الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة heka_m_y

شكرا على رد حضرتك يا باش مهندس يا جميل ياللى منور المنتدى بمعلوماتك وخبرتك التى لا تبخل بها عنا وعلى فكرة أنا راسلت حضرتك قبل كده فى نفس المشكلة أيام ما كان عندى المكواة وعندى سؤالين لو تسمح :

أولا : انا من اسبوعين لما فكرت اشترى عربية جديدة ماكنش معايا اكتر من 100 ألف جنيه يعنى هاجيب مانيوال ففكرت 1600 ولا 1300 ففكرت طالما العربية مانيوال مش هاتفرق كتير 1300 عن 1600 بالاخص ان 1300 نزلة باعتاب واوكر نيكل وانا كان معايا مكواة 1300 وكان سحبها كويس مع العلم وحضرتك أعلم بذلك انها كانت كربراتير فطبعا الانجيكشن هايفرق فقلت هادفع 10 الاف جنيه علشان 300 سى سى فقط وطبعا abs فجبت 1300 فول اوبشن مانيوال نبيتى فرش بيج وانا مش من هواة القيادى بسرعة 180 مثلا يعنى فى الظروف العادية 100 أو 120 وعند السفر 140 مثلا فسؤالى حضرتك انا اتصرفت صح أم خطأ هذاا سؤوالى الاول .

هو بالتأكيد 1600 اقوى من الـ 1300 انما طالما حضرتك جبت مانوال فهي كويسة في السحب وافضل بكتير من ال1300 اوتوماتيك وكمان طالما انك لست من هواة الجري بسرعات عالية جدا فبالتأكيد العربية مناسبة وخاصة ان استهلاكها في البنزين اقل وافضل من الـ 1600 ومبروك العربية

ثانيا : انا جبت لانسر يا باش مهندس علشان أنا حفظت كل شىء فيها واكتسبت خبرة مش بطالة بالاخص انى عرفت علاج الصوت المزعج اللى بيظهر فيها بعد أن صرفت كتير جدا جدا وعرفت ان لما عربيتى تقدم شوية ويحصل الخلوص اللى فى علبة الدريسكيون ابقى اركب بستم فايبر اللى انا كتبت عنه مكان البستم الحديد وخلاص وتتحل المشكلة فسؤالى لحضرتك هو البستم الفايبر ده وعلى ما سمعت بينزل فى التويوتا بيتاكل ولا عملى وهايعيش فى العربية وهو صح أم خطأ مع أنه فعلا بيشيل الصوت ده يا باش مهندس .

والله انا رأيي حضرتك تنسى موضوع صوت علبة الدركسيون ده لأنه بيحصل في حالات معينة وهي عين القط مع اللف يمينا او يسارا يعني وضع معين نادر الحدوث غير كده العربية تمام ومفيش اي صوت والأفضل عدم تغيير حاجه فيها الا لما تقدم أوي

ثالثا : كنت عايز أعرف هو لو مشيت على سرعة 150 مثلا لمسافة طويلة 200 كيلو مثلا ده بيبوظ الماتور مع العلم انى حاسس بفرق بين عربيتى والمكواة وهو انى لما كت بجرى بالمكواة على 100 كان ال/ ار بى ام يكون على 8ر2 أم بالعربية الجديدة فال/ ار بى ام بيكون عالى يعنى لما بجرى على 100 يكون على 3 مش عارف ليه وده طبعا مع كل الغيارات مش الخامس بس الـ ار بى ام أعلى من المكواة باختصار اما كنت بجرى بالمكواة على 140 مثلا كان الـار بى ام مثلا يعنى على
5ر4 اما الان فهيكون على 5ر5 ومش عارف ليه مع العلم ان ال ار بى ام والعربية واقفة بيكون تحت واحد بشرطة يعنى على 800 لفة .


أسف على الاطالة يابش مهندس .

انا عرضت السؤال التالت ده على مهندسي الورشة في التوكيل وقالوا ان المشي على سرعة 150 لمسافة 200 كيلو لا يضر ان كان كل شيء في العربية مظبوط

اما فرق الrpM يجب مقارنته بعربية مثلها في المواصفات والموديل والانجكشن ونشوف فيه فرق ولا لأ وبعدين اذا كان فيه فرق نقدر نحدد سببه من الكشف على العربية