الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة medhatfrag

متشكر جدا يا باشمهندش طارق على اهتمامك ومساعدتك ومصداقيه حضرتك بس ليه شؤال هل طرمبه الباور تعمل حدفه للطاره يمين وتقلها وشكرا لتعاون سيادتكم

انا سألت المهندس احمد عناني مدير الورشة بمركز الخدمة الرئيسي بقليوب وقال :
طلمبة الباور ليس لها علاقة بالحدفة ولكن ممكن تكون من احد اسباب ثقل الدركسيون

المشاركة الأصلية كتبت بواسطة Giorgio

وسؤال كمان لو سمحت. هل الكاسيت بتاع الكلاسيك ينفع يتغير بال cd changer بعد كدة ولا لأ

لأ للأسف مينفعش .. كاسيت الكلاسيك راديو كاسيت عادي في مستطيل 1DIN الطبيعي انما السي دي له جزء سي دي وجزء شاشة مرتبط به ويغطيهم مع بعض جزء من التابلوه
لو رجعت كام صفحة للخلف في نفس الموضوع الحالي هتلاقي صورة لكاسيت الشارك العادي وصورة للسي دي في السبورت وهتعرف ان مينفعش استبدالهم

المشاركة الأصلية كتبت بواسطة mamdohsayd07

السلام عليكم
انا النهارة شوفت عربية لانسر بس غريبة شوية
العربية المفروض انها 2007(مكتوب فى الرخصة) سوبر اكشن ولكن الاكصدام شكلة شبة 2006 وما اقل! هو في حاجة نعرف بيها الموديل غير شكل الاكصدام)
وكمان الفوانيس الامامية زينون لم اري اي سيارة مثلها؟ فيه شبه من العربية ال frv (ثلاث حلقات جنب بعض مش واحدة)
التابلة عداداتة لونها غريب (احمر)و كمان الجنط 17 وبخمس جوايط

بالامانة العربية دي حاسس انى فيها حاجة غريبة خاصة انها معروضة للبيع وانا بافكر اشترى
هذا الموضوع محيرن وارجو الافادة

انا رديت على حضرتك في الموضوع المنفصل للسؤال ده
http://www.nilemotors.net/Nile/142421-a.html

المشاركة الأصلية كتبت بواسطة basha_2005

السلام عليكم باشمهندس طارق

بصراحة مجهودك مع جميع اللانسروية لا يحتاج الى تعليق ، فانت بالفعل واجهة مشرفة للتوكيل

استفسار صغير لحضرتك

ممكن اعمل صيانة ال10.000 كيلو للشارك بمركز الخدمة التابع للتوكيل فى المعادى (شارع9) ولا لازم اجي التوكيل؟


وشكراً لذوقك

شكرا لكلماتك الجميلة
ممكن طبعا عمل الصيانات في مراكز الخدمة السريعة المعادي او الاوتوستراد واحتفظ بالفاتورة لاثبات عمل الصيانات الدورية في موعدها للمحافظة على الضمان

المشاركة الأصلية كتبت بواسطة molok

المهندس / طارق المحترم
عاوز اعرف ازاى افرق بين لانسر البومة سبورت و السوبر اكشن بعيدا عن الفرش الجيلد و خاصة انى اشك انه ممكن يتركب فرش جلد فى السيارة و صاحبها يقول انها سوبر اكشن و لو كان فرش الجلد فقط اللى بيميز العربية ديه كيف اتأكيد انه فرشها اصلى مش متركب عليها.

الفرق بين السبورت والسوبر اكشن
ان السبورت فوانيس امامية غامقة - فوانيس خلفية شفافة - فرش عادي
السوبر اكشن فوانيس امامية عادية بيضاء - خلفية عادية حمراء - فرش جلد طبيعي

اعتقد معرفة الفرش اصلي ولا لأ ممكن يتعرف من الكشف على الكراسي بدقة شوية اكيد الفرش الخارجي هيبان ان فيه تحته فرش اصلي

المشاركة الأصلية كتبت بواسطة mkio131

السلام عليكم
سؤالى الى المهندس طارق
جزاك الله خيرا على مشاركاتك المؤثره
انا امتلك سياره لانسر 1600 GLX موديل 2008
اوتوماتيك كلاسيك خليجى
اواجه مشكله من اول ما اشتريتها و هى عند سماع ال A/C relay staring الاحظ انخفاض فى ال rpm مع اهتزازه لثوانى ثم ياخذ فى الارتفاع الى ان يصل الى مستواه الطبيعى
عند عمل الصيانه بمركز هاى تريدبعد ان قاموا بتنظيف حساسات الانجيكشن و الكشف عليها كان الرد ان ده شئ طبيعى فى تصميم الانسر
و ليس له علاج!!
هل هذا صحيح ؟

انا سألت المهندس احمد عناني مدير الورشة بمركز الخدمة الرئيسي بقليوب وقال :
برجاء الحضور الى التوكيل للكشف ومراجعة الاستيبر موتور