الموضوع: لمبه الايرباج منوره اعمل ايه يا وحوش

تامر انا كمان عندي كده




بس انا اشتريتها كده والتوكيل قالولي هتروح لما يعملولها فورمات بالكمبيوتر

بس اتوقع انه حالتي تختلف عن حالتك لأنه اشتغلت معاك اللمبه وانت ماشي

خلي بالك يا تامر من عيون الناس دول مش سايبين حد في حاله

وربنا معاك يا حبي

ياريت يا جدعان الي عنده أي معلومه يفيد تامر :S

وربنا يقومها بالسلامه :)

المشاركة الأصلية كتبت بواسطة tamer_samy

السلام عليكم و رحمه الله و بركاته
امبارح و انا ماشي بالعربيه اذا بلمبه الايرباج منوره و لمبه الSirves منوره
انا مش عارف ايه المطلوب مني اعمله
انا النهارده و انا نازل الشغل لما بلف الدركسيون يمن او شمال بسمع صوت احتكاك من تحت الطاره
ده ممكن يكون الشريط و لا ايه انا مش عارف اروح التوكيل و لا اعمل ايه
افيدوني افادكم الله

خير ان شاء الله يا بو تامر
بالنسبة للاير باج يا اما السينسور معلق يا اما فى مشكلة فى قاعدة الاير باج
-بالنسبة للطارة مقدرش أفيدك و فى كل الأحوال لازم تروح التوكيل فوررااااااااااااا عشان لو فى مشكلة يحلوها

ميزو حبيبي ربنا يكرمك و يطمنا عليك دايما
انا عارف هي العربيه زعلانه مني فبتدلع علي بس دلعها معكنني
لاني لي كام يوم سايبها و معايا العربيه الصغيره
بس انا كنت يوم في المرور القديم والشهر العقاري
و ثاني يوم كنت في المرور بتاعي بسجل و بنقل ملكيه
و ثالث يوم كنت بعمل صيانه للعربيه يعني سيور و فلاتر و زيت امبارح كنت بروش العربيه طاسات و ستكرات و بشحن التكييف فريون لانو كان ناقص
النهارده اول يوم اركبها هي المدام خرجت بيها امبارح مشوار صغير

تامر ده فعلا شريط الايرباج لانه حصل عندي قبل كده وغيرته ممكن تجيبه استيراد مش لازم جديد وطمني عملت ايه

انا كلمت ايمن في التيليفون و قاللي ده في الغالب فيش الايرباج اللي تحت الكرسي حاولت فيها و لكن دون جدوي
المهم روحت الرحاب عند فرنش موتورز خالد الزيني وكشف ثم وصل العربيه بالجهاز و قاللي ده شريط الايرباج مقطوع قاللي هو سعره جديد 1800 جنيه او ممكن تشوفه استيراد و راح طافي لمبه الايرباج
السؤال دلوقتي هو شريط الايرباج ايه اللي يقطعه ان مش عارف
انا سالت عليه استيراد في حدود 450 جنيه

انا اقولك ايه الي حصل معاك

انت وانت ماشي بالعربيه كان فيه واحد وراك انا اخدت بالي منه وسمعته وهو بيقول
يالهوي عالميجان الي قدام دي شديده اوي

انا سمعته قال كده من غير ما يقول ماشاء الله او اي حاجه

بصيت عندك في العربيه لقيت لمبة الايرباج ولعت

وشفتك وقفت بالعربيه وطفيتها وشغلتها وما راحتش اللمبه

ومشيت وانت قاعد تبرطم... صح؟؟؟

الحمد لله على كل حال يا تامر والناس الي زي كده كتيييييييير

على فكره كل ده بيجيلي عالسعوديه بث مباشر (انا باخد بالي منكم يا وحوش)

الحمد لله مرة تانيه انها جت على قد كده ولو ناوي تصلحها خليك في الشريط ابو 450

بس لازم تغيره يا تامر طالما في حد غيرك بيستخدم العربية

وبالتوفيق يا كبير

قدر الله و ما شاء فعل
الحمد لله علي كل شي
الله يجازيك يا ميزووو والله ضحكتني ربنا يباركلك