ظبط التاكيهات غير مرتبط بصيانة كيلو متر معين وانما خلال الصيانات المختلفة اذا لاحظ الفني اللي شغال على العربية (او كانت شكوى العميل) ان العربية متبرجله وصوت المحرك عالي وصوت التاكيهات عالي فبيتم ضبط التاكيهات
عرض للطباعة
السلام عليكم
بالنسبه لموضوع العوامه
معلش انا آسف بس انا انهارده ذهبت الى الرواس اللى فى ش عبدالخالق ثروت دخلت وقلتله انى رحت بنزينة المعادى وان فنى الصيانه ركب حديده على العوامه وبرده متصلحتش قال لى ان احنا معندناش مركز خدمه فى المعادى رد واحد تانى قال ده فى مركز فى المعادى راح منادى على الكهربائى وابتدى يشتغل فى العوامه وقال لى الشغل اللى عملته فى المعادى غلط غاب شويه وقال لى كده خلاص ثم قال لى الحساب 40 جنيه قلت له ازاى ده انا فى الضمان قال لى ملناش اى ارتباط بتوكيل مصريه راح مخليهم 30 جنيه بحيث انى أعطى أكراميه للعامل وقالهالى بنفسه اللى ماسك المكان هناك ومشيت من هناك ولقيت نفس العيب موجود لأنه بيظهر تقريباً بعد شويه من السير بالسياره على فكره رقم الفاتوره 17778 بتاريخ 10/12/2009 أمر التشغيل 17 كان الساعه 9.56 اللى عايز اعرفه الكلام اللى حصل ده صح وأعمل ايه مع العلم ان موجود فى الموضوع المثبت ان المركز اللى انا ذهبت اليه من ضمن المراكز الخدمه المعتمده
شكرا" لاهتمامك طيب الاسعار فى التوكيل ايه وضيف طبعا المروحتين التبريد والتكييف يمكن اقدر اجيبها وشكرا جزيلا"
أولا أنا باشكر حضرتك يا باش مهندس طارق على المشاركة مع انى حاسس من رد حضرتك أنك مش راضى عن كلامى أو يمكن فهمت كلامى غلط وزعلت منه مع العلم انى لم أقصد أنى أعيب السيارة لا سيما انى بعد ما بيعت المكواة اشتريت بومة ولو أنا شايف ان العربية وحشة أوى ماكنتش اشتريتها زى ما قلت حضرتك ومش معنى انى بذكر عيوب العربية علشان أعرف اعالجها انى بعيب فيها ومفيش حاجة كاملة ولكن لو تسمحلى ليه ردود على حضرتك ويا ريت ترد عليا فيها والموضوع مش موضوع شد وجذب أنا بحب العربية دى جداجدا ومكانش قصدى انى اعمل الموضوع لهذا الغرض ولكن يعلم الله ان كان قصدى انى أشوف بعض الحلول من الاخوة الاعضاء علشان أعملها فى عربيتى وعربيت واحد قريبى كان عنده بعض الشكاوى اللى ذكرتها قيا ريت ياباش مهندس ترد على تعليقى على رد سيادتك .
أولا : حضرتك قولت ان اليابان حسنت العزل فى الشارك وان العزل فى البومة مش كويس يبقى ازاى البومة بتنتجها اليابان بقالها سنين والعزل فيها مش كويس ولسه محسناه فى موديل مش كل الناس مقبلة عليه .
ثانيا : موضوع علبة الدريكسيون كتير اشتكوا منه بلاش نتكلم عن حد هاتكلم عن نفسى حضرتك بتقول انه بيحصل فى حالات نادرة طيب ازاى بيحصل فى عربيتى فى معظم المطبات لو كاسر الدريكسيون أو فى العدل مع العلم ان عربيتى عاملة 1800 كيلو فقط فيعنى مش فى الحالات النادرة ولوحضرتك مش مصدقنى يبقى أحضر للتوكيل عند حضرتك واكشفوا على السيارة وجربوها وخالولى الصوت يحصل فى الحالات النادرة وانا هابقى راضى عن ذلك ويا ريت اجى التوكيل وتحللى المشكلة دى يا باش مهندس .
ثالثا : انا باعتذر علشان ذكرت موضوع الفرامل لانى بصراحة محستش بالمشكلة دى وان كنت ذكرتها علشان قرأى زى ما قلت حضرتك بعض المشاركات ولقيتهم بيشتكوا منه فأنا بعتذر .
رابعا : موضوع ثبات السيارة برده لما هاجى لحضرتك التوكيل ظبتها وجربها وانا راضى عن رأيك لانى بثق فحضرتك جداجداجدا جدا .
خامسا : موضوع الرعشة وهو بيحص لعربيت قريبى انا بعتذر عنه لانى لما هاشتكى من حاجة بعد كده هاتكلم عن عربيتى فقط .
سادسا :انا مصمم ان استهلاك البنزين فيها عالى .
سابعا : موضوع العفشة حضرتك بتقول وانا والله ما أقصد أن أزعل حضرتك ان العفشة الناعمة بتدمر بسرعة طيب يبقى أعمل أيه فى عربيتى اللى عفشتها ناعمة .
ثامنا : موضوع اللمبة اللى حضرتك عمرك ما سمعت عنه حضرتك ممكن تسأل فى قسم المبيعات فى التوكيل زى ما أنا سألت فى فرع جسر السويس أن لو لمبة من التابلوه اتحرقت هل عندهم لمبة فيها الطربوش زى اللى بينزل فيها أصلى واللى بييديها اللون الاخضر المبيض شوية ده بتاع التابلووه ولا معندهمش غير لمض بيضة من غير طاربوش ولو حطتها هايتغير لون التابلوه .. يا ريت تسأل يا باش مهندس وانا لا أقصد اى شىء يمكن حضرتك لم تتعرض لموقف زى ده قبل كده .
تاسعا : حضرتك قولت أن قواعد الماتور عليها ضمان 100000 الف كيلوا يعنى لو اتقطعوا قبل 100000 الف كيلو هاغيرهم عندكم ببلاش .
وعلى فكرة انا عندى صوت من الزجاج الامامى ومش هاقول تانى انه عيب فيا ريت حضرتك تبقى تشفهولى فى التوكيل لما اجى وتجربوا العربية وتخلوا صوت علبة الدريكسيون يحصل نادرا .
انا مستنى رد حضرتك يا باش مهندس طارق وعلى فكرة أنا مستنى ردود حضرتك علشان أعملها فى السيارة علشان أحبها أكتر وابقى حابب قيادتها والله دى نيتى وده قصدى من الموضوع كله .
فى انتظار رد حضرتك .
استاذ طارق
انا عربيتي 1600 موديل 2007
انا غيرت الزيت و الفلتر بس الي حط الزيت حط الجركن كله (موبيل وان) بعد كدا لما جيت ابص علي مقاس الزيت لاقيته معدي الmaximum بحته كبير هل اسيبه كدا و لا اروح اي بنزينة اشفط شوية و لو هاشفط اشفط قد ايه بالزبط و بعد كدا المفروض احط كام ليتر بالزبط بالفلتر و من غيره . وشكرا
أنا بطلب من حضرتك طلب ولو عملتهولى هبقى سعيد جدا جدا جدا جدا جدا جدا وهو انى اكتشفت عن طريق سيارتى القديمة المكواة ان لما بفك الصمولة اللى فى علبة الدريكسيون والى وظيفتها لما تربط عليها تتقل الدريكسيون ولما تفكها سنه يخف الدريكسيون (الرجلاش) بيقى تحتها بستم حديد صغير وده اللى بيمسك العمود الصلب (المشرشر) اللى جوة العلبة فغيرت البستم ده وجبت أخر فايبر تقريبا بتاع تويوتا تقريبا وربط الصامولة تانى وده كله من غير ما يفك العفشة خالص الصامولة دى بتبقى باينة من تحت السيارة والصوت راح خالص ولكن بعد المشى 2000 كيلو بيرجع بسيط وده طبيعى علبان علشان بتكون العلبة أخذت الخلوص بتاعها فبرجع للراجل تانى يربط على الصامولة سنه صغيره ولم أسمع الصوت اللى قارفنى ده أخرى بتاتا .. فطلبى من حضرتك وانا عارف انى تقلت على حضرتك انك تكللملى مدير التوكيل فى قليوب وانا على فكرة قابلته مرة قبل كده أول ما اشتريت العربية القديمة علشان نفس العيب وتستأذنلى منه انى اجيب البستم ده جديد وعلى فكرة هو هو نفس المقاس بالرقم زى اللى فيها بس فايبر واركبه فى التوكيل تحت مسؤولتى وأتحمل المصاريف عشلان السيارة ماتخرجش من الضمان وحضرتك لو لبيت طلبى هذا مش عارف أقول لك أنا هابقى مبسوط وسعيد ازاى بل مش عارف أقدر أشكرك إزاى وأبقى ممنون لسيادتك جدا جدا جدا جدا جدا جدا ... منتظر رد حضرتك .
الأستاذ العزيز / طارق
السلام عليكم و رحمة الله
ذهبت قبل العيد لعمل صيانة الخمسين ألف عن توكيل مجدي شاهين بالأسكندرية و تم تغيير الزيت و الفلتر و البوجيهات و زيت الفتيس و فلتر الهواء و تيل الفرامل مع العلم إني مكنتش بشتكي من الفرامل خالص بس بعد تغيير التيل بسمع صفارة عالية جدا عند الرجوع للخلف فذهبت مرة ثانية و اشتغلو في العربية ساعتين و قالولي تمام بعد كده وجدت نفس الصوت فذهبت مرة ثالثة و بعديها لقيت الفرامل خفت شوية و بعد يومين وجدت نفس الصوت و الصفارة بقت مع السير للأمام و الرجو للخلف .
من فضلك ممكن توضحلي المشكة من ايه و ايه الحل و ازاي أتصرف معاهم؟
جزاكم الله خيراً على المتابعه بس ممكن اعرف لو سمحت اتابع مع حضرتك أزاى بالنسبه لمدير الصيانه لأنى أعمل والأسبوع ده أنا واخد أجازه وهذه فرصه بالنسبه لى وشكراً
مع العلم أنى معترض على هذه الطريقه لأن المفروض أن المراكز اللى انا ذهبت أليها كان يقول لى أذهب الى المركز الرئيسى وميصلحش فيها أى حاجه ومكنتش أدفع حاجه
البومة بتاخد 3 وتلت لتر بالظبط مع تغيير الفلتر ولذلك 4 لتر كتير عليها وطالما بتحط موبيل وان فيجب تغيير الفلتر كل 10 آلاف كيلو مع الزيت
انا كلمت مدير الصيانة النهارده وقال لي ان موضوع علبة الدركسيون اليابان لا تعتبره عيب ولذلك فهي لم تعدله في موديلاتها الحديثة المنتجة حتى الآن
ولم يوافق على عمل اي تعديل في علبة الدركسيون وقال ان اي شغل بيتعمل في العربية بره التوكيل او تركيب قطع غيار مش اصلية بيخرجها بره الضمان
صوت الصفارة خاصة عند الرجوع للخلف سببها ان التيل محتاج كلبس او ما يسمى صاجة تيل انما لو التيل اصلي يبقى كويس ومش محتاج يتغير بسبب الصفارة دي وطبعا شكل التيل هو اللي يحدد محتاج يتغير ولا لأ
ممكن حضرتك تتصل بالصفوة او المأمون (هما المراكز المعتمدة في الاسكندرية) بحيث اذا كانت صاجة التيل موجودة عندهم يقوموا بتركيبها
مدير الصيانة النهارده قال لي انه مش هيكون موجود بكره في قليوب فممكن باذن الله تشرفنا الاثنين بعد بكره وانا هاكون مع حضرتك نقابله ونحل الموضوع
ياريت حضرتك ترد على الموضوع بتاعى يا بشمنهدس محتاج رايك ضرورى http://www.nilemotors.net/Nile/110622-a.html