وانا جاي من اسكندرية الصحراوي عايز اروح شارع الاوتستراد عند نادي الزهور هل يوجد طريق اخر غير المحور و15 مايو وشكرا
عرض للطباعة
وانا جاي من اسكندرية الصحراوي عايز اروح شارع الاوتستراد عند نادي الزهور هل يوجد طريق اخر غير المحور و15 مايو وشكرا
نا شخصياً هاخد المحور وبعد كده 15 مايو لحد منزل الزمالك وأفضل ماشي في الزمالك لحد النادي الأهلي وبعد كده أخش شمال مع العربيات وقبل كوبري قصر النيل هاخش شمال تاني وهاطلع كوبري أكتوبر وأنزل نزلة صلاح سالم ومنه إلى شارع يوسف عباس ونادي الزهور.
أنا بافضل نزلة الزمالك عن نزلة الكورنيش عشان إشارة عبد المنعم رياض رخمه، ده غير الزحمه اللي هناك.
ممكن لما تنزل من المحور بدل ما تطلع مايو ادخل العجوزة واطلع اكتوبر من عند العجوزة
او ممكن تدخل الهرم جيزة صلاح سالم
بس خد المحور ومايو ده الاحسن ولو لقيت مايو زحمة ادخل من عند نادى الزمالك ومتطلعش مايو وخد يمين هتلا قى نفسك ف ش جامعة الدول وخد اليو ترن ومتطلعش من المطلعين بتوع مايواللى هتلاقيهم امامك وكمل ارضى اقصى اليمين وخد يمين ف العجوزة والكورنيش شمالك ع طول لغاية ماتلاقى مطلع اكتوبر ع يمينك بعد نعمة بشوية
ياعزيزى كمل صحراوى للاخر عدى نادى الرمايه خش يمين على المنصورية ( اول يمين) بعد مطلع الهرم كمل هتلاقى مطلع الدائرى بعد حوالى 4 كم اطلعه افضل ماشى لغايه نزله الاوتو ستراد اللى بعد ما تعدى النيل بحاولى 5 كم افضل ماشى حاولى 5 كم بقيت عند نادى الظهور وكده بعدت عن الزحمه كلها خللى بالك السرعه على الدائرى 90 والردار بعد ماتعدى النيل على طول