انت تسأل وإستشاري منتدى متسوبيشي يجيب (2)

هذا الموضوع مخصص للأسئلة الموجهة لأخونا الفاضل المهندس طارق زويل بصفته حلقة وصل هامة جدا بيننا وبين توكيل شركة متسوبيشى فى مصر

نرجو من الأخوة الأعضاء اتباع الآتي قبل توجيه اسئلة في هذا الموضوع للمهندس طارق :
1- البحث في مواضيع المنتدى عن اسئلة مشابهة ومعرفة الاجابة منها.
2- البحث داخل الموضوع الأول المغلق (انت تسأل واستشاري منتدى متسوبيشي يجيب) عن اسئلة مشابهه.
3- وضع السؤال هنا اذا ما كان موجها للتوكيل او شديد الفنية ومطلوب اجابة مهندسي التوكيل عنه.
4- اذا كان السؤال يعتمد على التجربة والرأي والأسئلة الشائعة والبسيطة فنرجو فتح موضوع جديد به في المنتدى ليشترك فيه جميع الأعضاء بأرائهم وخبرتهم.

راجين الالتزام بذلك ونشكر المهندس طارق مرة اخرى على مجهوده

مشرف القسم

السلام عليكم المهندس طارق
ربنا يكرمك على مجهودك الرائع معانا
اسمحلي ادوشك بأسئلة يمكن تكون مكررة بس معلش علشان عدد الصفحات اصبح 67 وصعب ادور على كل حاجة
1- معايا لانسر 2007 بومة خليجيGLX Classic Auto اشترتها من هاي تريد وكانوا عاملين لها ضمان .المهم انا عامل 70000 وغيرت كل ما هو موصى به عندهم والسؤال هل هم مركز خدمة معتمد وكويسين ولا ايه رأى سيادتك؟
2- هل الفتيس CVT في كل 1600 أو كل فتيس فيه Ds هوCVT أو ازاي اعرفه وما ميزاته؟
3- عند صيانة سير الكاتينة ليه لازم اغير البلية والشداد
4- عند تغير فلتر البنزين ممكن أغير الخرطوشة بس ولا لازم كله مع pump
5- من ساعت ما اشترتها وصوت startup of A/C relay or clutchمسموع جداً داخل العربية هل هذا طبيعي؟
6- ازاى اعرف انها بها ايمبولايزر ؟
7- هل فعلاً هناك اختلاف في التكييف(السربنتينةوالكومب� �يسور) وطبيعة الدهان في المصري عن الخليجي ولا كلام تجار
ونشكر لك حسن التعاون وسرعة الإجابة.

م/محمد مبروك
مهندس تحكم

سؤال للمهندس /طارق
امتلك سياره لانسر 1600 اتوماتيك خليجى موديل2007 عند ركن السياره ووضعها على p يلاحظ نزول مؤشر rpm و فى بعض الأحيان تبطل السياره فما هى المشكله؟ و جزاكم الله خيرا

السلام عليكم المهندس طارق
معلش كمان سؤالين
- الرقم على التابلوه (اوله Jbb) مختلف عن الرقم على شاسيه العربية هل هذا طبيعي
- لما اكون ماشي على D ومرة واحدة اقف Rpmينزل ل400 ويرجع تاني بعد ثواني وساعات تبطل وده حصل برده بعد تغيير فلتر البنزين هل محتاج تنظيف للرشاشات ولا ايه

شكرا جزيلا

اقتباس:

---

المشاركة الأصلية كتبت بواسطة mohamedmg

راجين الالتزام بذلك ونشكر المهندس طارق مرة اخرى على مجهوده

مشرف القسم

السلام عليكم المهندس طارق
ربنا يكرمك على مجهودك الرائع معانا
اسمحلي ادوشك بأسئلة يمكن تكون مكررة بس معلش علشان عدد الصفحات اصبح 67 وصعب ادور على كل حاجة
1- معايا لانسر 2007 بومة خليجيGLX Classic Auto اشترتها من هاي تريد وكانوا عاملين لها ضمان .المهم انا عامل 70000 وغيرت كل ما هو موصى به عندهم والسؤال هل هم مركز خدمة معتمد وكويسين ولا ايه رأى سيادتك؟
2- هل الفتيس CVT في كل 1600 أو كل فتيس فيه Ds هوCVT أو ازاي اعرفه وما ميزاته؟
3- عند صيانة سير الكاتينة ليه لازم اغير البلية والشداد
4- عند تغير فلتر البنزين ممكن أغير الخرطوشة بس ولا لازم كله مع pump
5- من ساعت ما اشترتها وصوت startup of A/C relay or clutchمسموع جداً داخل العربية هل هذا طبيعي؟
6- ازاى اعرف انها بها ايمبولايزر ؟
7- هل فعلاً هناك اختلاف في التكييف(السربنتينةوالكومب� �يسور) وطبيعة الدهان في المصري عن الخليجي ولا كلام تجار
ونشكر لك حسن التعاون وسرعة الإجابة.

م/محمد مبروك
مهندس تحكم

---

أولا شكرا لادارة المنتدى

اهلا بيك يا باشمهندس محمد معانا في المنتدى واليك الرد على اسئلتك :
1- بخصوص هاي تريد هما مش مركز خدمة معتمد من الوكيل مصرية انما ده مش معناه انهم مش كويسين واعتقد فيه بعض اعضاء المنتدى اللانسراوية شاريين العربية منهم وبيعملوا الصيانة عندهم ومفيش شكاوي منهم وبالتالي فهم كويسين ما لم يثبت عكس ذلك

2- كل اللانسر البومة محرك 1600 نزلت بفتيس CVT انما محرك 1300 فتيس اوتوماتيك عادي
مميزات CVT انه تكنولوجيا مختلفة بحيث يعمل ببكرتين بينهم سير حديدي وبالتالي قائد السيارة لا يشعر بالنقل ويشعر بسلاسة شديدة في حركة العربية وممكن تعمل بحث سواء في المنتدى او في الانترنت بشكل عام وهتلاقي مواضع كتير اوي بتتكلم عن الفتيس CVT

3- تغيير بلية الشداد(رولمان البلي) والاويل سيلات مع سير الكاتينة دي تعليمات شركة ميتسوبيشي

4- فلتر البنزين مكانه بجوار طلمبة البنزين داخل التنك انما تغييره لا يعني تغيير الطلمبة معه وانما الفلتر فقط
اما في حالة تغيير طلمبة البنزين لحدوث عيب ما فيتم تغيير فلتر البنزين معها

5- الصوت ده طبيعي ومحسوس فعلا في تكييف العربية

6- الايموبيليزر بيكون له اريال لالتقاط الشفرة من المفتاح عبارة عن دائرة نحاسية صفراء تحوط كونتاكت العربية عند ادخال المفتاح وبالتالي الدائرة النحاسية واضحة

7- التكييف في اللانسر نوعين نوع عادي ونوع مخصص لدول المناطق الحارة Grade up Air Condition for extra hot zone وعربياتنا في مصر من سنين طويلة نطلبها بتكييف مخصص لدول المناطق الحارة وبالتالي هو نفسه زي الخليجي ومفيش اي فرق

اما موضوع الدهان تأكدت منه بدقة من مهندس السمكرة والدهان لما عاد من دورة تدريبية في دبي من عدة شهور لكل وكلاء الشرق الأوسط وشمال افريقيا واكد لي ان الدهان واحد لكل اللانسر

انما طبعا بائعين المعارض في مصر اساتذة تسويق العربية اللي عنده في المعرض ويعيب في اللي مش عنده ولو شاءت الظروف واتبدلت العربيات هيعرف ازاي يعكس كلامه 180 درجة

اقتباس:

---

المشاركة الأصلية كتبت بواسطة mimieg

سؤال للمهندس /طارق
امتلك سياره لانسر 1600 اتوماتيك خليجى موديل2007 عند ركن السياره ووضعها على p يلاحظ نزول مؤشر rpm و فى بعض الأحيان تبطل السياره فما هى المشكله؟ و جزاكم الله خيرا

---

بسؤال مدير الاستقبال قال يلزم التوجه لمركز الصيانة وتغيير مجموعة injection

اقتباس:

---

المشاركة الأصلية كتبت بواسطة mohamedmg

السلام عليكم المهندس طارق
معلش كمان سؤالين
- الرقم على التابلوه (اوله Jbb) مختلف عن الرقم على شاسيه العربية هل هذا طبيعي
- لما اكون ماشي على D ومرة واحدة اقف Rpmينزل ل400 ويرجع تاني بعد ثواني وساعات تبطل وده حصل برده بعد تغيير فلتر البنزين هل محتاج تنظيف للرشاشات ولا ايه

شكرا جزيلا

---

فعلا بعض العربيات الخليجي بيكون رقم الشاسيه مختلف عن الرقم على التابلوه

ايوة محتاجة تنظيف رشاشات

المهندس طارق
معى سيارة لانسر 2008 مصرى وعملت صيانة الألف فى التوكيل وفى كتيب التعليمات يجب عمل صيانة كل 20 ألف أما فى التوكيل فتم تعليق ورقة بضرورة عمل صيانة كل 10 آلاف فما الحكمة فى ذلك وأيضا كتبوا على هذه الورقة أن مخالفة ذلك يفقدك الضمان

السؤال الثانى
هل الصيانة الثانية لما العداد يوصل ل 10 آلاف ولا المقصود 10 آلاف من الصيانة الأولى يعنى العداد يوصل ل 11 ألف علما أنى واضع زيت موبيل 1 فى الصيانة الأولى والطبيعى أنه يتغير بعد 10 آلاف يعنى عند قراءة العداد 11 ألف

ولك جزيل الشكر

اهلا بيك يا استاذ احمد

حسب تعليمات شركة ميتسوبيشي اليابان فالصيانة الدورية بتتم كل 10 آلاف كيلو متر فعلا ، وليس 20

ارجو تحديد كتيب التعليمات المذكور فيه 20 ألف هل هو كتيب الصيانة service booklet الصغير ام كتيب المستخدم owner manual الكبير وهل العربية لانسر عادية 1300 او 1600 ولا لانسر 1500 EX علشان اجيب الكتيب اراجعه.

الصيانة بتتم عند الألف الأولى ثم العشرة آلاف ثم العشرين وهكذا موضوع 10 ولا 11 مش هتفرق انما لتسهيل الحساب على اصحاب العربيات انه يعرف موعد الصيانة القادمة تم احتسابها عند العشرة وليس الاحدى عشر (الموضوع ده كان شاغلني برضه) انما لقيت دي برضه تعليمات ميتسوبيشي حتى ان اللانسر EX فيها بالكمبيوتر موعد الصيانة القادمة في العداد فبعد صيانة الألف بيكتب باقي 9000 وليس 10000 كلم

انما بشكل عام اللي بيجي يعمل صيانة قبل او بعد موعدها بالكيلومتر بألف كيلو او حتى الفين مش مشكلة ، المهم المحافظة على الصيانة نفسها واحسن حاجة استخدام زيت موبيل (1) او ما يماثله علشان بيقعد 10 آلاف كيلو ويتعمل في الصيانة ، وبالتالي حضرتك مش بتعمل اي حاجه في العربية غير البنزين والمحافظة على الصيانات الدورية كل 10 آلاف كيلو

انا امتلك لانسر اوتوماتيك 2008 بضمان مصرية عاملة 8000 كم عندى نفس مشكلة الاستاذ mohamedmg والاستاذ mimieg وهى لما اكون ماشي على D ومرة واحدة اقف واجيب P او N ينزل RPM الى 400 ويرجع تاني بعد ثواني الى 1000بس العربية لاتبطل والاستاذ أخونا الفاضل المهندس طارق زويل رد بان مطلوب التوجة لمركز الصيانة لتنظيف الرشاشات او تغيير مجموعة injection
والسؤال هو هل سيتم عمل ذلك داخل الضمان بدون تكلفة واذا كان ذلك خارج الضمان ممكن اعرف التكلفة ستكون كام ولكم جزيل الشكر
وهل ضرورى سرعة التوجة لمركز الصيانة لانى ماعنديش اجازات اليومين دول

مش ممكن الرشاشات تكون محتاجة تنظيف بعد 8000 كيلو عموما حضرتك على مشارف موعد الصيانة القادمة عند 10 آلاف كيلو ومفيش اي ضرورة للاستعجال وخلال الصيانة هيتم تجربة العربية وتحديد هل بها مشكلة ام لا.

ازيك يا باشا
عربيتى 1600 موديل 2008
بمجرد انى ركبت جهاز انذار للسياره
فؤجئت بلمبه الاير باك منيره دائما
اعمل ايه لو سمحت
وبعدين انا عربيتى خليجى انا ممكن اعملها الصيانه فين
بالعلم انا من سكان مصر الجديده وفى حاجه الى مركز قريب من المنزل
وتقريبا صيانه ال 10000 بتحتاج ايه بالظبط
وشكرا لك كثيرا

سلام عليكم ...
انا كنت عاوز اعرف ايه الفرق بين اللانسر شارك المصري والخليجي
اللي يخلي هناك فرق السعر بينهم
وبايهم تنصح اذا كان هناك ضمان للخليجي ايضا
و جزاك الله خيرا