الجمعية المصرية للتأمين التعاوني

**tot** · 28-08-2007 03:27 PM

الخبير بعد مالطعنى اسبوع كامل عشان يروح يشوف العربية ، جيت استلمها لقيت فى خبطة لسه فى العتب ، سالت مدير الورشة قاللى التأمين ماوافقش ع الخبطة دى ، اصلا كان عندى 3 خبطات ، فى الابواب و العتب و الرفرف ، حاجة تشل بجد ، الخبير ده اسمه سمير اديب دمترى ، هو تبع الهيئة المصرية للرقابة ع التأمين ، بس الجمعية هى اللى مختاراه اكيد عشان عارفه انه هيوفرلهم كده ، و أكيد بيدوله فلوس زيادة على كده

**mohammed magdy** · 28-08-2007 03:40 PM

طب انت مشفتش المؤيسة بتعتك من الاول

**tot** · 28-08-2007 03:43 PM

شفت المقايسة اللى التوكيل عملها ، بس ماشفتش التشطيب اللى هو عمله ده الا و انا بستلم العربية عشان ماكنتش حاضر معاهم و هو بيعاين ، و المفروض انك ماتحضرض اصلا و الا بقى كنت ابات اسبوع فى التوكيل لحد ماييجى الخبير الزفت ده

**Eng.Salah Mahdy Salama** · 28-08-2007 03:47 PM

و إنت اية بس اللي خلاك تتعاملل معاهم في الأصل؟؟؟

**analyzer** · 28-08-2007 04:13 PM

السلام عليكم
استاذ / tot امامك طريقين :

1- روحلهم فى الشركه وزعق وعلى صوتك وهدد بانك هتشتكى وتصعد الموضوع لاعلى مستوى هيلمو الموضوع ويعملولك الى انت عايزة
2- ظبط ( اسف على التعبير ) مع حد فى الجمعيه وهو هيخلصلك الموضوع ودى اسهل واسرع

والله المستعان

**PAYOO** · 28-08-2007 04:21 PM

المشاركة الأصلية كتبت بواسطة tot

الخبير بعد مالطعنى اسبوع كامل عشان يروح يشوف العربية ، جيت استلمها لقيت فى خبطة لسه فى العتب ، سالت مدير الورشة قاللى التأمين ماوافقش ع الخبطة دى ، اصلا كان عندى 3 خبطات ، فى الابواب و العتب و الرفرف ، حاجة تشل بجد ، الخبير ده اسمه سمير اديب دمترى ، هو تبع الهيئة المصرية للرقابة ع التأمين ، بس الجمعية هى اللى مختاراه اكيد عشان عارفه انه هيوفرلهم كده ، و أكيد بيدوله فلوس زيادة على كده

الموضوع بكل بساطة انك من الأول كنت تطلب تغيير الخبير لانه تأخر عليك

وأنا مش معاك انك تتهم الشركة بالكامل عشان خبير منتدب قصر معاك في شيء

وعلى أي حال انت تقدر انك تعمل معاينه تانيه مع أي خبير تاني وطبعا هايصلحولك الخبطه حتى لو قلت لهم أن دي خبطة جديده في حادثة جديده
اظن أنهم مش هايرفضوا أنهم يصلحولك حدثتك ، يعني كده كده حقك محفوظ

**mohammed magdy** · 28-08-2007 04:27 PM

هو اكيد من راي ان لو قال كده هتتصلح هتتصلح بس الفكرة ازاي الخبير ينسا خبطة فى العتب مينفعش لانها اكيد واضحة

**معاذ الشرباصى** · 28-08-2007 04:39 PM

هو اكيد من راي ان لو قال كده هتتصلح هتتصلح بس الفكرة ازاي الخبير ينسا خبطة فى العتب مينفعش لانها اكيد واضحة

هو منسيش, هو شاف انها مش مستاهلة تتعمل

**PAYOO** · 28-08-2007 04:43 PM

المشاركة الأصلية كتبت بواسطة معاذ الشرباصى

هو اكيد من راي ان لو قال كده هتتصلح هتتصلح بس الفكرة ازاي الخبير ينسا خبطة فى العتب مينفعش لانها اكيد واضحة

هو منسيش, هو شاف انها مش مستاهلة تتعمل

كلام دكتور معاذ صح

وعلى فكرة من خلال تعاملاتي مع شركات التأمين (من كتر الحوادث إللي الواحد بيعملها) لازم تكون حاضر المعاينه مع الخبير عشان تناقشه

**tot** · 28-08-2007 08:08 PM

أولا هو مانسيهاش ، هو شطب عليها بالاحمر ، ثانيا الخبطة باينة و مستعد اصورهالك و تشوفها ، ثالثا كان مستحيل انى احضر المعاينة عشان ماكنتش اعرف هو هيروح امتى و التوكيل فى العبور ، مش معقول كنت هفضل ابسوع كامل استناه فى العبور كل يوم اروحله يعنى ، رابعا انا طلبت مليون مرة منهم تغيير الخبير الرخم ده بس قالولى مابنفعش عشان هو اللى عاين اول مرة ، خامسا انا عشان اعمل سمكرة و دهان فى التوكيل رحت يوم 30 /6 و حجزولى اول ميعاد يوم 10 / 8 ، ماعنديش استعداد استنى شهرين كمان و يروح خبير و ارجع ادفع و استنى الشيك ، انا هاسيبها كده و خلاص بس مش هسكتلهم برضه هاروح اقرفهم ، و على فكرى انا أمنت عندهم بعد ماقريت الناس هنا و تحديدا payoo بيشكر فيهم ع الوقع ده ، بس بضرب نفسى بالجزمة انى امنت معاهم و مفيش داعى للحذف انا شايف ان هم نصابين ، مش فاهم حذفت الكلمة دى ليه ، ولا انتو شايفين ايه

الموضوع: الجمعية المصرية للتأمين التعاوني

LinkBack

أدوات الموضوع

عرض

-

-

-

-

-

المواضيع المتشابهه

حد جرب الجمعية المصرية للتأمين التعاونى!!!!

الحقوا الجمعية المصرية للتأمين التعاونى

الرقابة الإدارية والجمعية المصرية للتأمين التعاوني

حد جرب التأمين مع الجمعية المصرية للتأمين التعاونى؟

لجمعية المصرية للتأمين التعاوني ... خدمة سيئة للغاية!

الكلمات الدلالية لهذا الموضوع

المفضلات

المفضلات

ضوابط المشاركة