طلب نصيحه في شراء سياره

**ahmed_gamal** · 20-02-2009 10:49 PM

السلام عليكم
طلب عاجل و ضروري
انا ان شاء الله هشتري عربية ميجان المهم انا روحت شوفت العربية و هي كويسة بس صاحبها مستعجل والمفروض اني اخلص معاه بكرة
بس انا عايز اكشف عليها في التوكيل الاول و هو اجازة بكرة
فا اتفقت معاه اني هدفعله جزء من المبلغ و اكشف عليها يوم الاحد لو مافيهاش حاجة هدفعله الباقي و هو هيكتب علي نفسه اقرار ان لو طلع فيها حاجة في الكشف اني استرد فلوسي
انا عايز اعرف بالظبط ايه الاجراء القانوني السليم اللي ممكن اتبعه و كمان العربية فيها سنة رخصة هل كده ابيع بتوكيل افضل ولا اسجل ولا اعمل ايه
ضروري يا جمماعة علشان الكلام ده كله هيتم بكرة الصبح

تم تعديل العنوان
مشرف فرعي 1

**AbO_FaRaH** · 20-02-2009 11:00 PM

عاوز راى الشخصى..............................الكل ام ده مش صح
مش مشكله لو استنوا لما التوكيل يفتح الدنيا مش ها طير ولو ليك نصيب
فى العربيه محدش غيرك ها يشتريها ............خليك تقيل....................
لو انتى مستجعل اوى اكشف عليها فى بنزينه محترمه فيها كشف بالكمبيوتر
وطعبا لازم تشفها زوايا كمبيتوتر كمان

اما بالنسبه لموضوع التوكيل لا طبعا عقد مسجل احسن وانقل العربيه باسمك

اسال هنا فى المنتدى لو حد يعرف بيزينه محترمه...........واخير لا تنسى
ان تصلى صلاه استخاره

بالتوفيق

**blazer** · 20-02-2009 11:00 PM

بس هو مستعجل على ايه !
يعنى حاول تقله يصبر يوم عقبال اما انت تكشف عليها لأن الموضوع فلوس مش لعبه
وربنا يوفقك لما فيه الخير

**t4r3k** · 20-02-2009 11:06 PM

جرب تتصل بالتوكيل دلوقتي .. وممكن تلاقى حجز بكرا
جرب وربنا ييسر ان شاء الله

**bee** · 20-02-2009 11:11 PM

مفيش داعي للاستعجال ..
استنى اكشف في التوكيل اضمن اي مكان تانى ممكن يكون متفق معاه او يلاغيهم بفلوس ..

ولو هو خايف يبقى العربية فيها حاجه ..
وزي ما الاخوة قالوا صلي استخارة ولو موفقش هو الخسران .. حضرتك ربنا هيعوضك باحسن منها ..

متستعجلش

**TaoTao** · 20-02-2009 11:28 PM

مستعجل؟!!! مش فاهم صاحبها مستعجل على إيه، دي ميجان مش 128، (عادةً الاستعجال ده وراه مصيبة في العربية) ع العموم لو الراجل مستعجل أوي كدة انت فلوسك في جيبك وهو ربنا يحسنله بيعها وانت أكيد هاتلاقي أحسن منها

**crazylambada** · 20-02-2009 11:37 PM

لا طبعا مينفعش خالص
افرض لو فيه ايمصيبة في العربية
احسن حاجة تصبر اليوم ده
و لو مش موافق خلاص يبقى اكيد فيه حاجة
لان لو حاول يدور على واحد تاني حيتاخر يوم برضه
يعني كده كده حيتاخر على فاكيد فيه حاجة
انا بصراحة مش مطمن

**ahmed_gamal** · 20-02-2009 11:39 PM

سبب الاستعجال انه واخد عربون من واحد كان عارض عليه 74 و اتفقوا انه لو مجالوش فيها 75 لحد معاد التسجيل اللي هو بكرة هيبعهاله
وانا وافقت علي 75 فهو عايزني اخلص معاه قبل ما يقابل الراجل التاني علشان يرجعله العربون علشان ميلغيش معاه و انا مثلا اقوله لا مش عايزها

**mada121977** · 20-02-2009 11:49 PM

والله اعلم ممكن يكون بيقولك كده علشان يخليك تتسربع وتتحرك شويه وتخلص معاه بسرعه مادام العربيه عجباك (وبدون اساءه ظن ) ... وانا من رأى الاخوه الافاضل اصبر لغايه يوم الاحد وان شاء الله اكشف عليها فى التوكيل

**amr_elrashidy** · 20-02-2009 11:50 PM

لو واخدها من واحد قريبك ماشى...انما واحد متعرفوش..اوعى..انا مرة عملت كده فى عربية فيليشيا و دفعت 75% من تمن العربية على اساس انها فابريقة بره و جوه..روحت التوكيل قالولى هى فابريقة بس طلعولى حاجات عاوزة تتعمل فى موتورها حتكلفنى 2000ج منهم خبطة فى الكارتيرة...لو انت العربية طالعة من عنيك و لفيت و تعبت من اللف روح بنزينة كالتكس عباس العقاد بس قول للراجل اللى بيكشف انك عاوز كشف شامل من ال الالف الى الياء و خليه يكشف القوايم و يبص على الشاسيه و يوصلها بالكمبيوتر..وفى الاخر برضو كشف التوكيل حاجه و البنزينة حاجه..اتمنالك التوفيق ان شاء الله

الموضوع: طلب نصيحه في شراء سياره

LinkBack

أدوات الموضوع

عرض

-

-

-

-

-

المواضيع المتشابهه

عاوز نصيحه في شراء سياره نوبير1 2000

نصيحه هامه جدا لكل من يملك سياره مكيفه

نصيحه فى شراء بطاريه

نصيحه لوجه الله في سياره جديده

نصيحه الي كل من يريد شراء سياره جديده او قديمه.

الكلمات الدلالية لهذا الموضوع

المفضلات

المفضلات

ضوابط المشاركة