يا شباب المنصورة : حد يعرف صنايعى كويس يظبط الشكمان ؟

**Lion_Heart** · 21-02-2009 06:55 PM

يا ريت تدلونى على صنايعى كويس يظبط الشكمان و يثبته كويس و يكون بيفهم ؟
يا ريت تدلونى على اسمه و مكانه .....
مع الشكر .

**Lion_Heart** · 21-02-2009 10:19 PM

ياترى فى حد كويس و لا ايه ؟

**Lion_Heart** · 22-02-2009 01:58 AM

المشاركة الأصلية كتبت بواسطة Lion_Heart

ياترى فى حد كويس و لا ايه ؟

..........

**Lion_Heart** · 22-02-2009 10:49 AM

المشاركة الأصلية كتبت بواسطة Lion_Heart

ياترى فى حد كويس و لا ايه ؟

..............

**ehabbasha30** · 22-02-2009 10:50 AM

هو الشكمان محتاج حد مهندس؟
اى حد ممكن يشتغل فية كلهم زى بعض
عندك فى المجزر اتنين جنب بعض وفى شارع حسين بك فى اخرة اتنين قصاد بعض
وعندك فى الحسينية وقصاد سوق الجملة.......
كتير اوى

**Lion_Heart** · 22-02-2009 11:08 AM

المشاركة الأصلية كتبت بواسطة ehabbasha30

هو الشكمان محتاج حد مهندس؟

مش مهندس ولا حاجة لكن عاوز حد بيفهم مش يقطع و يلحم وخلاص .
شكرا لك ولردك يا أستاذ ايهاب

**ehabbasha30** · 22-02-2009 11:31 AM

المشاركة الأصلية كتبت بواسطة Lion_Heart

مش مهندس ولا حاجة لكن عاوز حد بيفهم مش يقطع و يلحم وخلاص .
شكرا لك ولردك يا أستاذ ايهاب

انا مقصدش اى حاجة وحشة والله ولا قصدى اتريق
انا قصدى اقوللك ان كلهم زى بعض و مفيش فروق فظيعة بينهم ... وشغل الشكمان اصلا هو قص ولزق الا اذا كنت عاوز تغير الشكمان كلة
ومتقلقش من الصنايعى طالما ان اللحام تمام يبقى مفيش مشكلة ان شاء الله
وانت هتعرف دة بنفسك لان لو اللحام مش مظبوط هتسمع صوت عالى فى الشكمان او ممكن تسمع صوت تنفيس لما تكتم فتحة الشكمان من ورا باى فوطة عشان السخونة وتسمع لو سمعت صوت سرسوب هوا يبقى لسة عاوز لحام
روح الحسينية او اللى قصاد سوق الجملة

**Lion_Heart** · 22-02-2009 02:27 PM

شكرا لك يا أستاذ ايهاب انا عارف انك متقصدش حاجة ,
المشكلة ان عندى صوت عاملى وجع دماغ فى اول الدوارة فى منطقة الموتور و بسببه غيرت قواعد للموتور لكن لسه الصوت مستمر و خاصة لما ادوس بنزين وانا واقف بأسمع زى شخللة ,
فالميكانيكى كان بيبص على علبة الشكمان فقالى دى شكلها مخبوطة وعاوزة فنى شكمانات يبص عليها ,
فقلت اكيد الصوت ده من الشكمان ممكن من الخبطة الشكمان ملاصق للشاسية عشان كده عاوز حد يظبطه و يريحنى من الصداع ده ,
اللى حضرتك بتقول عليه فى الحسنية ده جنب الخضرى ولا قبله
آسف لازعاجك , و ربنا يديم المعروف .
مع الشكر .

**ehabbasha30** · 22-02-2009 03:12 PM

ابدا ابدا مفيش اى ازعاج
بص روح لبتاع الشكمانات اللى قصاد سوق الجملة
كنت عملت عندة قبل كدة وكان كويس
بس قوللة ان العربية مخبوطة من تحت والشكمان لازق فى العربية من تحت عشان ميشتغلكش ويقوللك عاوزة علبة والكلام دة
بس خد بالك ان ممكن الماسورة تكون اتطبقت من الخبطة ومحتاجة تتغير
لو قاللك الكلام دة ابقى شوفها بعد ما تطلع عشان تعرف اذا فعلا كانت محتاجة تتغير او لا
وعلى فكرة كل بتوع الشكمانات بيشتغلوا الزباين لو عرفو انهم مش فاهمين.... اى حرفى او صنايعى مش بتوع الشكمانات بس .... قليل اوى اللى عندهم ضمير
ربنا ما يحوجنا ليهم

**Lion_Heart** · 22-02-2009 03:29 PM

المشاركة الأصلية كتبت بواسطة ehabbasha30

قليل اوى اللى عندهم ضمير
ربنا ما يحوجنا ليهم

اللهم آمين

الموضوع: يا شباب المنصورة : حد يعرف صنايعى كويس يظبط الشكمان ؟

LinkBack

أدوات الموضوع

عرض

يا شباب المنصورة : حد يعرف صنايعى كويس يظبط الشكمان ؟ - انشر الموضوع فى :

-

-

-

-

-

-

-

-

-

المواضيع المتشابهه

شباب حد يعرف مركز خدمة قريب من الجيزة اكشف فيه علي عربية كويس

يا شباب حد يعرف ميكانيكى كويس بصقر قريش المعادى الجديدة

مين ممكن يظبط صوت كويس فى مصر الجديده

حد فكر يركب زجاج كهرباء لل128 او يعرف حد كويس او يعرف نوع مكن كويس يركبلها

صنايعى تكيف كويس !

الكلمات الدلالية لهذا الموضوع

المفضلات

المفضلات

ضوابط المشاركة