-
تاجير السيارات مناقشة
انا حبيت افتح موضوع تاجير السيارات دة ومكاتب تاجير السيارات .. لعدة اسباب اولها لانى انا بسمع عنها من زمان وعن مشاكلها لاكن الحمد لله مأجرتش عربيات
لغاية ماطلعت رخصة وجبت عربية ولاكن اما كنت فى الصعيد اضريت انى اروح ااجر عربية من احدى مكاتب التاجير وافضلهم من حيث السمعة على اقوال المعارف
المهم رحت واستفسرت على الانسر قالى العربية دى علشان الناس الى جاية معاك والواجب هحسبلك اليوم بـ 250 جنية ... قولت مش مشكلة قالى كمان هتمضى
على 3 شيكات على بياض وعقد ايجار قولتلة لا شكرا وروحت مشيت ..... نرجع لموضوعنا الاساسى ... هل الكلام دة حق صاحب المحل ولا اية ؟؟؟
انا الى اعرفة انى عقد الايجار دة كفاية لوحدة وبيضمنلة حقة ؟؟؟ و لية 3 شيكات على بياض والعربية اساسا متامن عيها ...؟؟ وانا سمعت كتير عن ناس اجرت عربيات
وخبطتها خبطة بسيطة متكلفش 500 جنية بلاقيهم بياخدو منهم 3000 او 4000 ويقولو دة تمن تصليحها فى الوكيل او خربشة بسيطة فى الاكصدام ويقولو غيرلى الاكصادم كلة
كمان سمعت من واحد محامى انو واحد اجر عربية ومضى شيك ورجع العربية وتمام وخد الشيك بتاعة ولاكنة فوجى بعدها بان شخص قدم الشيك للنيابة وطبعا
الى حصل ان صاحب محل تاجير السيارات ادالة شيك مزور واخد هو الاصلى مكانة .... كمان ساعات كتير بيحصل انو الشخص بيكون واخد العربية فيها حاجة بايظة او حاجة
خلاص هتبوظ من سوء استعمال الاخرين وتيجى فى وشة هو ويدفع تمنها..... فى كل الحالات بيكون الشخص الى بياجر دة ممسوك من ايدة الى بتوجعة؟؟
وطبعا اغلب الى بيوقعوا فى المشاكل دى الشباب .. لقلة خبرتهم او للتهور او .. او ... وطبعا علشان يتمنظر بالعربية او علشان يوم فسحة يخسر قدامة كتير ....
ياريت الناس الى تعرف اى حاجة عن موضوع تاجير السيارات دة ياريت تفيدنا بيها والى بيفهم فى القانون ياريت يقولنا اية الاحتياطات الى تتعمل علشان الواحد
ميقعش فى مشكلة وياريت الى حصل معاة اى موقف فى الموضوع دة يحكيهولنا علشان الكل يستفيد منة ؟؟
-
انا اجرت عربيه دايو من سنه بظبط
اجرتها 12 ساعه كونت رايح مشوار مهم لى القاهره وعربيتنا كانت بايظه
كسرت مكنه معايا وانا راجع .. وكنت لا شوفت زيت ولا غيره
وكونت ماضى على 50 الف جنيه تمن العربيه .. انا مبمضيش على بياض نهائى مهما حصل
دفعت فى الحوار ده كله 4 تلاف جنيه مكنه دا غير المكنه الى خدها خرده بالف
دفعت علشان ماضى على 50 الف جنيه غير كده مكنتش دفعت الف جنيه
لسبب ان العربيه كل الناس ركبتها طلعو عينها جات عليا واخدتها الزيت ناقص اساسا وكسرت معايا المفروض مكنتش اشيل اكتر من نص تمنها بالكتير اوى
موضوع الايجار ده موضوع فاشل بالثلث .. و90 فى الميه من اصحاب المكاتب نصابين
-
كلا مك صح بس فى الاول والاخر انت الى غلطان علشان مستلمتش العربية صح وبرضو فى ناس بتوع مكاتب محترمين اوى
-
بصراحه انا برضه بخاف اوى من حكايه شيك على بياض مش ممكن يستغله ضدى لو هو نصاب فعلا؟
-
انا باجر بس الراجل معرفة وصديق العائلة و دة بيدينى العربية حتى بدون ماامضى على حاجة ومابيكونتش عاوزنى ادفع تمن اليوم بس انا الى بادفعة علشان ماتقلش علية بس هوة موضوع انك تمضى على بياض دة مقلق شوية
-
لازم يكون حد معرفة ومعرفة كويسة مش اي كلام غير كدة يستحسن بلاش عشان فعلا النسبة الكبيرة فيهم نصابين
انا أجرت فيرنا مرة تلات أيام مع اتنين أصحابي عشان نروح الغردقة ورجعناها زي ماخدناها وكنت انا اللي ماضي على العربية
ومرتين أجرت اكسيل بس كانوا عربيتيتن تعبانين شوية لكن أدوا الغرض بتاعهم
المهم هو المعرض دايما بيفترض سوء النية في اللي بيأجر منه العربية عشان كدة بيبقى عايز يأمن نفسة كويس بس حكاية انه ياخد الشيك الأصلي ويرجع شيك مزور دي مرعبة أوي وفعلا الواحد لازم ياخد بالة من الحكاية دي شكرا ياباشا أوي على النصيحة دي عشان كدة يفضل فعلا لازم تبقى عارف المعرض كويس اويييي
-
انا ليا واحد صاحبى كيفه تاجير العربيات وبصراحه هوه انسان مفترى بيهلك العربيه بطريقه غبيه فقولتله حرام اللى بتعمله فى العربيه ده راح جاوب وقالى انا مش دافع فلوس فيها اعمل فيها اللى يريحنى بينى وبينكم مردتش عليه
-
أنا عمرة ما اجرت عربية ولا هأجر باذن الله..
بجد مخاطرة ..
-
حوار تأجير العربيات ده حوار ملوش لازمه والله وانا بكرهو اوووووى
انا صحابى اجرو عربيه لانسر وكانو ريحين مطروح وهما ريحين اتقلبو بيها الحمد لله طلعو سلام بس العربية كلفت 35 الف جنيه والله كانو بيشحتو والله
فا هو حوار ملوش لازمه خااااااااالص
انما لو عربيه بسواق كده تبقى تمام معقوله انما غير كده لالالالالالالالالالا
-
على فكرة ياجماعة دلوقتى بقى مكسب مكتب التأجير مش فى الايجار دة فى اللى يقدر يطلعة منك وانتا بتسلمة العربية .وكتير بيطلب فلوووس مبالغ فيهااا جدااا او يقولك صلحهالى فى التوكيل ولو هو اللى بيصلح مش هيروح التوكيل خالص .عشان كدة انا قررت انى مأجرش عربيات خالص الا لو من واااحد اعرفة
Content Relevant URLs by
vBSEO 3.6.0 PL2