الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة meromar

السلام عليكم باشمهندس طارق..كنت عاوز اسال حضرتك سعر الفانوس الخلفى للانسر شارك كام وهل نزل منة شفاف ولالا انا لقيتة هنا فالسعودية شفاف وسعرة حوالى 2200 ريال من عند العيسائى وكيل ميتسوبيشى فالمملكة طبعا دة سعر الطقم كامل (اتنين فانوس كل فانوس 2 قطعة) بس بصراحة الفانوس الشفاف شكلة جميل اوى وشيك جدااااااا وكمان لقيت سعر الاسبويلر الاصلى حوالى 1000 ريال سعودى يعنى 1500 جنية مصرى طبعا سعرة جميل بالنسبة لمصر لانة عند حضرتك ب3000 جنية ولقيت عندهم بصراحة حاجات جميلة اوى من زيوت ومنظفات ميتسوبيشى اصلية باسعار رخيصة جدا وماية خضرا الجركن الكبير اصلى بيعمل 40 ريال ومنظف البنزين ب30 ريال هل الحاجات دى موجودة عند حضرتك فالتوكيل ولا اجيبها من برة وشكرا جدا لحضرتك

الفانوس الخلفي لانسر شارك مفيش منه شفاف في مصر وهو قطعتين سعرهم مع بعض 983.4 جنيه شامل ضريبة المبيعات يعني اليمين والشمال 1966.8 جنيه يعني ارخص من السعودية بكتير

السبويلار طبعا السعودية ارخص انما اتأكد انه الأصلي

منظف البنزين بـ61 جنيه شامل ضريبة المبيعات
ومش بنجيب ماية خضراء وانما بنستخدم مياه موبيل

المشاركة الأصلية كتبت بواسطة onsi

المهندس طارق
اية الفرق بين برباريز اللانسرالامامى م 2008 الشكل القديم داخل التوكيل اللى ب 1700 جنية وما بين الاسعار خارج التوكيل علما ان هناك حوالى ثلاث انواع بثلاث اسعار ارخصهم ب 350 اللى يتفتت عن الانكسار وبعدية 450 مصانع د جريش ثلاث طبقات وهذا نوع جيد وبعدين 700 وهو نفس نوع بالظبط وعلية ختم اللانسر وصنع فى اليابان بس فى ناس بتقول انة مضروب يعنى ممكن اى حد يطبع الختم فيا ريت نصيحة على النوع الاخير اصل حرام ان الواحد يدفع 1700 جنية ف زجاج ممكن اى طوبة تشرخة تانى بعد مطلع من التوكيل على طول
وسؤال رخم شوية لو عربيتك وازجاج لا قدر الله حصلة ذلك هتعمل اية؟ واية رايك فى زجاج د جريش ؟ وشكرا لوقتك.

الزجاج اللي في التوكيل وارد اليابان من شركة ميتسوبيشي اما اللي في السوق المصري فمش عارف مصدره ايه وصناعة ايه وده مش اقلال من شأنه انما اللي جربه هو اللي يقول كويس ولا لأ

بشكل عام المفروض التأمين بيتحمل الزجاج المكسور زي باقي اجزاء العربية الخارجية لو اتعرضت لأي حادث

المشاركة الأصلية كتبت بواسطة w_t_a_e

انا لسه مشترى لانسر 2001 (المكوه ) ولما اشتريتها صاحبها قاللى ان الكربراتير عاوز يتظبط المهم روحت عند واحد بتاع كربراتيرات وعمل فيها اللى عمله ولسع منى 130 جنيه وطلعت اجرب لقيت العربيه وحشه قوى بل انها اسوأ من الاول بكتير ومخنوقه وبتجيب ال70 بالعافيه وبتقطع كأنى راكب جمل رجعتله لعب فيها تانى وقاللى ان الكربراتير لازم يتغير ومشيت لقيت الخنقه خفت شويه وروحت لقيت العربيه بتعمل معايا 100 كيلو فى الصفيحه المهم روحت لواحد تانى برده بتاع كربراتيرات ظبط العربيه وخلاها على الشعره
بس لما روحت غيرت سير الكاتينه وظبط التاكيهات العربيه بقت تدور بالعافيه وساعات ماترضاش تدور خالص ومش زى الاول وفيها خنقه بس بسيطه واستهلاك البنزين بقى عالى تانى
مع العلم انى غيرت فلتر بنزين وبوجيهات
اعمل ايه بالله عليك واروح لمين

تم عرض السؤال على المهندس عبد الجليل في مركز الخدمة الرئيسي وقال :
يمكن الرجوع للميكانيكي الأخير اللي استريحت في المعاملة معاه ، وان كانت الفترة بسيطة ما بين ضبط المحرك في المرة الأخيرة وضبط التاكيهات مع سير الكاتينة فهنا يكون السبب في عدم ضبظ التاكيهات بصورة صحيحة ، وممكن يكون تم التلاعب في الكربراتير عن طريق الميكانيكي الأخير
على العموم ارجع له تاني واحكي له نفس القصة اللي حصلت معك
وان لم تجد استجابة او عدم اطمئنان له فيمكن الرجوع لنا للكشف على المحرك وضبطه

المشاركة الأصلية كتبت بواسطة hishamkenawy

ازيك ياباشمهندس
لو سمحت استفسار بئالى فترة لما اروح مركز الرواس واسئل عن ضبط محرك (كربايتير 1300) يقولى الجهاز بايظ رحت فرع وسط البلد وفرع الكتكات ونفس الاجابة هى هى الجهاز بايظ هما لغو الجهاز ولا اية وياريت اعرف ممكن اضبط المحرك فين ويتكلف كام وشكرا

تم عرض السؤال على المهندس عبد الجليل في مركز الخدمة الرئيسي وقال :
ممكن الرجوع لنا بالمركز الرئيسي بقليوب وضبط المحرك (الكربراتير) في حدود 55 جنيه بدون قطع غيار حيث أن كل بند له ثمنه وكذلك لو احتاج الأمر الى تغيير طقم اصلاح كربراتير أو خلافه
على العموم يمكنك الحضور لمركز الخدمة الرئيسي ويتم الكشف وابلاغك بكل شيء قبل بدء أي خطوة

المشاركة الأصلية كتبت بواسطة tazzazy

i need to know the optimum RPM speed for the life of the motor, lancer 2008 1300CC

RPM at idling speed = 750-850 RPM

RPM at driving = 2500 - 3000 RPM

المشاركة الأصلية كتبت بواسطة miciohab

استاذ طارق
السلام عليكم
انا اسف للازعاج
سيارتى لانسر 1300 مو 2005
انا عملت صيانه ال 50 الف وبعد ما خرجت من التوكيل فى عبد الخالق ثروت حسيت ان العربيه ماشيه بطىء
المهم انى مكانش عندى وقت خالص ارجع
هما مغيروش البوجيهات
اخيرا العربيه بدات تنتش منى
يعنى اكون ماشى احس انها بطيئه و مبتسحبش كالعاده قبل الصيانه وممكن احس انى بدوس بنزين لكنها مش بتمشى لمده ثانيه يعنى
هل ده عيب بنزين و لا عيب بوجيهات عايزه تتغير
واسف للازعاج ويارب يخللى حضرتك لينا كلنا
احمد

تم عرض السؤال على المهندس عبد الجليل في مركز الخدمة الرئيسي وقال :
اولا : عند خروجك من قسم الصيانة وقابلتك مشكلة معينة في الصيانة ولم يكن عندك وقت للرجوع مرة أخرى للتوكيل فمن الأفضل ان تتصل بهم تليفونيا لتحتفظ بحقك وتبلغهم بالمشكلة لبحث المشكلة حيث تكون قد سجلت لديهم المشكلة في حينها
ثانيا : عدم تغيير البوجيهات عند 50 ألف كيلو لا يسبب المشكلة التي تتحدث عنها بدليل انك ذهبت للصيانة ولم تكن المشكلة موجودة أصلا
اما مشكلة التنتيشة وعدم السحب فيمكن الرجوع لمركز الصيانة مرة أخرى لبحث المشكلة وفحصها
حيث ان لها اسباب عديدة

المشاركة الأصلية كتبت بواسطة medotohamedotoha

بعد ازن حضرتك سوري لو سوالي بايخ انا اشتريت لنسر الشكا القديم و بقالي شهر بيركب معايا واحد وزنة فوق ال100 كيلو والكرسي حاسس انة ريح سنة هل دا ممكن يحصل بعد 16 مرة بس ركب فيها و كمان ما الحل ؟ هل الشمس ممكن تعيدة الي السابق اسف علي سوالي بس ارجو الرد يا بشمهندس و شكرا

تم عرض السؤال على المهندس عبد الجليل في
مركز الخدمة الرئيسي وقال :
من المعروف ان كراسي السيارات مبطنة بالاسفنج الصناعي وتكرار الحمولة الزائدة عليها ممكن تسبب ان يهبط قليلا وهذا شيء طبيعي .. والشمس ليس لها علاقة باعادته الى حجمه الأصلي السابق

المشاركة الأصلية كتبت بواسطة omaroof

اخى العزيز استاذ طارق

عندى عربيه لنسر 2001 خليجى ظهرت فيها مشكله وهى عند تشغيل التكييف المفروض فيه قطعه الكترونيه مسئوله عن ضخ البترول بكميه مناسبه حتى لا ينزل عداد الريس وهذه القطعه اعتقد انها باظت وطبعا اكثر من ميكانيكى يقول لازم تنظيف الانجكشن وطبعا نظفته ولا تحسن فى الموضوع وانا للاسف خارج مصر
فكنت ارجو من سيادتك سؤال قسم الصيانه عن اسم هذه القطعه بالانجلش وسعرها عندكم فى مصر
مشكله القطعه دى ان بدونها عداد الريس بيقع وممكن تبطل وللعلم سيارتى 1300 سى سى مانوال جير
ولك منى كل الشكر

اهلا بيك يا استاذ عمر

انا عرضت الموضوع على المهندس عبد الجليل في مركز الخدمة الرئيسي وقال الآتي :

اذا كانت السيارة ذات حقن اليكتروني فأعتقد ان ما تسأل عنه هن وحدة ISC أو ما يعرف بـ ISC Idling Speed Control servo kit وهو المسئول عن رفع الـ RPM على سرعة السلانسيه في حالة وجود حمل مثل تشغيل التكييف مع السلانسيه

أو تشغيل الباور ستيرنج مع السلانسيه بمعنى لف طارة الدركسيون حتى آخر مشوارهل على السلانسيه والله أعلم
لأنه لابد من الدخول بجهاز اليكتروني للكشف الفني

المشاركة الأصلية كتبت بواسطة onsi

لو سمحت يا استاذ طارق

انا رحت امبارح توكيل الرواس عشان صيانة 20000
زيت موبل 1 رقم المنتج 10141 ب 215 جنية
فلتر زيت رقم المنتج 3546 MD 352626 ب 65 جنية
تيل فرامل امامى رقم المنتج 180 MN102878 ب 400 جنية
سرفيس 20000 130 جنية
ضريبة 81 جنية والاجمالى 891 جنية

سؤالى لحضرتك هل تيل الفرامل اللى ركبة التوكيل دة اصلى؟ يا ريت يا باشمهندس تعمل تشيك على الكود بتاعة لان انا اعرف ان التيل الاصلى بتاعها اسمة sumitomo زى اللى كان راكب فيها بالظبط ودلوقتى انا عاوز اعرف انا دفعت 400 جنية فى نوع انا ماعرفوش فهل الاسم تغيى وكتبو بدالة اكواد بس؟؟ ياريت تطمنى عشان انا ممكن ارجعلهم تانى.
وهل الاسعار دى واحد كلها فى جميع التوكيلات وشكرا ليك مقدما

التيل أصلي

ارجو مراجعة الموضوع ده

http://www.nilemotors.net/Nile/showthread.php?t=66978


الأسعار مظبوطه والرواس كل قطع غياره أصليه واحنا احيانا بنستلف منهم لأصناف لما بتخلص من عندنا لحد ما تيجي