تحذير للمترددين علي المهندسين و الدقي

**MoToRiZeR** · 21-02-2009 04:26 AM

مساء الخير يا جماعة، حبيت ألفت نظركم لحاجة .

دلوقت فيه إشارتين مراقبين إلكترونياَ من فترة واحدة عند المصل و اللقاح و إنت داخل البطل أحمد عبد العزيز .. و واحدة في نص جامعة الدول في الإتجاه اللي رايح علي شارع السودان (اللفة بتاعة مصطفي محمود) .

فيه شئ مهم بالنسبة للإشارتين

إحنا متعودين إن لو الإشارة مقفولة بس إحنا داخلين الإتجاه اللي الإشارة ماشية فيه بنخش عادي بدون مخالفة .

مثال : إنت ماشي في شارع ثم إشارته توقفت عشان تفتح للشارع العمودي عليه في مفترق للطرق ، و لكن إنت مش مكمل طوالي ، لأ هتخش يمين مع الشارع اللي ماشي .

في العادي بنعمل كدة و عادي مبناخدش مخالفة .

الإشارات الألكترونية بتصور اللي بيعمل كدة، يعني إنت ملزم بالوقوف مدام الإشارة حمراء حتي لو داخل في إتجاه إشارته خضراء + الكاميرا بتصور اللي بيقف علي خطوط عبور المشاه .

انا حبيت أقولكم لأن كل يوم بالليل بشوف عربيات بتتصور في الإتجاه اللي ماشي من غير ما تاخد بالها ، و غرامة كسر الإشارة مش هينة خالص خاصة لو أكتر من مخالفة !

توقف في الإشارة الحمراء مهما كان إتجاهك .. توقف قبل خطوط عبور المشاه (قبل الخط الأبيض) .

**Karim_Mohy** · 21-02-2009 05:51 AM

شكرا يا motorizer و عقبال ما كل الناس تحترم الاشارة و تتعمم في الاشارات كلها

**Samir Elshahawy** · 21-02-2009 08:14 AM

شكرا يامحمود علي التحذير ده

و ياريت الناس كلها تلتزم بالاشارات و الاتجاهات علشان العملية تتظبط شوية

و ربنا يهدي الجميع

**eng.octooo** · 21-02-2009 08:17 AM

اووووووووووووووو شكرا على التنبية

**Ahmed REDA** · 21-02-2009 08:31 AM

انا بعدي علي اشارة مصطفي محمود كل يوم و انا رايح الشغل و فعلا زي ما موتو بيقول الاشارة متصورة و علامات مشاة لازم تقف قبلها
بس الكمين بقي انهم بيسيبوها بالبل من غير اي ادارة بشرية

انا جي باللبل مرة من الحتة دية و لقيت الاشارة حمراء و وقفت قبل العلامات و مفيش حد واقف سواق تاكسي واقف ورايا و شغال كالاكسات (ماهو مفيش حد واقف بقي) انا كنت ساعتها والله معرفش انها متراقبة و بتصور
المهم لقيت سواق التاكسي راح جايب ورا شوية و عدي من جنبي و بيبصلي شزرا
انا طنشت و يا ولداة الرجل مكملش و لقي فلاش راح ضارب و انا كمان اتفاجات و اضحك عشان الصورة تطلع حلوة
الراجل اتثبت و اول ما الفلاش ضرب راح ولقف كدة و مش عارف يعمل اية عملة زي ما يكون اتمسك بيغش في امتحان
شكرا موتو علي النصيحة
كانت علي طرف لساني

**Abo_Lina** · 21-02-2009 11:57 AM

خطوة جيدة لفض الاشتباك بين المشاة و قائدي السيارات
يا رب تعمم و يتم ايضا معاقبة من يحاول عبور الطريق من المشاة و الاشارة خضراء

**sobhysm** · 21-02-2009 12:46 PM

شكراً يا باشا على هذا التحزير وربنا يسترها معانا

**mrghost** · 21-02-2009 02:02 PM

ياريت الحكايه دى تعمم فى مصر كلها بدل الاختناقات اللى بتحصل فى الشوارع

**Falcon.Crest** · 21-02-2009 03:14 PM

الحمد لله اخيرا في شويه تحسن

**aratux** · 21-02-2009 03:37 PM

بس المفروض لو انت داخل يمين مع الإشارة ده طريقك عادى (مروريا)

الموضوع: تحذير للمترددين علي المهندسين و الدقي

LinkBack

أدوات الموضوع

عرض

تحذير للمترددين علي المهندسين و الدقي - انشر الموضوع فى :

-

-

-

-

-

-

-

-

المواضيع المتشابهه

محدش يعرف مركز بيدي كورسات انجليزي كويس في المهندسين او الدقي

تحذير من الركن عند مركز البحوث في الدقي

مطلوب مكتب للإيجار في الدقي أو العجوزة أو المهندسين

عاوز أكشف على عربية في بنزينة كويسة في محيط الدقي-المهندسين

الكلمات الدلالية لهذا الموضوع

المفضلات

المفضلات

ضوابط المشاركة