الموضوع: انت تسأل وإستشاري منتدى متسوبيشي يجيب (2)

السلام عليكم كنا عاوزين نعرف اسم الزيت ايه ؟وطبعا حضرتك تقصد بالزيت الاخر mobil وشكرا

المشاركة الأصلية كتبت بواسطة مصراوي جدا

الصيانات الدورية بتكون كل 10 آلاف كيلو وسواء للانسر البومة او الشارك فيه موضوع مثبت عن تفاصيل مكونات الصيانات الدورية :

http://www.nilemotors.net/nile/46165-a.html

بتكون فيه صيانة الأربعين هي اول صيانة كبيرة بتتم للعربية بيتم فيها تغيير الآتي :
- زيت محرك وفلتر زيت
- فلتر هواء
- فلتر بنزين
- بوجيهات
- زيت الفتيس

فكل دي حاجات مهم انها تتغير دلوقتي عند حضرتك

من موضوع الصيانات الدورية المذكور هتلاقي حضرتك صيانات فردية وصيانات زوجية وصيانة 40 وصيانة 80


الصيانات بعد كده تكرار أو مضاعفات بمعنى :

صيانة 80 ألف هي نفسها صيانة مضاعفاتها 160 و 240 و 320 ألف كيلو

صيانة 40 ألف هي نفسها صيانة مضاعفتها (بدون التمانينات) أي هي نفسها 120 و 200 و 280 ألف كيلو

الصيانات الفردية العادية هي :
10 - 30 - 50 - 70 - 90 - 110 - 130 - 150 - 170 - 190 - 210 - 230 - 250 - 270 - 290 ...............

الصيانات الزوجية العادية هي :
20 - 60 - 100 - 140- 180 - 220 - 260 - 30

الف شكر على اهتمام حضرتك ... واسف للازعاج

السلام عليكم باشمهندس طارق

من فضلك عندي ليك سؤالين بخصوص سياره احد اقربائي لانسر 1600 اتوماتيك عاديه 2006

1- السياره مع كسر الدركسيون اقصي الشمال يسمع صوت من ناحيه العجله اليمين طقه عاليه ولكنها طقه واحده مش طقتقت كبلن...ولنفس العجله( اليمين) عند الفرامل يسمع صوت رفه عاليه في الطنبوره اليمين رغم انه غير الطنابير بس زي مايكون في حاجه في المقص او الجلب يمكن تكون ضغطه خطاء علي الطنابير او الفرامل و ده غير صوت التزيق مع لف الدركسيون ؟؟؟؟؟؟؟؟

2- السياره تسخن لما يمشي مشوار طويل او يظل علي سرعه عاليه لفتره طويله...علما ان حاله الردياتير والطرنبه و القريه جيدين...مشكله مروحه ولا ترموستات ولا ايه بالظبط يسال عليه لما يروح يكشف؟؟؟؟؟

ارجو منك الافاده للضروره القصوي لو سمحت ......شكرا وجزاك الله خير الجزاء

مهندس طارق العزيز المتعاون

انا عندى الحاجات اللى فى العفشة الامامية كلها تقريبا عاوزة تتغير زى:

برات الدريكسيون
المقصات
بلى العجل الامامى
قاعدة الفتيس الكاوتش
كاوتش الميزان
الجلب
البطاحات
تيل فرامل امامى
مساعديين خلفى

و يا ريت بعد ازنك اعرف سعر الحاجات دى فى التوكيل

سوال اخر هل يوجد كمبيوتر لضبط ماتور 98 كاربراتير و الماتور و ما هو تكلفته

و شكرا لك
و كل عام و انتم بخير جميعا

كل عام و حضرتك بخير و دايما في أحسن حال

كنت عاوز أسأل حضرتك يا تري لمبة مفتاح الانتظار بومة 2006 وصلت ولا لسه لأن كمان لمبة مفتاح تغيير درجة الإضاءة اتحرقت و هي لمبات صغيرة جدا و بدويل و لفيت عليها اسكندرية كلها يا ريت تفيدني أجيبها منين لو تعرف مكان في اسكندرية؟

سؤال آخر كيف أختبر سحب السيارة جيد أم لا؟

مشكور جدا.