الموضوع: انت تسأل وإستشاري منتدى متسوبيشي يجيب (2)

هو بشكل عام حضرتك في التوكيل لا يتم على الاطلاق عمل اي تعديلات او اضافات على العربية لا تكون اصلية فيها

وبالتالي كل اللي حضرتك بتسأل عنه ده لا يتم في التوكيل انما ممكن تدخل (منتدى تعديل السيارات والاضافات)

http://www.nilemotors.net/Nile/forumdisplay.php?f=46

وتدور هناك على امكانية التعديلات دي

المشاركة الأصلية كتبت بواسطة hamada2010

السلام عليكم

انا عرفت ان موضوع هواء النتروجين ده حاجه مهمة جدا للحفاظ على عمر الكاوتش ومدى ليونته ومرونته وكمان بيحافظ او بيساعد بشكل او بأخر على العفشة بتاعه العربية علما انا معايا لا نسر مصرية 2006

وعملت نتروجين فى الكاوتش بتاعى والراجل ظبط العجلتين الا ما ميتين على 30 نتروجين والخلفيتين على 32

فبسال هل هذا صحيح او خطأ عشان لو فى حاجه غلط ارجعله تاانى

وموضوع النتروجين ده انتشر جداا وبجد انا لما عملت النتروجين فى الكاوتشات حسيت انى ماشى على ريش نعاااام

ولا فى خبط ولا زلطه بترج العربية ولا حاجه خالص

بس السؤال ده اللى قالقنى شوية موضوع قدام 30 والخلفى 32 عايز اعرف اييه الصح

ولو شركة متسوبيشى بتنصح بالنتروجين على سبيل المثال يبقى القياس المظبوط للنتروجين كاام علما ان له قياس مختلف عن الهواء العاادى وشكراا

اتمنى الرد على سؤالى والف شكر يا بشمهندس

انا عرضت الموضوع على المهندس عبد الجليل وقال
نحن كشركة ميتسوبيشي لا نتعامل مع النتروجين
ظبط الهواء القياسي لاطارات السيارة تجده في قائم باب السائق (الخلفي 1.8 كجم / سم2 والأمامي 2.0 كجم/سم2)

المشاركة الأصلية كتبت بواسطة mragh

السلم عليكم يا باشمهندس طارق
أولاً أحب اشكر حضرتك على نصيحة الذهاب لعمل صيانة ال-١٠٠٠٠ كم في موبيل، أنا رحت هناك يوم الأحد ١٧ - ٥ و الموضوع أخد حوالي ساعة من لحظة وصولي

المشكلة كانت إن تيل الفرامل اتغير ، و ده حاجة أنا مستغربلهة ، لأني عمري ما غيرت تيل قبل ٣٠٠٠٠ كم


المشكلة التانية وهي ده الأهم إنو بعد لما خلصت الصيانة و مشيت سمعت صوت زنة كل لما أزود سرعه وبتظهر على سرعه معينة مثلاً لما العربية توصل ٤٠ كم/س و بعدين يختفي ثم يظهر تاني المهم رجعتلهم تاني ، و خرج معي واحد يجرب ، و بعد حوالي نص ساعة من التجارب و أخذ رأي كذا واحد ، أجمع إن الصوت دة من علبة الشكمان، الغريب إن الصوت دة مكنش موجود قبل الذهاب للصيانه
المهم بعد اصراري على إن الصوت لم يكن موجود من قبل ، قالولي إن السبب إن عندي القنطرة الخلفية يمين مخبوطة من ورة و متحركة من مكانها سنه للأمام
فكان ردي إن فعلاً أنا مرة خبط في بلاعة بس دة كان من حوالي ٨ شهور و الصوت دة مكنش موجود، فكان الرد إنو ظهر لإنهم ربطه العفشه كويس، و نصحوني اني أروح المركز الرئيسي في قليوب عشان يعملو زرجينة لاستعدال القنطرة و إن في بنتت لحام فكت و محتاجة إعادة

كنت عايز أعرف من حضرتك هل الكلام دة منطقي ، و الموضوع دة يتكلف في حدود كام ، و يأخذ وقت أد إيه ؟ وإيه أنسب وقت وأي يوم أفضل للذهاب ، أنا ممكن أروح بكرة من الصبح لو الموضوع هيخلس في نفس اليوم , مع العلم اني لا استطيع الإستغناء عن العربية، يعني مقدرش أبيتها في الصيانة

شكراً

انا عرضت الموضوع على المهندس عبد الجليل وقال
ممكن الحضور غدا صباحا الساعة 8 وان شاء الله يتم فحص السيارة ويجربها معك مهندس الصيانة وتأخذها في نفس اليوم
أما موضوع التكلفة فسيتم تحديده بعد الكشف على السيارة وتحديد العيب واخذ موافقتك على الاصلاح

المشاركة الأصلية كتبت بواسطة sadex

مهندس طارق السلام عليكم
الحمد لله إشتريت اليوم لانسر سوبر أكشن موديل 2006 عاملة 40000كم بس المشكلة إنى معنديش أى معلومات عن صيانة العربية ممكن بس دليل شامل (وياريت بالعربى) عن الإستخدام والصيانة علشان نفسى ربنا يكرمنى وأحافظ عليها، وجزاكم الله خيراً مقدماً.
مع الشكر.
أحمد صادق - المعادى

اهلا يا استاذ احمد ومبروك العربية

فيه موضوع مثبت في أول منتدى ميتسوبيشي هتلاقي فيه مواعيد صيانة العربية ومكونات كل صيانة وتكلفتها

هتلاقي ان الصيانات اساسا كل 10 آلاف كيلو واهم حاجه فيها تغيير الزيت وفلتر الزيت
الصيانات التقيلة هي صيانة الأربعين والثمانين (تفاصيلهم في نفس الموضوع)

فيفضل ان تسأل من اشتريت منه العربية هل عمل صيانة الأربعين وغير كل ما تحتاجه العربيه عند الأربعين ولا لأ واذا كان لأ فيجب عمل تلك الصيانة وتغيير ما يلزم