انت تسأل وإستشاري منتدى متسوبيشي يجيب (2)

**مصراوي جدا** · 21-11-2009 10:34 PM

المشاركة الأصلية كتبت بواسطة mostafa_9128

انا بقي قابلني موقف غريب جدا انا كان معايا لانسر بومه اوتو. 1300 مو 2007 كانت سريعة كنت باوصل بيها ل 180 و كانت بتوصل من صفر ل 100 في 18 ثانية و كنت جايبها زيرو بعد كده بعتها و جبت لانسر بومة 1600 اوتو. cvt مو 2008 خليجي زيرو برضة دي بقي ابطأ من 1300 بمراحل اخرها 160 بالعافية و بتجيب من صفر ل 100 في 20 ثانية يعني 1300 اسرع من 1600 !!!!
هو يعني ده كده طبيعي ولا لأ
و شكرااااااا
و هزود حاجة تانية ان ال 1300 كان فيها abs ال 1600 مافيهاش !!!!
هو ده بردو عادي انا اسمع ان ال1600 كلها فيها abs

لأ مش طبيعي طبعا بدليل الموضوع ده
http://www.nilemotors.net/Nile/107196-a.html

حضرتك ممكن تجيبها التوكيل نكشف عليها لو حاسس انها مخنوقة ومش بتسحب

كل 1600 فيها abs لو مصري انما ممكن خليحي مفهاش

**maspeero** · 22-11-2009 06:10 PM

ألف شكر يا باشمهندس طارق على النصيحة ، أنا حضور على عفشجي يكون متجرب من حد من أصدقائي
وبالنسبة للتعلية طالما هي مش أصلي يبقى مش حاعمله عشان أكيد حتبوظ حاجة تانية أو حتأثر على الثبات أو السحب

**مصراوي جدا** · 22-11-2009 09:47 PM

المشاركة الأصلية كتبت بواسطة Cavallero

سلام عليكم

موضوع جميل جدا ومفيد للناس الجديدة اللي زي حالاتي
انا عندي استفسار واتمني الأفادة

انا قررت ان شاء الله اجيب كريستاله فا كنت عايز اهل الخبرة يفيدوني بأسعارها دلوقتي في السوق عاملة ازاي ؟ هل هي اختيار موفق ولا في عربيات احسن بالنسبة لواحد هتبقي دي اول عربية ليا ان شاء الله ؟ قطع الغيار متوفرة وبأسعار معقولة ولا غالية ؟

متشكر جدا

اهلا وسهلا بيك معانا في المنتدى
اعتقد سعر الكريستالة دلوقتي يتراوح من 42 الى 50 حسب الحالة والكماليات والمواصفات
وهي باذن الله اختيار موفق وكمان سعر اعادة البيع لها عالي
قطع الغيار متوفرة باذن الله سواء الأصلي او الياباني والكوري والتايواني والصيني
لمزيد من التفاصيل عن العربية
http://www.nilemotors.net/Nile/41066-a.html
وبالتوفيق

**mwessal** · 24-11-2009 01:16 PM

أستاذ طارق
بعد التحية كل عام و حضرتك بخير
للأسف أنا ذهبت لتوكيل مجدي شاهين قبل رؤية الرد من حضرتك و عملت صيانة الخمسين ألف غيروا زيت و فلتر و بوجيهات و فلتر هواء و تيل فرامل فقط و سألت عن فلتر البنزين قالولي انه بيتغير كل 80 ألف مع الطلمبة بالكامل هل هذا صحيح و قالولي ان مجموعة السيور بـ810 هل هذا صحيح مش عاوز اطول علي حضرتك بس في 3 أسئلة ممكن تجاوبني عليهم...
1- العربية مخنوقة جدا و صوتها عالي حتي بعد الصيانة و تغيير فاتر الهواء.
2- تغيير موتور الزجاج الخلفي شمال سعره كام؟
3- زرار الانتظار الموجود في التابلوه اللمبة السفاية بتاعته اتحرقت و لفيت كتير مش لاقيها طب إيه الحل هل اغير الزرار كله و ياتري بكام و باللمبة ولا ايه؟

أحب أشكرك جدا علي تعبك معانا و بفكر في صيانة الـ 60 ألف أجيلك من اسكندرية ايه رأيك؟!
و أحب اقولك إن ربنا يجزيك خير علي مجهودك معانا و أحب أهديك الموضوع التالي:

وأن الله في عون العبد ما دام العبد في عون أخيه
فلئن تقضي لأخيك حاجة كأن تعلمه أو ترشده أو تحمله
أو تقرضه أو تشفع له في خير أفضل عند الله من ثواب اعتكافك شهرا كاملا فعن عبدالله بن عمر ما أن رسول الله قال :
( أحب الناس إلى الله أنفعهم ، وأحب الأعمال إلى الله عز وجل سرور تدخله على مسلم ، أو تكشف عنه كربة ، أو تقضي عنه دينا ، أو تطرد عنه جوعا ولأن أمشي مع أخي المسلم في حاجة أحب إليّ من أن اعتكف في المسجد شهرا ومن كف غضبه ستر الله عورته ومن كظم غيظا ولو شاء أن يمضيه أمضاه ملأ الله قلبه رضا يوم القيامة ومن مشى مع أخيه المسلم في حاجته حتى يثبتها له أثبت الله تعالى قدمه يوم تزل الأقدام
وإن سوء الخلق ليفسد العمل كما يفسد الخل العسل )
رواه الطبراني في الكبير وابن أبي الدنيا وحسنه الألباني في السلسلة الصحيحة .

**مصراوي جدا** · 25-11-2009 09:15 AM

المشاركة الأصلية كتبت بواسطة ebhhu2

السلام عليكم يا بشمهندس طارق.
أنا جيبت عربية لانسر 1300 مانيوال من حوالى شهر و لسه فى فترة التليين (عامل بيها 700 كم) بس فى صوت بسمعه أحيانا فى عصاية الفتيس لما بدي الغيار الاول (صوت تزييقة) الغيار بيزيأ يعنى. بس مش عارف أعمل ايه علشان الصوت ده مضايقنى و قلقنى عشان العربية لسه زيرو. أرجو الافادة يا بشمهندس و لك جزيل الشكر.
حازم حسين

حضرتك ممكن تجيبها التوكيل في صيانة الألف أو حتى عند 900 مثلا (يعني بعد العيد باذن الله) ويتم الكشف عليها ومهندس الاستقبال يجربها وباذن الله بسيطة

التوكيل اجازة من الخميس للأحد وأول يوم شغل هو الاثنين بعد العيد

**مصراوي جدا** · 25-11-2009 09:49 AM

المشاركة الأصلية كتبت بواسطة mwessal

أستاذ طارق
بعد التحية كل عام و حضرتك بخير
للأسف أنا ذهبت لتوكيل مجدي شاهين قبل رؤية الرد من حضرتك و عملت صيانة الخمسين ألف غيروا زيت و فلتر و بوجيهات و فلتر هواء و تيل فرامل فقط و سألت عن فلتر البنزين قالولي انه بيتغير كل 80 ألف مع الطلمبة بالكامل هل هذا صحيح و قالولي ان مجموعة السيور بـ810 هل هذا صحيح مش عاوز اطول علي حضرتك بس في 3 أسئلة ممكن تجاوبني عليهم...
1- العربية مخنوقة جدا و صوتها عالي حتي بعد الصيانة و تغيير فاتر الهواء.
2- تغيير موتور الزجاج الخلفي شمال سعره كام؟
3- زرار الانتظار الموجود في التابلوه اللمبة السفاية بتاعته اتحرقت و لفيت كتير مش لاقيها طب إيه الحل هل اغير الزرار كله و ياتري بكام و باللمبة ولا ايه؟

أحب أشكرك جدا علي تعبك معانا و بفكر في صيانة الـ 60 ألف أجيلك من اسكندرية ايه رأيك؟!

شكرا لكلماتك ربنا يوفقنا جميعا في قضاء حوائج الآخرين

- فلتر البنزين من المستهلكات بيتغير كل 40 ألف أو 50 ألف أما الطلمبة فلا تتغير الا اذا تلفت وهي من القطع المغطاة بالضمان

- مجموعة السيور :
- سير باور 88 ج
- سير دينامو 66 ج
- سير كاتينة 198 ج
- بلية شداد 237 ج
- اويل سيلات 72 ج

ويتم تغييرها في صيانة الثمانين وباقي التفاصيل موجودة في الموضوع المثبت عن تفاصيل الصيانات من الألف الى الأربعين

- موضوع العربية مخنوقة وصوتها عالي لازم يتم الكشف عليها لتحديد المشكلة انما مبدئيا ممكن بس تتأكد من تركيب فلتر الهواء بشكل صحيح ربما العامل لم يركبه في مكانه بالظبط

- موتور الزجاج الخلفي سعره 690 جنيه + 10% وغير موجود حاليا (انا بحثت برقم شاسيه عربية 2006 ) انما لو عاوز تشتريه يا ريت ترسل لي رقم الشاسيه كاملا للتأكد من رقم الصنف بالظبط

- بخصوص مفتاح الانتظار فاللمبة فقط هي التي تتغير وسعرها 20 جنيه انما غير موجودة دلوقتي عموما بعد العيد مباشرة باذن الله في طلبية قطع غيار كبيرة هتوصل

- في صيانة الستين لو تحب تشرفنا في مركز الخدمة الرئيسي في قليوب اهلا وسهلا وشوف حضرتك معملتش ايه من الأساسيات اللي في صيانة الأربعين وتتعمل باذن الله الى جانب الصيانة العادية