عرض للطباعة
بفضل الله بقيت شبه محترف(مش هاقول محترف لان السواقة مالهاش كبير) خلال شهر واحد من انتهائى لمدرسة تعليم القيادة وده لكذا سبب
اولا لانى بعشق حاجة اسمها العربيات وسواقة العربيات
ثانيا لانى عايش فى مدينة بلبيس وما ادراكم ما بلبيس. اسوأ -ومحدش يقول انى بهيس-من القاهرة بمراحل لان معظم اللى بيحصل فى القاهرة موجود فى بلبيس بالاضافة ان تقريبا بيبقى المسافة بين عربيتك وبين العربية المقابلة على ما اظن 10سم وعلى سرعات عالية داخل المدينة يعنى اى غلطة بخبطة
ثالثا لانى كنت قبل ماتعلم كنت براقب اى حد بيسوق بتمعن وده اللى خلانى فى اول يوم تعليم ماغلطش ولا غلطة واللى بيعلمنى ودانى على طريق سريع فى اول مرة
ودة مش غرور ده كلام كل واحد بيركب معايا على جميع السرعات ومابيصدقش انى لسة متعلم وساعات بيقولولى انى بسوق احلى من بابا(اللى بيسوق من اكتر من35 سنة واتعلم وهو عنده15سنة)
ونصيحة اللى عايز يختبر نفسه فى السواقة ييجى يمشى جوة بلبيس:36_1_2[1]:
كان راكب معايا واحد من مدينة نصر وقاللى انه اتعقد من السواقة عشان البلد دى مع انى انا اللى كنت بسوق:b4_282:
وبجد اللى بيحب السواقة ممكن يبقى محترف فى زمن قياسى
واسف على الاطالة
بالفعل السواقة ملهاش كبير
بدليل أن إحنا كل يوم في الطريق بنشوف حوادث كبيرة جداً عاملها سواقين محترفين سواقة ولهم خبره لا يستهان بها.
كأنك قاعد و مربع جوة دماغي و عمال تقلب في صفحات المخاقتباس:
أنا عن نفسي شايف إن علامة التمكن في القيادة هي أمر واحد فقط
ألا وهو البعد عن الخطر
يعني تقدر تسوق بتمكن وتتعامل مع كل ظروف القيادة الصعبة والطريق مهما كان
لو الطريق هادي تكون هادي ومحترم
ولو الطريق مجنون تقدر تسايره وتتفادى أخطاء الغير ومتخافش
ولو الطريق مفتوح قدامك تسوق حسب إمكانيات عربيتك مع تقدير أي ظرف طارئ
ولو الطريق زحمة تقدر تتحكم في أعصابك وتصبر على الغباء وتتعامل معاه
نفس الكلام الي عايز اقوله
و لازم تمشي محترم و ما تخليش الي حواليك يخلوك تسوق زي ما هما عايزين لازم دايما تسوق زي ما انت شايف و حاسس الطريق يعني محدش يجبرك انك تعمل حاجة انت شايفها غلط يعني تزود سعتك في حتة ما ينفعش فيها تزود سرعة
و قفت علشان تعدي حد و الي واقف وراك مش عاجبه مع ان الي انت بتعمله الصح
مثلاً واحد جاي من يمينك و عمال يقلبك نور علشان يعديك
اعرف ان انت الصح و لو الطريق ما يسمحش انك تعديه ما تعديهوش علشان سلامتك و سلامة غيرك
هو ممكن نقول بعد شهر تبقى بتسوق كويس
لكن الواقع انك طول عمرك بتتعلم طول مانت
بتسوق كل يوم بتركب عربيه بتذيد خبرتك فى السواقه
لان عندك ما بعد السواقه
انك تكون مثلا خبير فى الطرق واماكنها
والاهم بقى انك تعرف كل طريق بتمشى فيه
بيكون فيه كام مطب وبلاعه وحفره واصلاح
لان الحاجات دى بقت من قواعد المرور الاساسيه