الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة omaroof

اخى العزيز اشكرك جدا على اهتمامك وفعلا هذا هو الجهاذ المطلوب لكن هل من الممكن نعرف سعره كام فى مصر وهل ممكن شرائه من الشركه على طول اذا كلن سعره مناسب
وذلك لصعوبه احضار السياره لمصر طبعا لان نزولى بعربيه 1300 سى سى صعب لذلك ارجو افادتى لنزلو ان شاء الله شهر 6 بمصر والشراء ان كان سعرها معقول
وشكرا لك

سعره 1150 جنيه شامل ضريبة المبيعات ويمكن بيعه بدون تركيب
في حالة الرغبة في شرائه يجب احضار رقم الشاسيه كاملا 17 حرف ورقم للتأكد من ان رقم الصنف المناسب للسيارة

المشاركة الأصلية كتبت بواسطة elhamidya

السلام عليكم يا بشمهندس طارق

أشتريت سياره لانسر 1600 اتوماتيك موديل 2005 واريد ان اغير الكتاوت وايضا سير الكتينه فما هى التكلفه فى مركز الصيانه فى قليوب


شكرا

بخصوص سير الكاتينة فيتم تغييره عند 80 ألف أو 90 ألف كيلو متر ويتم تغييره مع التالي :
سير كاتينة - رولمان بلي شداد - اويل سيل كرنك - اويل سيل كامة - سير باور - سير دينامو
سعرهم حوالي 850 جنيه بالضريبة
التركيب حوالي 200 جنيه

بخصوص الكتاوت ، ما نوع الكتاوت المراد تغييرها

المشاركة الأصلية كتبت بواسطة mgk_tex

السلام عليكم
هل معنى ان ضبط الفريون مش مظبوط انه يكون فى تسرب فى الفريون ولا هو ممكن يضعف مع مرور الوقت وشكرا على تعبك معانا يا مهندس طارق

( الفريون مش مظبوط) الجملة هي اللي مش واضحة ، مين قالها وقالها على عربية ايه والظروف ايه
بشكل عام اعتقد مفيش حاجه اسمها ضعف مع مرور الوقت يعني لو مفيش تسريب والفريون مش محتاج شحن والفلتر متنظف (او ثلاجة التكييف متنظفة) يبقى مفيش سبب يخللي التكييف مش قوي

ايوة يا باشا

يمكن الدفع بالفيزا في قليوب او جسر السويس للصيانة او لشراء قطع الغيار ، وكذلك الكيت كات

المشاركة الأصلية كتبت بواسطة barrii

لقد سعدت بوجود هذا الموقع و الأكثر بالاستشارى.
امتلك سياره لانسر 2005 سبورت العداد عامل 81600 و اريد تغيير زيت الفتيس فارجو ارشادى لنوع الزيت و كميته ومكان شرائه و مكان تغيره ان امكن بالاسكندريه .
ولقد تحدثت مع بعض الاصدقاء فنصحونى بالتوكيل بالقاهره و هو صعب تحقيقه لظروف عملى حيث ان التوكيلات بالاسكندريه لا يتم شفط كل الزيت المستعمل على حد قولهم وهل يمكن شفطه فى محطه البنزين و هل المراكز المعتمده بالاسكندريه تقبل السيارات الخليجى ام لا و كيف يمكن معرفه سيارتى خليجى ام لا

شكرا لكلماتك
فيه صيانة هامة المفروض تتعمل عند الكيلو متر 80 ألف بيتغير فيها اساسا سير الكاتينة ومجموعة السيور والبوجيهات والزيوت
ارجو مراجعة الموضوع المثبت (أسعار الصيانات الدورية في التوكيل من الألف الى الأربعين ألف ) للتعرف على مكونات الصيانة
بخصوص زيت الفتيس المستخدم في التوكيل فهو زيت موبيل ATF وكميته 9 لتر ومتوفر في مركزي الخدمة المعتمدين الصفوة والمأمون (العنوان هنا)
عندنا في التوكيل في قليوب يتم شفط زيت الفتيس بماكينة الشفط وهي القادرة على شفط الـ 9 كيلو بالكامل مع الرواسب فمفيش خوف منها

التوكيل والمراكز المعتمدة بتقبل الخليجي (الفرق فقط ان ملهاش ضمان)

العربية الخليجي لها كذا حاجه تتعرف منها اولها رقم الشاسيه غالبا بيكون 6 أرقام تبدأ بـ 77 أو 78 في حين ان المصري 3 أو أربع ارقام فقط وكذلك بيكون رقم الشاسيه مثبت على التابلوه امام السائق على الشمال

المشاركة الأصلية كتبت بواسطة elhamidya

السلام عليكم

بالنسبه للكتاوت هى كتاوت المراوح الخاصه بالموتور فما هو سعرها بالوكيل المصريه وتكلفة التركيب .
وايضا لو سمحت ارجو من حضرتك ايضاح الصيانت اللازمه للسياره علما بان عداد السياره 115000 كم وحالة السياره جيده.

سعر كتاوت المروحة او Fan control (ودي بتتلف عند غسيل الموتور بمسدس الماية) 352 جنيه والتركيب حوالي 40 جنيه

الصيانات مذكورة بالتفصيل في الموضوع ده
(أسعار الصيانات الدورية في التوكيل من الألف الى الأربعين ألف )
مع ملاحظة ان الصيانات التقيلة هي 40 ألف و 80 ألف ومضاعفاتها يعني 120 مثل 40 و 160 مثل 80