-
سؤال عن المياه الخضرا
انا لما جبت عربيتي البيجو الراجل اللي انا اشترتها منه كان بيحط مياه عادية في الرديراتير بس انا عايز احط مياه خضراء علشان احافظ عليها بس الناس خوفوني من المياه دي قالولي ان لو في اي صدا المياه الخضراء حتيوظ كل حاجة فلازم تحطها علي نظافة ولازم تفضي الهوا قيل ماتنضف الرديراتير ولو حطيت المياه الخضرا من غير ماتعمل كدة ممكن طلمبة الياه تبوظ او الرديراتير يتخرم!!! فا اعمل اية؟
-
انا اول مرة اسمع الكلام ده
بس هو عموما لازم تحط المياه الخضرا على نضافة والا يبقى مالهاش لازمة
يبقى تروح لواحد بتاع ردياتير محترم يغسلك دورة التبريد كلها ويحطلك مياه خضراء ويستحسن تكون موبيل اكيد هتبقى احسن بكتير للعربية من المياة العادية
وممكن فى البنزينة نفسها بعض بنزينات موبيل بيعملوا الموضوع ده برضة يغسلوا دورة التبريد ويحطولك المياه الخضرا بس العربية هتاخد معاك حوالى 6 لتر يعنى هتشترى جالونين تستعمل واحد ونص
بس فعلا غريبة ان الراجل يحط مياه عادية
-
بالنسبة للهوا طبيعى وهما بيغسلوا هيفتحوا الهوا ولما يجى يحط المية هيظبطلك برضه الهوا ولو حبيت تزود لاى سبب فى اى وقت لازم تفتح مكان الهوا
لكن لو الردياتير مظبوط مش هتحتاج تزود هتغير المياه بس كل فترة
-
الميه الخضرا عمرها ما تضر العربيه .
لو لون ميه الردياتير ابيض خالص يبقي الدوره كلها سليمه و نزل الميه كلها و زود ميه و انت مدور العربيه و دوس بنزين كل ما تزود لحد ما تاخد الهوا بتاع دوره التبريد كله .
لو الميه لونها مدي علي بني معني كده ان في صدأ يبقي تروح تنضف الردياتير عند واحد نضيف و تملاه ميه من الحنفيه عادي اول يومين و تشوف في تسريب او في اي حاجه غلط من شغله ولو ملقيتش تروح ليه تاني ينزل الميه و يحطلك الميه الخضرا بدل ما تحطها من الاول و تلاقي تسريب و تروح فلوسك علي الارض.
و الف مبروك العربيه :)
-
لا و فى حاجه مهمة جدا... نوعية المية
بتاعت موبيل حاميه اوى و بتاذى الموتور يقولون اها بتاكل وش السلندر
و فى واحد شغال فى الردياتيرات قال لى ان مره واحد استعملها و مشى بيها مشوار طرمبة الميه باظت. و نصحنى انى استعمل المياه الزرقاء اللى جايه من السعوديه speedo
-
ميه زرقا ولا خضرا ولا بمبا حتى متفرقش أي حاجة في لون المية !!
الميه الملونة دي أو ماء الرادياتير له وظيفة وهية إنها بتعلي درجة غليان الميه، يعني مثلاً بدل ماتبقى درجة الغليان 100 تبقى 110 وده على سبيل المثال.
وده المستعمل في البلاد الحارة زي بلادنا عكس بقة اللي بيستخدم في البلاد البرد بيحطوا Anti Freeze مضاد للتجمد وده يقلل من درجة تجمد الميه عشان الواحد ميصبحش يلاقي الرادياتير مثلاً مفرقع عشالن الميه أتجمدت وزي ما كلنا عارفيين الميه لما ببتجمد بتاخد حيز اكبر من حجمها.
طبعاً يفضل أنه تتغسل دورة التبريد كل فترة ، مرة في السنة على الأقل وده لضمان انه ميبقاش فيها صدا ، وفي بعض الكيماويات المستخدمة في الغسيل تشيل الصدا المتراكم.
يا محمود يفضل تغسل دورة التبريد قبل متحط الميه الخضرا وكمان لازم تعمل إستنزاف للهوا من دورة التبريد وأنت بتحط الهوا عشان ميفضلش الهوا جوا يبخر الميه وتفضل تنقص منك وده مش بإنك تدوس بنزين في بلف ميه لازم يتفك وانت بتحط ميه عشان يخرج الهوا لغاية ما القربة او الرادياتير يتملي والبلف يجيب ميه بس مش بخار مع ميه. ساعتها تقفل البالف وبعدين غطا الرادياتير او القربة وتبقى ضمنت ان مش حيحصل تبخير للميه.
اما اللي قال ان الميه الخضرا بوظت طلمبة الميه فده كلام فارغ وإن حصل تبقى صدفة بحتة.
-
الموضوع دة حسب نوعية المية و حالة الترمبة . فنوعيم المياة الرديئة فعلا ليها تاثير سيئ حيس انها تسبب تاكل الرداتير و تعمل ترسيب على اجزاء دورة المياة .
اما فر حالة صدا الترمبة او بعض اجزاء دورة التبريد , فمزيل الصداالموجود فى المياة الخضراء يقضر على عمر الجزء الضعيف نتيجة ازالة الصدا
-
صح جداً يا ميشو ده ممكن كمان الميه لو نوعية اي كلام تعمل املاح وتآكل في الرادياتير
Content Relevant URLs by
vBSEO 3.6.0 PL2