك يا باشا
عربيتى 1600 موديل 2007
1- عند الضغط على الفرامل اسمع صوت صفارة عالية جدا واوقات كتيرة العربية بتتجهة الى الناحية اليمنى
2- السيارة بتغيب اوي في التشغيل طوال الوقت (صباحا او طوال النهار)
3- الدبرياج منخفض شوية لدرجة انها اوقات كتيرة بتبطل مني في بداية الحركة

اتصلت بالتوكيل واخذت ميعاد بتاريخ 09/11/2009 ممكن بعد اذن حضرتك اية اللي ممكن اعمله حتى ميعاد التوكيل مع العلم اني مشتري العربية من شهر وعاملة 47000 كم ولم يتم صيانتها في التوكيل من قبل

وشكرا لك كثيرا

واضح انك حضرتك كلمت فرع جسر السويس لأن هم اللي عندهم الحجز لفترة طويلة
لو تحب تيجي الفرع الرئيسي في قليوب ممكن تشرفنا في اي يوم بدري الساعة 8 بس ما عدا يوم السبت

**مصراوي جدا** · 25-10-2009 02:12 PM

المشاركة الأصلية كتبت بواسطة wisheey

أرسل أصلا بواسطة wisheey
لو سمحت يا بشمهندس طارق...ينفع أركب الطاره بتاعت 1600 على عربيتي 1300 موديل 2007 لانسر.
هاسأل مهندسي المركز يوم السبت وارد على حضرتك باذن الله

عملتلي ايه يا بشمهندس الله يخليك...

معلش كنت نسيت

لازم يتغير مدفع الدركسيون مع الطارة لأن التثبيت مختلف

سعر الأصلي : الطارة الثلاثية 1520 ج + 10% ومدفع الدركسيون 1330 + 10%

**minded** · 25-10-2009 09:28 PM

السلام عليكم
ارجو افادتي عن كيفية التفرقة بين لانسر الكرستالة والمتسوبيشي الاخري وما هي مميزتها وهل هي في اعوام 99 و 2000 فقط ارجو الافادة بالتفصيل لاني بصدد شراء هذا النوع لسمعته وشكرا

**ezzzzo1983** · 26-10-2009 04:19 AM

السلام عليكم ورحمة الله وبركانه

انا عندي سياره لانسر كريستاله مو 99 اوتوماتيك وعايز اعملها عمره موتور
طبعا الكل مستغرب موديل 99 ويتعملها عمره أرد وااقول حسبي الله ونعم الوكيل في غش البنزيناااات في الزيوت وبالأخص بنزينه موبيل اللي في روكسي حطيت زيت ال 10.000 وحصل اللي حصل وطااار بيستن في الموتور بعد المشي بالسياره 3500 كيلو ..

سؤالي وياريت الافاده

مين احسن ميكانيكي مشهور بعمرة اللانسر ؟؟

وهل حالة الموتور بترجع كااام في الميه بعد العمره ؟؟

وهل لو جبت موتور استيراد افضل ام العمره ؟؟

الرجا الافاده

وشكرا للجميع

**hatemahmed75** · 26-10-2009 10:16 AM

السلام عليكم ورحمة الله وبركاتة
انا كنت عايز اعرف اية المفروض الواحد يعملة (صيانة - تغير زيت - فلاتر - تيل - الخ ....) لما العربية تعمل 40000 كم
انا معايا لانسر بومة 2008 سبورت اتومتيك 1600 سى سى خليجى
وجزاكم الله خيراً

**mi22do** · 26-10-2009 12:49 PM

شكرا يا بشمهندس طارق علي مجهودك معانا - انا كنت عندكم اول امبارح و ناس عملوا الواجب الصراحه, شكرا مرة اخري.

**wisheey** · 26-10-2009 01:14 PM

أرسل أصلا بواسطة wisheey
لو سمحت يا بشمهندس طارق...ينفع أركب الطاره بتاعت 1600 على عربيتي 1300 موديل 2007 لانسر.
هاسأل مهندسي المركز يوم السبت وارد على حضرتك باذن الله

عملتلي ايه يا بشمهندس الله يخليك...
معلش كنت نسيت

لازم يتغير مدفع الدركسيون مع الطارة لأن التثبيت مختلف

سعر الأصلي : الطارة الثلاثية 1520 ج + 10% ومدفع الدركسيون 1330 + 10%

شكرا يا بشمهندس على الرد...بس هوا أيه مدفع الدركسيون ده...وتغييره حاجه صعبه وبتاخد وقت ولا أيه ؟؟....