فى سباق سرعة تفوق للاوبترا على الفيكترا

**hisham132** · 21-02-2009 01:23 PM

الامس فى تمام الساعة 1.30 صباحا
المكان السويس طريق بور توفيق
اليكم الاحداث

انا كنت مروح البيت بعد ما سبت صحابى و الطريق فاضى و الامور تمام
بعد شوية ظهرت الفيكترا مسرعة من الخلف و عدى و انا ولا فى الدماغ بعد ما عدى هدى وادانى اشارة يمين فى شمال وقعد يكررها
المهم انا بقى سخنت اوى اوى
رغم ان دة مش طبعى
المهم هو اسنتى بعد معدى المطب لحد ما وصلت و ابتدينا نشد على الغيار التانى فضلنا جنب بعض و فى اخر نفس الغيار ابتديت افرق عنة ونقات للتالت و فرقت كتير
هديت تانى و عديت مطب و ابتدينا تانى و كانت نفس النتيجة و سبتة يعيط وروحت:POINTI~2[2]: و انا فرحان بالعربية اخر حاجة
انا حبيت اعرف اى حد معا اوبترا انها تستحق الاحترام
ولا تدع اى احد يهز ثقتك بيها

**hisham132** · 21-02-2009 03:09 PM

متشكر اوى يا رجالة على الردود:k30:
ودة يشجع الواحد انة يكتب موضوعات تانى او يشارك فى موضوعات تانى

**kliken** · 21-02-2009 04:25 PM

يا باشا ما تزعلش اوى كده بس ما حدش هنا هيحب انه يشجعك على السرعه و التهور و الشد اللى اخرته مش حلوه و ربنا يسترها معانا جميعا
و شكرا

**speed4speed** · 21-02-2009 04:27 PM

هى الفيكترا موديل كام ؟؟؟
مش كل حاجه سرعه ... فى عناصر ثانيه كثير و منها العفشه فى الثبات و الفرامل
يعنى انت ممكن تمشى بعربيتك 200 بس الفيكترا لما تمشى 200 فى فرق كبير قوى فى الراحه النفسيه و دى مهمه جدا ( ثبات و abs وخلافه)
مبروك عليك الريس الى عملته مع الاوبل

**ابو فرح** · 21-02-2009 05:56 PM

المشاركة الأصلية كتبت بواسطة kliken

يا باشا ما تزعلش اوى كده بس ما حدش هنا هيحب انه يشجعك على السرعه و التهور و الشد اللى اخرته مش حلوه و ربنا يسترها معانا جميعا
و شكرا

وربنا يكفيك شر السرعه

**Hosam_Optrawy** · 21-02-2009 06:25 PM

وارد طبعا انك تسبق الفيكترا
لان اصلا الاوبترا 107 والفيكترا 105
يعنى مفيش فرق تقريبا
طبعا فى ناس هتقول انت هتجيب موتور الاوبترا لبتاع الفيكترا
هاقوله مش فارقه مادام الاوبترا هورس باور اعلى والفيكترا كمان وزن اتقل
فمحدش يبص للموضوع بنظره سطحيه ويقول ان مش عادى الاوبترا تسبق
والعربيات الغاليه مش شرط تبقى اسرع
بتبقى اغلى عشان حاجات تانيه
بلد الصنع وكماليات وامان وثبات ... الخ
وشكرا على موضوعك

**MedaSam** · 22-02-2009 05:09 PM

أنا قرأت في البروشور بتاع الأوبترا ان العزم بيصل أقصاه عند 3600 rpm و أعتقد علشان كده انت فرقت عن الفكترا على التاني و التالت ..... بس في ال top speed أعتقد الفكترا هتفرق .... هيه موديل كام الفكترا أصلا؟ ..... أنا مش متأكد برضه من ال top speed بتاع الأوبترا ...... هيه اخرها كام؟

**khattab_1989** · 23-02-2009 05:18 AM

أنت 100 100 يا هشام
أنت قولت إنك الأول مكانش في دماغك و بعدين هو نرفزك و أنا مع إني هادي كنت عملت اللي أنت عملته

**youssefmustang** · 24-02-2009 01:26 AM

عمر الالمانى ما يتغلب الا ويكون فيه عيب لكن من رابع المستحيلات ان الشفيروليه اوبترا الكورى تغلب اوبل فيكترا المانى انهى عقل اللى يقول كده انت ممكن يكون اللى ساعدك ان عربيتك لسه جديدة او لسه ملينة وبحالتها لكن حط فى دماغك انك عمرك ما تفكر تغلب اى حاجة المانى طول ما انت معاك الكورى مع احترامى لكل من يملكون سيارات كورية الصنع
جرب بنفسك سوق البى ام او الميرسيدس او اوبل حتى لو موديل قديم وانت تعرف الفرق
اخوكم يوسف

-

الموضوع: فى سباق سرعة تفوق للاوبترا على الفيكترا

LinkBack

أدوات الموضوع

عرض

فى سباق سرعة تفوق للاوبترا على الفيكترا - انشر الموضوع فى :

-

-

-

-

المواضيع المتشابهه

لعبة سباق السيارات Lost Road Races - احدث العاب سباق السيارات بالصور للتحميل 31 ميجا

تفوق مصري جديد في مستوي معيشة المصريين!!!!!!!!

سر تفوق اليابانيين

استفسار بخصوص اقصى سرعة للاوبترا وهل هي ثابته ام لا

الكلمات الدلالية لهذا الموضوع

المفضلات

المفضلات

ضوابط المشاركة