الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة adelhasanalshaairyn6

مهندس طارق : حب الناس ليك دليل على حب الله - انا عاوز اشترى لانسر بطة 1993 - اولا احتاج نصيحتك - ثانيا تساعدنى فى اقتناء بطة تكون ممتازة - لك كل الشكر والتقدير

اهلا بيك .. العربية اللانسر 93 او البطة عربية كويسة جدا طبعا انما مش هاعرف اساعد حضرتك في شراء واحدة لكن لو اتوفقت في عربية كويسة ممكن تجيبها نكشف عليها في التوكيل علشان تتطمن
قطع الغيار الأصلية متوفر بعضها في التوكيل وحتى الغير متوفر ممكن يتجاب بالطلب انما بالطبع معظم محلات قطع الغيار عندها قطع غيار العربية
وبالتوفيق

المشاركة الأصلية كتبت بواسطة wisheey

لو سمحت يا بشمهندس كنت عايز أعرف سعر الجزء الي تحت زراير التكيف الي بيركب فيه السي دي بتاع البوما 2007 لونه بيج....وشكرا مقدما...


علبة السي دي تمنها 200 ج + 10%

طب دي لازم من الفرع الرئيسي ولا ممكن من حته تانيه ؟؟.....شكرا...

هي في الفرع الرئيسي في قليوب انما ممكن لو فرع جسر السويس او الكيت كات اقرب لك انك تمر عليه وتطلب العلبة ويجيبها تاني يوم

المشاركة الأصلية كتبت بواسطة mohabsaeed

باشمهندس طارق بعد اذنك كنت عاوز اعرف سعر ترموستات الحراره " الترموستات الى بيشغل المروحه الاكترونى "

و سعر ثيرموستات الميه " او كوع الميه " ... ل لانسر 1600

شاكر مجهود حضرتك .

وحدة تشغيل المروحة الالكتروني ودي بتتلف في اللانسر كتير نتيجة غسيل المحرك بالماء تمنها 335 جنيه + 10%

ثرموستات الكوعة بـ 100 جنيه وثرموستات الردياتير (صباع الحرارة) 220 جنيه

المشاركة الأصلية كتبت بواسطة enafea

سؤال يا بشمهندس عن الشارك.

هل قوة اضاءة التابلوه بتختلف فى النهار عن اليل.

بمعنى لو شغلت اضاءة التاابلوه بالنهار نور الكمبيوتر بيضعف ولا دى تبقى مشكلة فى الكهرباء؟.؟؟

مفيش سنسور في اضاءة التابلوه انما ممكن خداع النظر هو اللي يحسسك ان اضاءة التابلوه ضعيفة بالنهار

الشارك بس هي اللي فيها في بعض الموديلات سنسور اضاءة وده بيخليها تنور اوتوماتيك مع حلول الظلام

المشاركة الأصلية كتبت بواسطة neonate

السلام عليكم يا بشمهندس طارق كنت عاوز اعرف من سيادتك اسعار البومه 2009 الكلاسيك والهاف سبورت الاتوماتيك عامله كام دلوقتي وهل في اي عروض او تخفيضات موجوده اليومين دول بخصوص موديلات 2009 وهل اسعار التوكيل زي اسعار المراكز المعتمده ارجو سرعة الرد من سيادتك ولك جزيل الشكر د\محمد

اهلا يا دكتور محمد
سعر البومة لم يختلف خلال الشهور اللي فاتت

يعني 1300 مانوال 93000 ج واوتوماتيك 100 ألف ج
1600 مانوال 95000 ج واوتوماتيك 112 ألف والهاف سبورت اوتوماتيك 118 ألف والسبورت 124 ألف

المفروض سعر (المصري) التوكيل زي الموزعين انما ممكن يكون فيه فروق بسيطة 500 ج - 1000 ج من معرض لآخر

حاليا مفيش عروض خاصة على 2009 انما لما تنزل موديلات 2010 على آخر الشهر الحالي باذن الله بيكون دايما سعر الموديل الأحدث اعلى من السابق

المشاركة الأصلية كتبت بواسطة amooor2040

انا لسة جايب لانسر شارك 2009 خليجى وفيه سؤالين للمهندس طارق
هل يجب تغيير زيت المحرك بعد اول الف كيلو وما هو افضل نوع مناسب للسيارة هل موبيل ام شيل هيلكس؟
كيفية تليين السيارة مع العلم ان اول مجبتها مشيت على 120 كيلو وهل ده هياثر عليها بعد كده؟
وشكرااااااا

فعلا بعد الألف كيلو متر الأولى بيتم تغيير زيت محرك وفلتر زيت
الموبيل والشل كويسين وكان فيه مواضيع كتير في المنتدى العام عن المقارنة بينهم

تليين العربية المفروض الـ 1000 كيلو الأولى ان سرعة العربية لا تزيد عن 90 وعداد الـ rpm لا يزيد عن 3000 لفة في الدقيقة ولا مشكلة من تشغيل التكييف

باذن الله ميكونش المشي على العربية بسرعة 120 كيلو في الأول اثر عليها طالما مش فترة طويلة ومبروك العربية

المشاركة الأصلية كتبت بواسطة ADELHASANALSHAAIRYN6

طارق باشا اشكرك وارجو تشرح لى عنوانك لانى انا ساكن امام النساجون فى شيراتون وبكدة تكون صاحب فضل كبير

ده حضرتك شرح الطريق لمركز الخدمة الرئيسي عندنا في قليوب ت 42157629

http://www.nilemotors.net/Nile/9838-a.html

المشاركة الأصلية كتبت بواسطة mohamedway

مش سعر ال1600 مانوال ده غريب شوية؟؟؟؟
الفرق بينها و بين ال1300 مانوال ألفين جنيه بس؟!!! مع انه المفروض 10 آلاف جنيه؟
والفرق كده بين ال1600 مانوال و أختها الأتوماتك 17 ألف جنيه؟؟؟؟!!!! المفروض الأتوماتك بنفس الأوبشن تزيد 5 أو 6 آلاف بالكتير عن مثيلتها المانوال (112-95 = 17 ألف)؟؟؟؟

المشاركة الأصلية كتبت بواسطة boody2

اعتقد اليشمهندس طارق يقصد 105000 و ليس 95000 لل 1600 ماتيوال

صح فعلا 105 مش 95
مهندس محمد مصحصح معايا تمام