انت تسأل وإستشاري منتدى متسوبيشي يجيب (2)

**مصراوي جدا** · 06-12-2009 11:48 AM

المشاركة الأصلية كتبت بواسطة mohamedmft

سلام عليكم أستاذ طارق
ممكن تفيدني بكل أهتمام أرجوك
انا اشتريت لآنسر 2007 خليجي 1600 كلاسيك كانت عامله 3000 كيلو تقريبا كانت زيرو
ولاكن السياره رأكب فيها وحدة غاز طبيعي بصراحه هي ممتازه خصوصا مع الصيانه الدوريه ولا أجد فرق كبير بينها و بين البنزين غير التوفير الرهيب في الغاز ولاكن السحب ممتاز وكل شيئ مثل البنزين بل اني الاحظ صوت الموتور أهدأ بكثير في الغاز أكاد لا أسمع صوت الموتور في الغاز
بس انا متخوف من ان الموتور يـتاثر مع الوقت او يكون عمره قصير بسبب الغازبرجاء إفادتي وكيف اعرف ان الموتور يكون تأثر بالغاز من عدمه السياره عامله حتى الأن 105000 كيلو
وسؤال اخر
هل الفتيس الأتوماتيك له عند تغير الزيت فلتر ام لا
وكم ثمنه
وشكرا لحسن تعاونك معنا جميعا

اهلا يا استاذ محمد
الحقيقة انا كنت سألت مدير الصيانة قبل كده عن موضوع تحويل اللانسر لغاز (نتيجة سؤال أحد أعضاء المنتدى) ولم يحبذ الفكرة وقال ان المحرك الانجكشن ممكن يضار من الموضوع ده

انما طالما حضرتك العربية عاملة معاك 105 ألف يبقى اكيد التجربة ناجحة واحنا في المنتدى عايزين نعرف تفاصيل التجربة دي وملاحظات حضرتك عليها طول ال100 ألف دول

زيت فتيس الاوتوماتيك ليس له فلتر وانما يتغير الزيت فقط كل 40 ألف كيلو وسعر الكيلو 28 جنيه والعربية تاخد 9 لتر لو اتشفط الزيت منها و 5 لتر لو نزل من الطبة

المشاركة الأصلية كتبت بواسطة sherif0333

السلام عليكم يا استاذ طارق
انا مشترى من سنة لانسر شارك مانيوال مو2008 وواحد صاحبى مشترى معايا بومة 1300 اوتوماتيك المهم احنا عملنا صيامة الالف فى يناير السنة دى 2009 المهم احنا استخدمنا قليل جدا للعربيتين يعنى انا عامل لغاية دلوقتى 8700 كم و صاحبى استخدامة اقل منى عامل حوالى 5000 كم فقط فكنت عايز اعرف هل الصيانة مع الاستخدام القليل دة كل 10000 بردة و لا لا و تانى حاجى ودى الاهم كل الناس بتقولى لازم اتابع البطارية علشان دى سائلة و انا سايبها من ساعة ماشتريتها مبفنحش الكبوت و زي ماحضرتك عارف بطاريك الشارك تقريبا فلتر الهواء معدى من فوقها فاتا خايف اوديها لاى حد بتاع بطاريات يفك اى حاجة و يبوظها فياريت حضرتك تقولى انا اتصرف ازاى

اهلا يا استاذ شريف
هو الزيت والفلتر المفروض يتغيروا كل 10 آلاف كيلو أو سنة واحدة ايهما اقرب يعني في يناير 2010 باذن الله حضرتك تعمل صيانة العشرة آلاف وصاحبك ممكن يغير زيت وفلتر فقط
بشكل عام مهم العربية يتم تدويرها مرة على الأقل اسبوعيا علشان البطارية وفي الصيانة يتم الكشف عليها

**ahmed_nbe** · 07-12-2009 08:20 AM

السلام عليكم
ممكن اعرف لو سمحت اللون الأصلى بتاع العربيه بيتباع فين أو اجود مكان ممكن يتباع فيه اللون انا عربيتى لونها r20 عشام لما بيكون فيها خرابيش أو حكه اقدر اعملها

**مصراوي جدا** · 08-12-2009 10:16 AM

معظم محلات بويات السيارات دلوقتي شغالة بالكمبيوتر وبالتالي بيدخل يعرف كود اللون ومكوناته وبيعملها انما نوعية البوية هي اللي ممكن تفرق. في التوكيل بنستخدم أكزو سيكنز Akzo Nobel Sikkens ،و ديبون DuPont

**مصراوي جدا** · 08-12-2009 11:10 AM

المشاركة الأصلية كتبت بواسطة mgk_tex

السلام عليكم
انا عندى لانسر بومه 1600 اتوماتك اكتشفت ان التكيف السخن مش شغال ممكن اعرف السبب ممكن يكون ايه ؟

بعرض المشكلة على المهندس أحمد عناني مدير الورشة بمركز الخدمة الرئيسي بقليوب قال ان اسباب عدم عمل التكييف السخن متعددة ولتحديدها يجب الكشف على السيارة انما ممكن يكون واير التوجيه وممكن يكون الكويل (سربنتينة التكييف السخن داخل التابلوه)

**ahmed_nbe** · 08-12-2009 11:35 PM

ممكن كمان لو سمحت اعرف اقرب مكان صيانه بالنسبه لحلوان عشان اغير العوامه بتاع البنزين عشان انا سألت فى المعادى قالوا لى انه لا يوجد عوامات عندهم انما يتم تصليحا فقط هل يوجد فى فى رمسيس او وسط البلد مركز صيانه تابع يقوم بتغييرها

**lovedbaby** · 09-12-2009 12:26 AM

أنا عندى لانسر بومة 2007 اتوماتيك خليجى
من يوم ما جبتها ما عملتلهاش اى صيانة (ده طبعا غير الزيت والفلتر وقبل كدة تيل الفرامل)
ممكن أعرف من حضرتك العربية المفروض يتغير ليها ايه حاليا
مع العلم انى حاسس ان اداء العربية بقى اقل شوية فى السحب على السرعات العالية
وممكن سعر الكشف الكامل على العربية فى التوكيل
وأقرب مركز صيانة لمدينة العاشر من رمضان

**mady2007** · 09-12-2009 02:28 AM

المشاركة الأصلية كتبت بواسطة مصراوي جدا

لو العربية مصري بضمان فضمان موديل 2006 و 2007 هو 3 سنوات من تاريخ شراء العربية او 60 ألف كيلو متر

انما من رقم الشاسيه 806996 اقدر اقول انها خليجي لأن المصري رقم الشاسيه 3 او 4 أرقام فقط والخليجي 6 أرقام تبدأ بـ 7 أو 8 والأردني مثل المصري

الخليجي بلدها ايه لا تعرف من رقم الشاسيه وانما من بيانات العربية على القايم الشمال لما تفتح باب السائق هتلاقي حضرتك مكتوب بلد الاستيراد

بعد أذنك لو سمحت مفيش حاجة مكتوبه عندى عند الباب فممكن حضرتك تعرفلى بلدها أيه؟؟
وأكون شاكر فضلك..مهندس/محمد جلال