الموضوع: انت تسأل وإستشاري منتدى متسوبيشي يجيب (2)

الى المهندس طارق, عايز أعرف زيت الفتيس ال Cvt يتغير كل كام كيلو و ما نوع و ماركة الزيت

بالمناسبة. انا رحت عند مصرية الي في طريق المطار و قالي الزيت خلص من عندة , روح هات زيت ATF Mobil و تعال نغيرهولك. انا استغربت لاني عارف ان الفتسيس دة لية زيت مخصوص. فكلمت فرع قليوب و قال نفس الكلام.

المهندس العزيز / طارق
كل التحية والتقدير - ياترى ممكن احجز موعد لصيانة الــ 10000 كم لعربيتى البومة 2009 انا دلوقتى عامل حوالى 9000 كم يعنى ممكن يكون الموعد الخميس 14/5/2009
يارب ما اكونش بتقل على حضرتك وكمان ياريت اعرف صيانة الــ 10000 كم ببتكلف كام وبتكون عبارة عن ايه
اشكرك مقدما مرة ثانية
كل تحياتى

السلام عليكم يا بشمهندس طارق

عملت عندكم صيانة لسيارتى لانسر 2005 منذ اسبوع بالظبط ولى تعليق على التوكيل فى قليوب :
اولا: معظم اامشاكل التى ذكرتها لمهنس الصيانه معرفش يصينها وبدل ما يبدى اهتمام بها عمل الصيانات العاديه مثل تغيير سير الكاتينه وتيل الفرامل والتى اعتقد ان الفرامل اصبحت سيئه بعد تغييرها ولذا اريد توضيح نوع التيل الذى تم تركيبه
ثانيا: المعامله من موظف الاستقبال سيئه جدا
ثالثا: اعتقد ان كل هم التوكيل هو جمع اكبر عائ مادى من الصيانه بتغيير اجزاء كانت كويسه وتعمل بشكل جيد فى حين ان الاشياء الضرورية والتى ذكرتها له مثل ثقل الدركسيون (بيريح دماغه ويقول لى عايزه مدفع دركسيون تمنه 2000 جنيه )وايضا موشر السرعات محتاج تغيير 2000 جنيه فى حين ان تكلفة الصيانه من تغيير زيوت وفلاتر كلفتنى 4000جنيه وللاسف انا حاسس ان السياره اداءه انخفض بعد الصيانه وهذا راجع لان التوكيل لا يكلف نفسه تجربة السيارة بعد الصيانه ولتاكيد كلامى انى بعد ما استلمت السيارة وخرجت من التوكيل وجدت الكلاكس لا يعمل علما بانى دخلت التوكيل وهو يعمل بصوره جيدة
رابعا: كلام سيادتك عن ان المهندسين فى التوكيل احسن من نظرائهم فى خارج التوكيل كلام غير صحيح لاى عندم ذكرت مشاكل السياره لمهندس الصيانه وجدته فى حاله فنيه سيئه ودليلى على ذلك هو ان المشاكل بسيارتى لازالت بها والتوكيل فقط مقصور على تغيير الزيوت والفلاتر التى من الممكن عملها خارج التوكيل اما الصيانات الضروريه لا يكلف نفسه عناء بحثها.
من هذا كله افيد علم حضرتك انى فقدت الثقه كليا فى الوكيل ولم اتبع نصح اصدقائى الذين نصحونى بالبعد عن الصيانه فى الوكيل

انا رجعت تانى للتوكيل بمجرد خروجى لتشغيل الكلاكس مره اخرى وتم تغير فيوس للكلاكس وكنت مستعجل لانى عندى استدعاء للاحتياط مما يتطلب وجودى بالوحده وبالامس جربت السياره لمسافه طويله فاحسست بسوء اداء السياره.