الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة tote_ide

ازيك يا بشمهندس يا رب تكون بخير

سمعنا خبر عن وقف انتاج اللانسر الشكل الجديد و ان سعرها رخص
هل الكلام دا صحيح؟؟

اهلا وسهلا

لأ طبعا الخبر ده غير صحيح بالمرة والعربية موجودة ومنتج منها 2010 بالتأكيد انما صاحب الاشاعة لقى ان مفيش 2010 في مصر لا الوكيل نزلها ولا فيه خليجي قام مستنتج علطول ان انتاجها وقف وما الى ذلك

العربية موجودة وتنتج على مستوى العالم وممكن تشوف مواقع الوكلاء في جميع دول العالم من خلال الدخول على موقع الشركة الأم
www.mitsubishi-motors.com

والوكيل مجابهاش لأن لسه فيه منها 2009 انما اوعدك اكلم ادارة الشركة يطلبوا كميات قليلة 2010 للقضاء على الاشاعة السخيفة دي

سعرها رخص ايوة وفيه اسعار شهر فبراير هانزلها باذن الله
السبورت فيها (اعلى فئة) 142000 ج وخصم 2000 جنيه لأعضاء المنتدى يعني 140 ألف موديل 2009

المشاركة الأصلية كتبت بواسطة hatem_taia

بسم الله الرحمن الرحيم اللهم صل على محمد وعلى آله وصحبه أجمعين
السلام عليكم و رحمة الله و بركاته
تحية طيبة و بعد..........
م/طارق
كنت اريد ان اسأل عن اسعار بعض قطع الغيار
السيارة لانسر شارك lancer ex
1- المصفحة الامامية (الكرتيرة الفبر) التى تحت الماتور (كاملة)
2- فلتر الهواء
3- فلتر البنزين
4- طقم البوجيهات
5- تانك البنزين فارغ او بمحتوياتة
6- علبة الشكمان الخلفية العلبة الكبيرة التى تحت الشنطة
واسف اجدآ للاطالة و تعب حضرتك معايا
ومع الشكر.
سبحانك اللهم وبحمدك ، أشهد أن لا إله إلا أنت أستغفرك وأتوب إليك

سيتم تجميع الاسعار من قطع الغيار وكتابتها

المشاركة الأصلية كتبت بواسطة sherif1976

السلام عليكم بشمهندس طارق سيارتى لانسر 98 و كنت عاوز اعرف المفروض اغير طقم السيور بعد كام كيلومتر بالضبط لانى اشتريت العربية مستعملة وعاوز اعرف؟
السؤال الثانى: ازاى اعرف اذا كان المساعدين اللى عندى محتاجين يتغيرو ولا لاء؟
السؤال الثالث :ازاى احسن كفاءة المحرك؟

المهندس احمد عناني مدير الورشة في مركز الخدمة الرئيسي رد بالآتي :

طقم السيور يتم تغييره عند 90 ألف كيلو متر أو خمسة سنوات ايهما اقرب

المساعدين تحتاج تتغير لما تحس وانت سايق ان كل المطبات تأثيرها بيوصلك

تحسين كفاءة المحرك بضبط المحرك والكشف على فلتر الهواء وفلتر البنزين والبوجيهات وتغييرهم اذا لزم الأمر

المشاركة الأصلية كتبت بواسطة mohamed777

السلام عليكم ورحمة الله
استفسار بسيط للباشمهندس المحترم
لدى سيارة لانسر موديل 2007(استلام 10/2006) والعداد عامل حوالى 37000كم وشوية ...وهى الان مركونة منذ شهر 11 الماضى واريد ان ارفعها الى شهر خمسة او ستة القادم
علماً بان البطارية نامت ولم اقم بتغيرها واريد ان اتركها الى شهر خمسة واقوم بشراء بطارية جديده
فهل هذا يؤثر على الجير او اى شىء اخر بالسيارة خصوصاً ان البطارية مفصولة منها؟

وباذن الله اريد عمل صيانه ال40 الف فى شهر خمسة

السيارة 1600سى سى اوتوماتك
وجزاك الله خيرا

لأ اطمن حضرتك مفيش اي تأثير على الجير أو غيره فقط عند تشغيل العربية في شهر خمسة باذن الله يتعمل مراجعة عامة على العربية مع تغيير الزيوت والفلاتر (صيانة الأربعين ألف)

المشاركة الأصلية كتبت بواسطة shady333

بشمهندس طارق المحترم جداااااااااااا

انا عاوز اغير كاوتش للانسر 98 اوتوماتيك 1300
ممكن حضرتك تفيدنى ايه هو احسن كاوتش ممكن اركبه و هل ممكن اركب 175/70/13 او اعرض
و هل يوجد بالتوكيل كاوتش و سعره كام من فضلك

المهندس احمد عناني مدير الورشة في مركز الخدمة الرئيسي رد بالآتي :

افضل انواع الكاوتش هي يوكوهاما / بريدجستون / دانلوب ياباني ، وممكن تركب 175/70/13 وهذا هو الموصى به من قبل المصنع وليس اعرض من هذا