انا خلاص هيجيلي هسهس وقراع

**Sameh** · 25-02-2009 04:55 PM

أى حاجة بصندوق هترخصها نقل ، فى موديلات جالوبر ويمكن باجيرو كمان بتترخص نقل لهذا السبب

ممكن فعلاً تجيب أى عربية بيك أب وهتبا نقل بجمارك النقل المخفضة

بس اللوحات النقل ليها مشاكلها ، ويمكن يقولك تلتزم بالسرعة المحددة للنقل ! تخيل لما تبقا راكب موتور5700 سى سى ويقولك أقصى سرعة 80 !!!!!!!!!!

لو عاجباك فكرة البيك أب وال 4×4 وموتور قوى وكدة ، أقترح عليك تويوتا هاى لوكس 4×4 دوبل كابينة فى منها ديزل وبنزين 2700 سى سى موتور vvt للبنزين وبتديك كل حاجة إنت محتاجها ما عدا الشكل والبرستيج ، و فى الميتسوبيشى L200 شكلها تحفة ورياضى ، وفى حاجة فورد أعتقد إسمها رينجر
وعموما ميزة التويوتا أو الميتسوبيشى هيكون التوفير الرهيب فى إستهلاك الوقود بالنسبة للوحش اللى إسمه رام ، ده غير إن الصيانة هتبى أسهل كتير أوى وكمان حجمها مناسب لشوارع مصر وركنات مصر وكدة ، وبعدين تقدر تبيعها بعد كدة بسهولة نسبياً عن الدودج

**M.Mokhtar** · 25-02-2009 04:58 PM

المشاركة الأصلية كتبت بواسطة Sameh

بس اللوحات النقل ليها مشاكلها ، ويمكن يقولك تلتزم بالسرعة المحددة للنقل ! تخيل لما تبقا راكب موتور5700 سى سى ويقولك أقصى سرعة 80 !!!!!!!!!!

مش يمكن
ده اكيد
هتلتزم بسرعه النقل
وكمان مش هتمشى فى الطرق اللى ممنوع يمشى فيها النقل

يعنى اطفش من البلد احسن

**max_ziro** · 25-02-2009 06:16 PM

فى واحد عندنا معاة كاديلاك كلورادو و دى بردو بيك اب و يمكن حجمها حجم الرام مرة و نص المهم الراجل دة ماشة بيها مؤقت و تجارى بقالة ييجى سنة و شوية ..و بصراحة انا مشعارف فكرة التجارى دى اية بس اعتقد انها بفلوس كل يوم يعنى نص جنية او حاجة كدة الله اعلم شوف صلاحية الموضوع دة ....

**Karim_Monir** · 25-02-2009 09:54 PM

الجمارك على النقل 5% فقط تقريبا حسب ما قريت
وفعلا لو دخلتها ملاكي هاتدفع تمنها بجماركها يعني حوالي 700 الف تقريبا
افتكر ان غادة عاد معاها واحدة ومرخصاها نقل وبتعاني من عدم طلوع الكباري وممنوع شوارع رئيسية زي صلاح سالم وكدة غير بعد 12 بالليل وسرعة 80 وتمشي يمن الطريق وشوية افلام مالهاش لازمة
اه
وممنوع من دخول الاماكن الهامة والاستراتيجية زي الفنادق الكبرى وكدة

**aif** · 25-02-2009 10:42 PM

وكمان النقل لازم يطلعلها بطاقة ضريبية وتعمل تأمين على سائق و تسوقها برخصة مهنية مش خاصة .... وتتحمل سخافات رجال المرور البواسل
على فكرة ايجار لوحات التجارية 80 بندق في اليوم .... ومش متوافرة

**aif** · 25-02-2009 10:50 PM

المشاركة الأصلية كتبت بواسطة MoToRiZeR

هههههههههههه الراجل داخل الموضوع بمشكلة واحدة .. هيطلع منه بأمراض !

معلش يا VTC شكلك إتعقدت من الردود

اكيد يا محمود

اللي عاوز يسوق لودر زي الدودج دي .... لازم يعاني ....كفاية القر اللي ح ياخده طول ماهو ماشي ....
تخيل واحد راكب زاستافا 750 او 126 يلاقي الايرباص ده معدي من جنبه ... اكيد ح يقر و ينق عليه لآخر مكرم عبيد

-

-

-

-

الموضوع: انا خلاص هيجيلي هسهس وقراع

LinkBack

أدوات الموضوع

عرض

-

-

-

-

-

المواضيع المتشابهه

هيجيلي شلل بجد حرام

أنا خلاص خلاص بجد بقيت نيساناوى بجد

البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

بلي العجل جابلي هسهس في دماغي

خلاص .. خلاص بجد .. دي مش عيشة بني أدمين

الكلمات الدلالية لهذا الموضوع

المفضلات

المفضلات

ضوابط المشاركة