انت تسأل وإستشاري منتدى متسوبيشي يجيب (2)

**elhamidya** · 01-11-2009 12:12 PM

سوال اخر انا حاليا بستخدم بنزين 90 من فترة طويلة هل لو استخدمت بنزين 92 حاليا يوثر على موتور السيارة بالاخص انى سمعت ان بنزين 92 حار على الموتور

**elhamidya** · 01-11-2009 01:17 PM

هل من المفترض ان يتغيرزيت موبيل 1 على 10000 كيلو او 6 شهور ايهم اقرب لان الزيت له فتره صلاحيه علما بان استخدمى للسيارة قليل جدا حيث انى باركن السيارة اسبوع واستخدمها اسبوع

**obazzz** · 02-11-2009 02:29 AM

كنت عايز اعرف من حضرتك معلومات عن الانسر البومة 2010 هتنزل امتى عشان انا ناوى اشترى خلال اليومين دول فبفكر استنى 2010 احسن

**مصراوي جدا** · 02-11-2009 02:36 PM

المشاركة الأصلية كتبت بواسطة elhamidya

السلام عليكم
شكرا يا بشمهنس طارق على مجهودتك فى الرد على الاستفسار ولى سوال عربيتى لانسر اتوماتيك 2005 خليجى هل من الممكن تغيير الزيت فى اى محطة موبيل وهل من الممكن غش الزيت فى محطة البنزين
سوال اخر عايز اغسل السياره من الداخل بالكيميكل هل ذلك يوثر على السيارة وما هو احسن مكان لغسيل السيارة ايضا من اسفل ز

وشكرا

لا اعتقد ان فيه بنزينه موبيل بتغش الزيت لأن المفروض انه بيجيب جركن الزيت قدامك ويفتحه بالبرشام قدامك والعربية المفروض تاخد 3 وتلت وتشيل باقي الجركن الأربعة لتر معاك
والأفضل تكون شاري فلتر زيت اصلي من اي محل قطع غيار مش من المحطة نفسها
الغسيل الداخلي لو في مركز كار كير متخصص يبقى اكيد فاهمين شغلهم ومش هيضر الفرش او التابلوه
غسيل السيارة من اسفل في اي محطة بنزين مش عاوزين نعقد الأمور

المشاركة الأصلية كتبت بواسطة elhamidya

سوال اخر انا حاليا بستخدم بنزين 90 من فترة طويلة هل لو استخدمت بنزين 92 حاليا يوثر على موتور السيارة بالاخص انى سمعت ان بنزين 92 حار على الموتور

انا مسمعتش موضوع بنزين حار دي قبل كده ، المفروض ان بنزين 92 أفضل وانقى من بنزين 90 والـ 90 انقى من 80 وهكذا وبالتالي فبنزين 92 أفضل

المشاركة الأصلية كتبت بواسطة elhamidya

هل من المفترض ان يتغيرزيت موبيل 1 على 10000 كيلو او 6 شهور ايهم اقرب لان الزيت له فتره صلاحيه علما بان استخدمى للسيارة قليل جدا حيث انى باركن السيارة اسبوع واستخدمها اسبوع

دايما في التوكيل بنقول 10 آلاف كيلو ومحدش قال 6 شهور لأن 6 شهور فترة عمل 10 آلاف كيلو للمستخدم العادي انما فيه اكيد عندنا مئات المستخدمين اللي بيعملوا الـ 10 آلاف في فترة اطول ولذلك بنقول ان ممكن حتى سنة انما مش اكتر من كده

المشاركة الأصلية كتبت بواسطة obazzz

كنت عايز اعرف من حضرتك معلومات عن الانسر البومة 2010 هتنزل امتى عشان انا ناوى اشترى خلال اليومين دول فبفكر استنى 2010 احسن

باذن الله البومة 2010 هتنزل آخر الشهر الحالي نوفمبر انما هتنزل بكام فده بيتحدد بعد وصولها مش قبل كده

**Ahmed Nouh** · 03-11-2009 05:20 PM

يشمهندس طارق , يظهر ان العروسه فتحت كبوتها :)

كنت عايز اسأل حضرتك حساس ال tps يتكلف كام قطعه وتركيب

وياريت بالمره طقم الدبرياج :)

ليلتى بيضه ان شاء الله

**obazzz** · 04-11-2009 01:45 AM

كنت عايز اعرف من حضرتك ازاى اعرف افرق بين العربيات الخليجى وبعضها اصلى انا سمعت ان فى مواصفات كويتى وسعودى واماراتى واردنى وسمعت ان الاردنى اسوءهم ... فأعرف ازاى العربية اردنى ولا مواصفات ثانية واسف جدا على الاطالة

**ahmed-moga** · 04-11-2009 08:05 PM

أذيك ياباشمهندس طارق كنت عايز أستفسر من حضرتك علي حاجتين انا معايا لانسر بومة اتوماتك 1300 سي سي بضمان مصرية وعاملة لحد دلوقتي 15500 ك وبقالها معايا سنة و4 اشهر وعملت صيانة الألف كيلو وصيانة العشرة الاف فاكنت عايز اعرف بالنسبة لتغيرزيت الأتوماتك هل بيتغير بالمدة ولا بالكيلو وفي حالة عربيتى المفروض اغيرة امتي وكنت عايز اعرف من حضرتك حاجة تانية انا بركن عربيتي بالأسبوع مابدورهاش هل دة في ضرر علي البطارية (البطارية الأصلية اللى نزلة مع العربية )او علي حاجة تانية في العربية ولو مفيش ضررممكن اسيبها قد اية من غير ماأدورها معلش انا طولت علي حضرتك ربنا يباركلنا فيك وكل عام وانت بخير

**ahmed-moga** · 04-11-2009 08:24 PM

تعديل لما قبلة (زيت فتيس الأتوماتك) اما زيت الماتور فحضرتك اشرت الية قبل ذلك في موضوع سابق ولك جزيل الشكر

**مصراوي جدا** · 05-11-2009 09:11 AM

المشاركة الأصلية كتبت بواسطة onlyuprom

السلام عليكم جميعا :اولا احب اشكر الاستاذ طارق جداااااااا على المعلومات القيمة وعلى الوقت الذى يبذله فى الرد على استفساراتنا وارجو الاستفسار عما يلى
انا لدى سيارة بوما موديل 2008 اوتوماتيك - ضمان مصرية -عند صيانة ال20000 توجهت لمركز خدمة الرواس بالعجوزة حيث اننى اشتكى من انه عندما اجيب الفتيس على الn او ال p وذلك بعدما اكون ماشى علىdعادى وعايز اركن مثلا احس ان السيارة حتبطل والاقى rpm يهبط جدا ثم يرجل تانى عادى وهكذا - كمان بلاحط استهلاك عالى جدا للبنزيت حوالى 178 كم لكل 20لتر وده بدون تكييف خالص مع بنزين 92 .
المهم جابو فى المركز اسبراى تنظيف رشاشات تقريبا او حاجة زى كده ولاحظت تحسن لمدة حوالى شهر ثم رجعت الشكوى مرة اخرى
هل ده عيب فى حاجة فى السيارة ولا ايه ؟؟وهل لازم احجز قبل اما اجى المركز ؟؟؟والتكلفة كام ؟؟مع العلم ان السيارة فى الضمان -وموضوع استهلاك البنزين ده عادى ؟؟

ولسيادتكم جزيل الشكر.

طالما العربية في الضمان حضرتك هاتها مركز الخدمة الرئيسي في قليوب وهيتم الكشف عليها لتحديد المشكلة فين وعلاجها - التكلفة مش هتحدد الا بعد الكشف وتحديد السبب
واستهلاك البنزين عالي وخلال الكشف هيتضح السبب
مش لازم حجز ويمكن الحضور في اي يوم ما عدا السبت لازم حجز

المشاركة الأصلية كتبت بواسطة obazzz

كنت عايز اعرف من حضرتك ازاى اعرف افرق بين العربيات الخليجى وبعضها اصلى انا سمعت ان فى مواصفات كويتى وسعودى واماراتى واردنى وسمعت ان الاردنى اسوءهم ... فأعرف ازاى العربية اردنى ولا مواصفات ثانية واسف جدا على الاطالة

العربية الخليجي بيكون مكتوب على القايم الشمال ناحية السواق بلد التصدير يعني السعودية ولا الامارات ولاغيرها
الأردني اقلهم كماليات انما مش سيئة كل العربيات مصري وخليجي وأردني نفس العربية وصناعة ياباني 100%

المشاركة الأصلية كتبت بواسطة ahmed0nouh

يشمهندس طارق , يظهر ان العروسه فتحت كبوتها :)

كنت عايز اسأل حضرتك حساس ال tps يتكلف كام قطعه وتركيب

وياريت بالمره طقم الدبرياج :)

ليلتى بيضه ان شاء الله

يا خبر يا استاذ احمد الموضوع كبر كده ليه

- حساس tps سعره 550 ج + 10 % وتركيبه حوالي 50 جنيه

- طقم الدبرياج
دسك 340 ج + 10% و اسطوانة 530 ج + 10% ورولمان بللي 160 ج + 10%
التركيب 220 ج + 10%

المشاركة الأصلية كتبت بواسطة mogacar

أذيك ياباشمهندس طارق كنت عايز أستفسر من حضرتك علي حاجتين انا معايا لانسر بومة اتوماتك 1300 سي سي بضمان مصرية وعاملة لحد دلوقتي 15500 ك وبقالها معايا سنة و4 اشهر وعملت صيانة الألف كيلو وصيانة العشرة الاف فاكنت عايز اعرف بالنسبة لتغيرزيت الأتوماتك هل بيتغير بالمدة ولا بالكيلو وفي حالة عربيتى المفروض اغيرة امتي وكنت عايز اعرف من حضرتك حاجة تانية انا بركن عربيتي بالأسبوع مابدورهاش هل دة في ضرر علي البطارية (البطارية الأصلية اللى نزلة مع العربية )او علي حاجة تانية في العربية ولو مفيش ضررممكن اسيبها قد اية من غير ماأدورها معلش انا طولت علي حضرتك ربنا يباركلنا فيك وكل عام وانت بخير

تغيير زيت الفتيس الاوتوماتيك بيكون كل 40 ألف كيلو متر

مفيش مشكلة من تدوير العربية مرة كل اسبوع بس مش اكتر من كده وتدور ربع ساعة على الأقل او تعمل بيها مشوار