أهلا بيك يا استاذ احمد
بخصوص السعر انا مش خبير في اسعار المستعمل وممكن حضرتك تعرض الموضوع ده في قسم البيع والشراء وفيه مواضيع هناك عن الأسعار
قطع غيارها ايوة متوفرة سواء الأصلي في التوكيل او الياباني والكوري والصيني بره التوكيل
ممكن تجيب العربية للتوكيل للكشف عليها في المركز الرئيسي في قليوب تليفون 42157629 والتكلفة حوالي 200 جنيه بس طبعا توقع ان التقرير يقول ان فيه حاجات كتير محتاجة تغيير زي اجزاء العفشة بالتأكيد انما المهم ميكونش فيها حوادث ويكون التكييف كويس والفتيس والمحرك
صيانة العشرة آلاف كيلو صيانة سهله وممكن تتعمل في محطة موبيل الاوتوستراد خلف المطار (وده مركز تابع للتوكيل داخل المحطةيعني العمال هناك موظفين في شركة مصرية وفيه مستودع قطع غيار اصلي تابع للشركة ) واعتقد مفيش زحمة هناك والمكان قريب من مصر الجديدة ومدينة نصر
المفضلات